Mice 3:12 - Sră Goh 2018

¹² Gen tàng, tài bơh bol mê Siôn rơp kong troă kung be ƀlàng sre; Jerusalem rơp gơlik gơs dô gơnru lề lac, mơ mơnơm hìu duh khoai dê rơp gơlik brê dơr.

Mice 3:12 Referans Kwoze

Jeremi 26:18

“Mice ơm tòm Môreset, la cau đơs hwơr bơh rài Ejekia, bơtau Juda, neh đơs mơ jơh làng bol Juda lah: Yàng Jehôwa Gơnap Gơnoar đơs be do: ‘Siôn rơp kong troă kung be sre, Jerusalem rơp gơlik gơs kung be gơnru lŭ, Mơnơm Hìu duh khoai rơp gơlik gơs tiah brê dơr.’

Đơs Crih 79:1

Ơ Yàng Tom Trồ, ală làng bol bơdìh neh mut tòm sre brê Yàng dê, Lơh ƀơ̆ ƀơl Hìu Duh Khoai Sàng Goh Yàng dê, Mơ lòi Jerusalem in gơlik gơs lề lac.

Mathiơ 24:2

Kơnràñ đơs lah: “Bol mê gŏ jơh ală bơta hơ̆ sơl? Di ngan Añ đơs mơ bol mê, rơp ò gơs pơnai lŭ lơi ơm hơđang pơnai lŭ ndai tòm tiah do mơ ò gơtìp tơrlơm.”

Mice 1:6

Behơ̆ tàng Añ rơp lơh Samari in gơlik gơs dô gơnru tơrlah tơrlơm tòm ƀlàng sre, dô bă tiah nàng tam ală suơn ño. Añ rơp tơndùh ală pơnai lŭ khai dê tòm thòng, mơ lòi ală mơnàng gơ dê ơm kuh.

Đơs Crih 107:34

Ù bơkah tiah lơngồt gơlik gơs ù ƀă, Tài bơh bơta iơh bơsak làng bol tềng hơ̆ dê.

Jeremi 9:11

“Añ rơp lơh Jerusalem in gơlik gơs dô gơnru tơrlah tơrlơm, Trồm ơm so rhau dê; Mơ lơh ală ƀòn dờng Juda dê gơlik gơs tiah lòi srau, ò gơs cau ơm.”

Jeremi 17:3

Ơ mơnơm Añ jê tòm lơgar, Añ rơp jào bơta pas sơm, mơ jơh ală phan màng mê lơh gơs phan phà kup; Be jền tơngai bơh tồi glài mê neh tìs tòm làm jơh lơgar bol mê dê.

Jeremi 22:6

Do la jơnau Yàng Jehôwa đơs bơh gơlang bơtau Juda dê: ‘Añ sền mê kung be Galaat, Kung be bồ mơnơm Liban, Mơya Añ srat să lah Añ rơp lơh mê in gơlik gơs ƀlàng bràs, gơlik gơs dô nơm ƀòn dờng ò gơs cau ơm.

Jeremi 35:17

Gen tàng, Jehôwa Yàng Tom Trồ Gơnap Gơnoar, Yàng Tom Trồ Israel dê, đơs be do: ‘Do, Añ rơp dùh hơđang Juda mơ jơh làng bol Jerusalem in ală bơta rung rài mơ Añ neh yal lài tòmdră mơ bol khai; bơh Añ đơs mơ bol khai ò bài iat, Añ hòi mơ bol khai ò ho wơl.’”

Jeremi 44:2

Yàng Jehôwa Gơnap Gơnoar, Yàng Tom Trồ Israel dê đơs be do: “Bol mê neh gŏ ală bơta rung rài mơ Añ neh tơndùh hơđang Jerusalem mơ ală ƀòn Juda dê. Ne, ală ƀòn hơ̆ ngai do gơkòl sang lòi ngềt ngơt ò gơs cau ơm,

Jeremi 52:13

Khai chu hìu Yàng Jehôwa, gơlang bơtau, mơ jơh ală hìu ơm tòm Jerusalem. Ală hìu dờng cau màng ryŭ dê khai chu jơh.

Ñìm Rac 5:18

Tài bơh mơnơm Siôn neh gơlik gơs tiah ngềt ngơt, so rhau lòt kơp mòc hơđang hơ̆.

Esai 32:14

Gơlang rơp kòl sang lòi, ƀòn dờng gal cau rơp kòl sang lòi ngềt ngơt, dòr mơ theng kơp gàr rơp gơlik trồm lòi srau gòi gam sùm sùm, tiah ală ơseh alàng hòn chò, dô nơm ƀlàng ñhơt ală mpồl phan poan jơng in sa.

Jeremi 9:10

Añ rơp ñìm rac pơt wòl bơh ală mơnơm, mơ ñìm rac ròc moat jrùng bơh ƀlàng ñhơt ƀlàng ngềt ngơt dê, Tài bơh gơ neh kong sang lòi srau gòi, tian gơs ò gơs cau lơi lòt gan, mơ ò gam kơno sap kơnrồ, Sềm trồ bal mơ phan poan jơng neh dô lik jơh.

Jeremi 22:5

Yàng Jehôwa đơs: Mơya dilah bol mê ò bài iat jơnau do, Añ srat să mơ să tòm Añ lah, hìu do rơp gơlik tiah lòi srau.’