Mice 3:7 - Sră Goh 2018

⁷ Ală cau sền dà rơp ƀàssìl, mơ ală cau juh proh rơp kong sền òsơp. Jơh tơl nă bol khai rơp jơm lơmpiat bol khai dê, tài bơh ò gơs jơnau ho wơl bơh di Yàng Tom Trồ.

Mice 3:7 Referans Kwoze

Sacari 13:4

Tòm ngai hơ̆, kòp nă cau gơnoar hwơr rơp ƀàssìl bơh bơta gơtơnggŏ đơs hwơr khai dê; khai rơp ò soh ồi ào mơ sơnò be cau gơnoar hwơr nàng pơrlồm cau tai.

Esai 44:25

Añ la Bơtau neh tơnroh ală tềl ală cau gơnoar hwơr ma blac, mơ lơh ală cau đơs hwơr gơlik cau bơrngơl gơla; la Bơtau neh tă sang bơta jak chài mơ lơh cau git wă bol khai gơlik gơs tùl gơla,

Amôs 8:11

Jehôwa Yàng Tom Trồ đơs lah: “Ngan tŭ tơngai rơp tus, tòm tŭ Añ sồr bơta jơgloh rung tus tòm lơgar; ò di la jơgloh piang lă, kung ò di la tơhìr bơh dà hùc, mơya la bơh bơta kơno iat ală jơnau Yàng Jehôwa dê.

Ejekiel 24:17

Rac ròc òm mơya ò di dờng jơnau, ò ñìm bơh cau chơt in. Pùt chèo di bồ mê mơ jă khŏ di jơng; bañ cang sơnò tềp hala sa piang lă cau còp iang.”

I Samuel 28:6

Khai hòi lùp Yàng Jehôwa, mơya Yàng Jehôwa ò ho wơl khai in bơh bơta mpau, hala bơh Urim, hala bơh ală cau gơnoar hwơr.

Lebi 13:45

Cau gơs bơta sồt dun behơ̆ pal soh ồi ào crè sèt, lòi bồ gòi, gòm sơnò tềp khai dê mơ driau dờng lah: ‘Ò goh! Ò goh!’

Mice 7:16

Ală làng bol rơp gŏ mơ ƀàssìl, bơh jơh gơnoar pràn bol khai dê. Bol khai rơp ơn tê di bơr bol khai dê, mơ tồr bol khai rơp tĭ.

Ejekiel 24:22

Mơ bol mê rơp lơh kung be añ neh lơh; bol mê rơp ò jơm bơr đah đang, kung ò sa phan cau cèng còp iang.

Đơs Crih 74:9

Bol hi ò gŏ tai ală tềl sơnio bol hi dê; Ò tai gơs cau gơnoar hwơr, Mơ digùl bol hi kung ò gơs cau lơi git gam nđò jŏ tai.

I Samuel 28:15

Gen Samuel đơs mơ Sol lah: “Ñchi bơh tài mê lơh dơrcul añ mơ hòi añ guh taih?” Sol ho lah: “Añ ơm tòm bơta bòl glar dờng ngan. Bơh cau Philistin lơh kơlìn tòmlơh mơ añ, mơ Yàng Tom Trồ neh sang lòi añ mơ ò ho wơl añ in tai, bulah bơh ală cau gơnoar hwơr hala bơh ală bơta mpau. Behơ̆ añ neh hòi ồng nàng yal añ git ñchi añ pal lơh.”

I Samuel 14:37

Behơ̆ Sol lùp Yàng Tom Trồ lah: “Añ pal mù jat cau Philistin sơl? Kơnràñ rơp jào phi bol khai tòm tê cau Israel sơl?” Mơya Yàng Tom Trồ ò ho wơl khai in tòm ngai hơ̆.

I Samuel 9:9

(Lài òr tòm Israel, dilah dô nă cau kòñ lòt hòi lùp Yàng Tom Trồ gen khai rơp đơs lah: “Tus tĕ, bol he lòt lă hơ cau git lài,” tài bơh tòm tŭ hơ̆ cau òs sơnđan cau gơnoar hwơr la cau git lài.)

Lik Ejiptơ 9:11

Ală cau juh proh ò rgơi ntào di đap Môise, tài bơh toh mồr neh gơs hơđang jơh ală cau Ejiptơ.

Mice 3:4

Gen bol khai rơp hòi mơ Yàng Jehôwa, mơya Kơnràñ rơp ò ho wơl bol khai in. Tŭ hơ̆ Kơnràñ rơp pồn mat Kơnràñ dê bơh bol khai, tài bơh bol khai neh lơh bơta iơh bơsak.

Jeremi 18:18

Gen bol khai đơs lah: “Tus tĕ, bol he bơtào tĕ kai nàng tòmdră mơ Jeremi; bơh cau gơnoar ơn phan duh khoai ò siơ̆u bơta boh lam, cau jak chài ò siơ̆u bơta cri bơyai, cau gơnoar hwơr ò siơ̆u jơnau đơs hwơr. Bol he tus tĕ, ai jơnau đơs bol he tòmdră mơ khai, bañ ơn tồr iat jơnau khai dô êt lơi.”