Mathiơ 5:42 - Sră Goh 2018

⁴² Cau lơi dan mơ mê, gen ai tĕ; cau lơi kòñ càn mơ mê, gen bañ lơh sềt.”

Mathiơ 5:42 Referans Kwoze

Jơnau Pơnđik 19:17

Cau lơi nđàc sơngit cau rƀah, hơ̆ la ai Yàng Jehôwa in càn jồm; Kơnràñ rơp tơm wơl broă bơta nđàc hơ̆ khai in.

Hebrơ 13:16

Bañ sang lòi bơta lơh niam mơ tòmpà phan he gơs, bơh hơ̆ la kung be phan ơn duh khoai niam nùs Yàng Tom Trồ.

Đơs Crih 37:21

Cau iơh bơsak càn mơ ò rgơi tơm wơl, Ai cau song ring gơs nùs dờng ơnàng mơ ai pà.

Rôma 12:20

Bơh kung gơs cih lah: “Dilah cau sò tơm he gơs jơgloh, gen ai tĕ khai in sào; dilah khai tơhìr dà, gen ai tĕ khai in hùc; bơh lơh behơ̆ la ò gơkrơi be he ai rơnga ồs hơng tơrjik hơđang bồ khai.”

Daniel 4:27

Behơ̆ tàng, Ơ bơtau, dan iat jơnau añ bơto tơngkah: Dan bơtau lơh jat tĕ bơta song ring nàng tơwài ală bơta tồi glài bơtau dê, nđàc sơngit tĕ di ală cau kong rồn bơklơn nàng tơwài ală bơta iơh bơsak bơtau dê. Behơ̆ digơlan bơta pas gơs lơngai lơngò bơtau dê gơ rơp gam gơs jŏ jòng rlau.”

Cau Bơto 11:6

Tòm àng drim, sih tĕ gar sơntìl mê dê, tus di trồ mho bañ lòi tê mê dơh wơl; bơh mê ò git gar sơntìl lơi rơp hòn niam, sơntìl do, hala sơntìl ne, hala jơh bàr bơta geh hòn niam lơm.

Hebrơ 6:10

Bơh Yàng Tom Trồ ò di la ò song ring mơ hŭi ală broă mơ bơta kòñ gơboh oh mi neh yal tơlik bơh sơnđan Kơnràñ, tòm tŭ neh duh broă ală cau sàng goh in mơ kung gam duh broă tai sơl.

Jakơ 1:27

Bơta dòn jơnau song sàng goh ò ƀơ̆ ƀơl di đap Yàng Tom Trồ la Bèp, hơ̆ la còp ală cau kòn đòi mơ ală cau ùr bơnrau tòm bơta dồn sa rƀah bol khai dê, mơ kơrmap gàr să he klàs bơh bơta roh rui dunnia dê.

Luka 11:41

Mơya bol mê ai tĕ bơta gơs tòm dơlam mơ pà gòi dờng ơnàng cau rƀah lơòi in, gen ală bơta la goh bol mê in.

Jơnau Pơnđik 21:26

Gơs cau jơh ngai hàm kòñ oă; mơya cau song ring ai gòi ò lơh kơnềs,

Mathiơ 5:41

Hala cau lơi kòñ kup mê lòt dô kơsồ, gen lòt tĕ bàr kơsồ bal mơ khai.