Mathiơ 6:5 - Sră Goh 2018

⁵ “Tòm tŭ bol mê hòi dan, bañ lơh be ală cau ma blac, bơh bol khai kòñ ntào hòi dan tòm ală hìu jum mơ di ală mum gùng, nàng cau in gŏ. Di ngan Añ đơs mơ bol mê, bol khai neh geh phan ƀàn bol khai dê rau.

Mathiơ 6:5 Referans Kwoze

Mathiơ 6:2

Behơ̆ tòm tŭ mê pà gòi, bañ uh kơlwòk di đap he, be ală cau ma blac lơh tòm ală hìu jum mơ tòm ală gùng me, nàng geh cau jòng ro. Di ngan Añ đơs mơ bol mê, bol khai neh geh phan ƀàn bol khai dê rau.

Luka 18:13

Ai cau dar dia ơm ngài ngài, ò khin tơnggòr mat hơđang trồ, tur ntơh he mơ đơs lah: ‘Khoai Yàng Tom Trồ, dan nđàc sơngit di añ la cau glài.’

Jơnau Niam Jat Mak 11:25

Tòm tŭ bol mê ntào hòi dan, dilah gơs bơta lơi gơtòmkal mơ cau lơi, gen toh glài tĕ nàng Bèp bol mê ơm hơđang trồ kung rơp toh glài bol mê in sơl.” [

Jeremi 29:12

Tòm tŭ bol mê hòi Añ, mơ tus mơ hòi dan mơ Añ, Añ rơp dòp jơnau.

Esai 1:15

Tòm tŭ bol mê pò tê bol mê dê, Añ rơp cang kìng mat Añ bơh di bol mê. Bulah dilah bol mê hòi dan oă jơnau, Añ rơp ò iat. Tê bol mê dê bềng mhàm.

Luka 20:47

Bol khai lơh bơthĭ hòi dan jòng jơnau, mơya sa loan hìu ală cau ùr bơnrau dê. Bol khai rơp kong cahrña mơ lơh nền glài kơnjơ̆ rlau tai.”

Jakơ 4:6

Mơya Kơnràñ ai bol he in bơta nđàc oă rlau tai. Behơ̆ tàng Sră Goh cih lah: “Yàng Tom Trồ tòmdră mơ cau pơnhừ să, mơya ai bơta nđàc cau tơnliah să in.”

Luka 18:1

Yàng Jesu yal cau bơtê in dô jơnau pơnyơu, nàng bơto bol khai pal hòi dan sùm, bañ tŭ lơi gơplơ̆ nùs.

Daniel 6:10

Bulah Daniel neh kơno la jơnau bơkơ̆u hơ̆ cau bơtau neh lơh tềl sơnđan mat rau, khai kư̆ gam rê hơ hìu khai, tềng hơ̆ gơs ală mpồng dềt tòm ơdŭ jơnhoa hơđang, Daniel òs pò ală mpồng dềt wèt hơ đah Jerusalem, mơ cùn gơltang dô ngai pe dơ̆ hòi dan, mơ jòng ro Yàng Tom Trồ jat be khai neh òs lơh bơh lài.

Ephesô 6:18

Jơh nùs tĕ hòi dan mơ rac dan; tŭ lơi kung hòi dan tĕ kơnòm di Yàng Hwềng; bơh bơta hơ̆ drơng kơp tĕ, kơ̆ nùs wền dơngoh tòm jơh ală bơta mơ hòi dan jơh ală cau sàng goh in.

Luka 11:43

Bòl glar bol mê in la cau Pharisi! Bơh bol mê kòñ nggui cơnòng hơđap tòm hìu jum, kòñ gơs cau lùp còp să tòm gùl drà.

Mathiơ 21:22

Tòm tŭ hòi dan, dilah dòn gen ngan rơp dòp geh jơh ală bơta bol mê dan.”

Đơs Crih 55:17

Mho, drim mơ gùl ngai, añ rac ròc mơ pơt wòl, Mơ Kơnràñ rơp kơno jơnau đơs añ jê.

Đơs Crih 5:2

Ơ Bơtau at bồ añ mơ la Yàng Tom Trồ añ, dan iat jơnau hòi dan añ jê, Bơh añ hòi dan mơ Kơnràñ.

I Tesalônika 5:17

Hòi dan tĕ ò dơh.

Jang 16:24

Tus di tŭ do, bol mê òhềt ai sơnđan Añ mơ dan bơta lơi. Dan tĕ, gen bol mê rơp geh, tồ bơta hòn chò bol mê dê geh wil tơl.

Jơnau Niam Jat Mak 12:38

Tòm tŭ bơto sồr, Kơnràñ đơs lah: “Kơrhia tĕ di ală cau bơto bơta boh lam la cau kòñ soh ào jrùh mơ lòt yơng, kòñ gơs cau lùp còp să tòm gùl drà,

Mathiơ 9:38

Behơ̆ hòi dan tĕ mơ Yàng kơnhai toès sồr cau toès lòt tus tòm tiah toès Kơnràñ dê.”

Mathiơ 23:13

“Bòl glar bol mê in, cau bơto bơta boh lam mơ cau Pharisi, la cau ma blac! Tài bơh bol mê til mpồng lơgar đang trồ di đap cau; să tòm bol mê ò bài mut mơ cau lơi kòñ mut gen bol mê kung ò ai. [

Jơnau Pơnđik 16:5

Cau pơnhừ să ai lơh cù kìr Yàng Jehôwa in; Di ngan, bol khai rơp ò geh klàs bơh bơta lơh glài.

Mathiơ 23:6

kòñ nggui tiah màng ryŭ tòm bơta ñô sa, mơ nggui cơnòng hơđap tòm hìu jum,

Jơnau Pơnđik 15:8

Phan ơn duh khoai cau iơh bơsak ai lơh cù kìr Yàng Jehôwa in; Mơya jơnau hòi dan cau song ring dê geh niam nùs Kơnràñ.

Mathiơ 6:16

“Tòm tŭ bol mê ơt sa, bañ lơh bơthĭ moat jrùng be cau ma blac, bơh bol khai lơh ñòp muh ñòp mat nàng cau in git bol khai ơt sa. Di ngan Añ đơs mơ bol mê, bol khai neh geh phan ƀàn bol khai dê rau.

Mathiơ 6:1

“Kơrhia tĕ, tòm tŭ lơh broă niam, bañ lơh di đap cau nàng bol khai in gŏ. Dilah ò behơ̆, gen bol mê ò geh phan ƀàn lơi bơh dê Bèp bol mê ơm hơđang trồ.

Mathiơ 23:5

Jơh ală broă bol khai lơh la nàng cau in sền gŏ, bơh bol khai wan gơltau bơta boh lam ơnàng mơ pơnhwài jòng tiang ào,

Luka 6:24

Mơya bòl glar ngan bol mê in la cau pas sơm, bơh neh geh bơta pơndòm pơniang he dê rau!