Mathiơ 9:13 - Sră Goh 2018

¹³ Lòt tĕ bơtê git jơnau gơtha sèng do: ‘Añ kòñ bơta kòñ nđàc, ò kòñ phan ơn duh khoai ò.’ Bơh Añ tus ò di nàng hòi cau song ring ò, mơya nàng hòi cau glài.”

Mathiơ 9:13 Referans Kwoze

Jơnau Niam Jat Mak 2:17

Yàng Jesu kơno behơ̆ gen đơs mơ bol khai lah: “Cau pràn kơldang ò càng cau gơnoar sơnơm ò, mơya la cau kòp jê; Añ tus ò di nàng hòi cau song ring ò, mơya nàng hòi cau glài.”

Luka 19:10

Bơh Kòn Mơnus neh tus nàng jòi mơ dong klàs cau neh roh.”

Sră Ôse 6:6

Bơh Añ kòñ bơta kòñ gơboh kơ̆ dơn, ò kòñ phan ơn pơdơng, mơ bơta đal git Yàng Tom Trồ la niam rlau mơ phan ơn chu pơrguc.

Luka 5:32

Añ tus ò di nàng hòi cau song ring, mơya nàng hòi cau glài gơjrañ sang glài.”

Mathiơ 12:7

Dilah bol mê neh git wă jơnau gơtha sèng do: ‘Añ kòñ bơta kòñ nđàc, ò kòñ phan ơn duh khoai ò,’ gen bol mê ò lơh nền glài ală cau ò gơs glài.

Jơnau Pơnđik 21:3

Lơh jat bơta song ring mơ song ngan geh niam nùs Yàng Jehôwa rlau mơ phan ơn duh khoai.

II Pier 3:9

Yàng ò di òbat bơh jơnau ho pơgon Kơnràñ dê be ală cau ne kơlôi la òbat, mơya Kơnràñ kong ơt gơwèt mơ oh mi, ò kòñ dô nă cau lơi roh rui, mơya kòñ jơh tơl nă git gơjrañ sang glài.

Broă 3:19

Behơ̆, dilah ală oh mi gơjrañ sang glài mơ rê wơl hơ Yàng Tom Trồ, gen tồi glài bol mê geh toh jơh,

Broă 11:18

Dơ̆ bol khai kơno jơnau hơ̆, gen ơm mŏ mŏ, lồc behơ̆ jòng ro Yàng Tom Trồ lah: “Behơ̆, Yàng Tom Trồ kung neh ai bơta gơjrañ sang glài làng bol bơdìh in tồ bol khai geh bơta kis.”

Mathiơ 3:2

“Gơjrañ sang glài tĕ, bơh lơgar đang trồ neh tus rềp.”

Broă 5:31

Yàng Tom Trồ neh yò tơngguh Kơnràñ hơ̆ hơ đah ma Yàng Tom Trồ, lơh gơs Bơtau mơ Yàng Dong Klàs nàng ai làng bol Israel in tŭ gơjrañ sang glài mơ geh toh glài.

Luka 24:47

mơ cau pal ai sơnđan Kơnràñ mơ bơto yal bơta gơjrañ sang glài mơ bơta toh glài jơh ală làng bol in, rơp sơntòm bơh Jerusalem.

Mathiơ 4:17

Bơh tŭ hơ̆, Yàng Jesu sơntòm bơto yal lah: “Bol mê gơjrañ sang glài tĕ, bơh lơgar đang trồ neh tus rềp.”

Broă 2:38

Pier ho lah: “Gơjrañ sang glài tĕ, mơ kòp nă ai tĕ sơnđan Yàng Jesu Krist mơ gơs ƀaptem tồ geh toh glài he, lồc behơ̆ rơp dòp geh bơta ai gòi la Yàng Hwềng Goh.

Mathiơ 3:8

Gơlik tĕ plai di pal mơ bơta gơjrañ sang glài.

Broă 20:21

Bơto tơnggit cau Juda kung be cau Grek in bơh bơta gơjrañ sang glài gơwèt hơ Yàng Tom Trồ mơ bơta dòn di Yàng Jesu Krist la Yàng bol he dê.

Mathiơ 21:42

Yàng Jesu đơs mơ bol khai lah: “Bol mê òhềt sền tòm Sră Goh lah: ‘Pơnai lŭ mơ ală cau bơt hìu neh sang tơlik, Lŭ hơ̆ neh gơlik gơs lŭ mum hìu. Bơta hơ̆ la bơh Yàng lơh gơs, Mơ la dô bơta crih crài di đap mat bol he’ ơ?

Mathiơ 12:3

Kơnràñ đơs lah: “Bol mê òhềt sền sră cih bơh broă Dabit lơh tòm tŭ khai mơ ală cau lòt jat khai jơgloh ơ?

Jơnau Niam Jat Mak 12:26

Ai bơh ală cau chơt geh kis wơl, gen bol mê òhềt sền tòm sră Môise tòm tiah neh cih bơh jơnau Yàng Tom Trồ đơs mơ khai tòm rlau lò lah: ‘Añ la Yàng Tom Trồ Abraham dê, Yàng Tom Trồ Isak dê, Yàng Tom Trồ Jakôp dê,’ ò ơ?

Jang 10:34

Yàng Jesu ho lah: “Ò di tòm bơta boh lam bol mê dê gơs cih lah: ‘Añ neh đơs: Ală bol mê la yàng,’ ò ơ?

Mathiơ 19:4

Kơnràñ ho lah: “Bol mê òhềt sền jơnau neh cih lah, bơh sơnròp Yàng Tom Trồ neh lơh gơs cau klau mơ cau ùr,

Mathiơ 12:5

Hala bol mê òhềt sền tòm bơta boh lam, ală cau gơnoar ơn phan duh khoai lơh broă tòm hìu duh khoai tòm ngai Saƀat mơ tìs mơ bơta boh lam mơ ò gơkòl glài sơl ơ?

Luka 10:26

Kơnràñ lùp khai lah: “Ñchi bơta neh cih tòm bơta boh lam taih? Mê sền mơ wă mbe lơi?”

Jơnau Niam Jat Mak 12:33

Mơ kòñ gơboh di Yàng jơh nùs, jơh dơngoh jak, jơh pràn, mơ kòñ gơboh di cau gơp ƀòn he be să tòm he, hơ̆ la bơta dờng màng rlau mơ jơh ală phan ơn mơ ală phan ơn duh khoai ndai tai sơl.”

Luka 5:31

Yàng Jesu đơs mơ bol khai lah: “Cau pràn kơldang ò càng cau gơnoar sơnơm ò, mơya la cau kòp jê.