Mathiơ 5:22 - Sră Goh 2018

²² Mơya Añ đơs mơ bol mê: Dilah cau lơi gơjrañ dê oh mi he, gen ò rgơi pleh dê bơta cahrña; cau lơi wàc oh mi he, gen ò rgơi pleh di Mpồl Kwang Tơrña; ai cau lơi lah sơrpah oh mi he, gen ò rgơi pleh di ồs brah tìng.

Mathiơ 5:22 Referans Kwoze

I Jang 2:9

Cau lơi đơs lah he ơm tòm bơta àng, mơ gơjrañ kơuềng di oh mi he, gen gam ơm tòm bơta klam jơngo.

Jakơ 3:6

Lơmpiat kung be ồs. Lơmpiat la be dô nơm dunnia tồi glài iơh bơsak ơm digùl ală pơnah tòm să jan he, lơh ƀơ̆ ƀơl jơh să jan, chu pơrguc jơh rài kis cau, ai gơ gen neh kong ồs brah tìng chu pơrguc sơl.

Sră Pơyoa Pol Dê Pơyoa Tit In 3:2

bañ bơrsèl tơnhial di cau lơi, bañ tòmpìt tòmhà, gơtòmsòr tĕ, bềng bơta niam lơnhơn gơwèt mơ jơh tơl nă cau.

Mathiơ 10:28

Bañ rngòt di cau tơnchơt să jan mơ ò rgơi tơnchơt hwềng soàn; mơya chan rngòt tĕ di Bơtau rgơi tơnroh hwềng soàn bal mơ să jan tòm brong ồs.

Mathiơ 18:35

Dilah kòp nă tòm bol mê ò jơh nùs toh glài oh mi he in, gen Bèp Añ hơđang trồ kung rơp lơh bol mê in behơ̆ sơl.”

I Pier 3:9

Bañ ai bơta iơh sal wơl bơta iơh, kung bañ ai bơta lah sơrpah sal wơl bơta lah sơrpah; mơya gơpơrlơ̆ wơl, pal ai lơngai, bơh bơta hơ̆ mơ oh mi geh hòi sac nàng pơrdòn bơta lơngai lơngò.

Rôma 12:10

Kòñ gơboh tĕ duh hul bal mơ gơp be oh mi tòm Yàng, jơh nùs sền tĕ màng ryŭ bal mơ gơp.

I Pier 2:23

Tòm tŭ Kơnràñ kong cau lah sơrpah, gen Kơnràñ ò lah sơrpah wơl; tòm tŭ kong bòl glar jê sồt, gen ò đơs pơhìn, mơya Kơnràñ kư̆ jào phi să tòm Kơnràñ dê Bơtau cahrña dô bă song ring.

Mathiơ 18:21

Tŭ hơ̆ Pier tus lùp Kơnràñ lah: “Ơ Yàng, dilah oh mi añ tìs glài mơ añ, gen nđò dơ̆ añ toh glài khai in taih? Jơl tus di poh dơ̆ sơl ơ?”

Đơs Crih 109:3

Bol khai ai jơnau gơjrañ kơuềng mơ sòdră di añ, Mơ brồ lơh añ ò bồ.

Đơs Crih 37:8

Kơryan tĕ, bañ gơjrañ tai, sang tĕ bơta gơjrañ dờng! Bañ gơs nùs sơềt sơềl, bơta hơ̆ mìng lam tus hơ bơta lơh iơh.

Jude 1:9

Mơya tòm tŭ cau gơnrơh dờng rlau jơh la Mikael tòm pơndang mơ cà ràk nàng tòmpìt ƀồc Môise, gen khai ò khin ai jơnau bơrsèl tơnhial nàng yă cà ràk mơya mìng đơs lah: “Dan Yàng lah pơrhơng mê.”

I Jang 3:10

Kơnòm dê bơta do rgơi cah is loh làng kòn Yàng Tom Trồ mơ kòn cà ràk dê. Cau lơi ò lơh bơta song ring gen ò bal mơ Yàng Tom Trồ, cau ò kòñ gơboh di oh mi he ò di la kòn Yàng Tom Trồ.

Broă 17:18

Gơs ală cau bơto tòm mpồl cau Epikurien mơ cau Stoic kung tòm pơndang mơ khai. Cau ƀà lùp lah: “Ñchi cau jak đơs do kòñ đơs taih?” Cau ƀà tai đơs lah: “Gơlơh be khai bơto yal bơh ală yàng lơgar bơdìh,” tài bơh Pol bơto yal Jơnau Niam bơh Yàng Jesu mơ bơta kis wơl.

I Tesalônika 4:6

bañ gơs cau lơi lơh tìs mơ lơh iơh mơ oh mi he tòm broă hơ̆, tài bơh Yàng la Bơtau sal wơl jơh ală bơta hơ̆, kung be bol hi neh đơs lài mơ neh lơh cơng oh mi in rau.

Jơnau Niam Jat Mak 14:55

Mơ tai, ală cau gơnoar lam bồ ơn phan duh khoai mơ jơh Mpồl Kwang Tơrña jòi cơng tàng yă Yàng Jesu nàng tơnchơt Kơnràñ, mơya jòi ò bàn.

Mathiơ 26:59

Mơ tai, ală cau gơnoar lam bồ ơn phan duh khoai mơ jơh Mpồl Kwang Tơrña jòi jơnau lơh cơng blac di Yàng Jesu, nàng tơnchơt Kơnràñ.

Yal Wơl 15:11

Rơp gơs sùm ală cau rƀah lơòi tòm lơgar. Gen tàng añ ai jơnau sồr bol mê pal pò tê gơwèt hơ ală oh mi bol mê dê, mơ gơwèt hơ ală cau rƀah siơ̆u siar tòm lơgar bol mê dê.”

Jang 11:47

Tài behơ̆, ală cau gơnoar lam bồ ơn phan duh khoai mơ ală cau Pharisi pơjum Mpồl Kwang Tơrña mơ đơs lah: “Ñchi bol he pal lơh taih? Cau do lơh oă ngan tềl krơi.

Yal Tơlik 20:14

Gen bơta chơt mơ lơgar làng ƀồc kong sơrbì tòm brong ồs. Brong ồs la bơta chơt dơ̆ bàr.

Broă 7:37

Să tòm Môise do neh đơs mơ kòn sau Israel lah: ‘Yàng Tom Trồ rơp bơh digùl bol mê mơ bơtào tơngguh dô nă Cau gơnoar hwơr be añ.’

Luka 12:5

Mơya Añ sơnio bol mê in git pal rngòt di ñcau: pal rngòt di Bơtau tơnơ̆ mơ tŭ neh tơnchơt să jan rau, kung gơs gơnoar sơrbì tòm brah tìng tai; ngan Añ đơs mơ bol mê, pal rngòt tĕ di Bơtau hơ̆!

Mathiơ 5:44

Mơya Añ đơs mơ bol mê: Kòñ gơboh tĕ di cau sò tơm di bol mê, mơ hòi dan tĕ cau lơi in kup kơryan bol mê,

Mathiơ 5:34

Mơya Añ đơs mơ bol mê: Bañ srat să bơh bơta lơi; bañ sơnio trồ, tài bơh gơ la sơbàn Yàng Tom Trồ dê;

Mathiơ 3:17

Ne, gơs jơnau bơh đang trồ đơs lah: “Do la Kòn kòñ gơboh Añ jê, niam nùs Añ jơh ală bơta.”

Apdia 1:10

Bơh bơta tơnchơt mơ bơta jàñ bơsak mê neh lơh di oh mi mê la Jakôp, bơta ƀàssìl rơp jơm ndơp mê, mơ mê rơp kong tơnroh jơl sùm sùm!

Jơnau Pơnđik 14:16

Cau jak chài rngòt mơ pleh klàs di bơta iơh; Mơya cau tùl gơla pơnhừ să, mơ ò git kơrhia.

Đơs Crih 7:4

Dilah añ neh sal wơl bơta iơh di cau ơm gơtòmsòr mơ añ, Dilah añ neh nisơna tòmpìt kơñau phan cau sòdră di añ,

Sơnròp Gơlik Gơs 37:4

Ală bi khai gŏ bèp kòñ gơboh di Jôsep rlau mơ ală bol khai, gen gơs nùs gơjrañ kơuềng di khai, mơ ò bài đơs niam mơ khai.

I Jang 5:16

Dilah cau lơi gŏ oh mi he tìs glài, la glài ò di pal chơt, gen hòi dan tĕ khai in, mơ Yàng Tom Trồ rơp ai bơta kis khai in; hơ̆ la ai ală cau tìs glài ò di pal chơt. Kung gơs glài pal chơt; hơ̆ ò di la bơh glài hơ̆ mơ añ đơs pal hòi dan.

Jakơ 2:20

Ơ cau tùl gơla ne, mê kòñ git lah bơta dòn ò gơs broă lơh la ò kwơ sơl?

Hebrơ 12:25

Oh mi kơrhia tĕ, bañ sềt tồr mơ Bơtau ơm đơs. Bơh dilah ală cau ne neh ò bài iat cau bơto tơngkah tòm ù gen ò geh pleh klàs, tơ ài lah bol he pơrlac sang Bơtau bơto tơngkah bơh đang trồ gen mbe rgơi pleh klàs.

Hebrơ 5:9

mơ dơ̆ Kơnràñ neh geh wil tơl rau, gen gơlik gơs tòm ryas bơta dong klàs gam sùm sùm jơh ală cau in dòn bơr Kơnràñ,

I Kôrintô 6:10

cau ntung kơñau, cau hàm hà, cau bơñul lơmbè, cau lah sơrpah, cau sa kwà, jơh ală cau hơ̆ ò geh pơrdòn lơgar Yàng Tom Trồ.

I Kôrintô 6:6

Mơya oh mi yă wơn cau dòn, mơ cèng di đap cau ò dòn dê.

Broă 5:27

Bol khai lam ală cau gơnoar bơto dờng tus ntào di đap Mpồl Kwang Tơrña. Cau gơnoar dờng lam bồ ơn phan duh khoai khào lùp bol khai lah:

Jang 15:25

Hơ̆ tồ gơlik di ngan be jơnau neh cih tòm bơta boh lam bol khai dê lah: ‘Bol khai gơjrañ di Añ la ò bồ.’

Jang 8:48

Ală cau Juda ho lah: “Bol hi đơs lah Cau Bơto la cau Samari mơ kòl cà lơh, hơ̆ la ngan.”

Jang 7:20

Mpồl làng bol ho lah: “Mê kòl cà lơh rau, ñcau jòi tơnchơt mê taih?”

Jơnau Niam Jat Mak 15:1

Tòm tŭ rìng àng, ală cau gơnoar lam bồ ơn phan duh khoai, bơyai bal mơ ală cau kwang kra, ală cau bơto bơta boh lam mơ jơh Mpồl Kwang Tơrña, bol khai cap Yàng Jesu mơ cèng jào Pilat in.

Mathiơ 25:41

Gen Kơnràñ rơp đơs mơ ală cau ơm đah kiau lah: ‘Ơ ală cau gơkòl srat rma, lik tĕ bơh di Añ mơ mut tòm ồs gam sùm sùm, la tiah neh rcang sir cà ràk in mơ ală cau gơnrơh gơ dê.

Mathiơ 23:33

Ơ jơi bơs, jơi bơtiàn bơs tur ne, mbe bol mê geh klàs di bơta lơh glài brah tìng dê taih?

Mathiơ 23:15

Bòl glar bol mê in, cau bơto bơta boh lam mơ cau Pharisi, la cau ma blac! Bơh bol mê lòt làm dàlềng làm ù nàng lam dô nă cau mut tòm gùng duh khoai; dơ̆ khai mut rau, gen bol mê lơh khai in gơlik kòn sau brah tìng bàr dơ̆ rlau mơ bol mê.

Mathiơ 17:5

Tòm tŭ khai gam đơs, gơs dô puk mhwal àng lơr jơm gòm bol khai, mơ gơs jơnau bơh tòm mhwal đơs lah: “Do la Kòn kòñ gơboh Añ jê, niam nùs Añ tòm ală bơta; iat tĕ Khai.”

Mathiơ 12:24

Tòm tŭ ală cau Pharisi kơno jơnau hơ̆ gen đơs lah: “Cau do mìng kơnòm di Beeljebul la bơtau cà mơ bơtrơh cà.”

Mathiơ 10:17

Kơrhia tĕ dê cau, bơh bol khai rơp bơtào bol mê di đap Mpồl Kwang Tơrña, mơ pù lơh bol mê tòm ală hìu jum.

Apdia 1:12

Di pal ngan mê ò di chò hòp di oh mi mê dê, tòm ngai rung rài khai dê; kung ò di chò hòp bơh làng bol Juda tòm ngai tơnroh bol khai dê, kung ò di jòng să oă ir tòm ngai bòl glar bol khai dê.

Daniel 3:19

Tŭ hơ̆, bơtau Nebukatnessar gơhào gơjrañ dum muh dum mat gơwèt mơ Sadrak, Mesak mơ Abetnegô, mơ ai jơnau sồr sing ồs duh hơng poh dơ̆ rlau mơ òs,

Daniel 3:13

Tŭ hơ̆, bơtau Nebukatnessar gơjrañ ngan, sồr cèng Sadrak, Mesak, mơ Abetnegô tus, gen ală cau hơ̆ kòl cèng tus di đap cau bơtau.

Ñìm Rac 3:52

Ală cau hơ̆ la cau sò tơm añ jê ò bồ neh mòc añ kung be mòc sềm.

Jeremi 17:11

Cau lơi geh pas gơs ò jat bơta song ring, Kung be sềm tap tra krơm tap mơ gơ ò tap; Tus di nggùl rài, khai kong roh jơh, mơ tòm ngai lồi dut khai gơlik gơs cau bơrngơl gơla.

Jơnau Pơnđik 18:6

Sơndồi cau tùl gơla cèng bơta tòm pơndang bal; Mơ bơr khai hòi jà bơta pù lơh.

Đơs Crih 92:6

Cau bơrngơl gơla ò rgơi git, cau tùl gơla kung ò rgơi wă bơta do:

Đơs Crih 69:4

Ală cau gơjrañ kơuềng di añ ò bồ; Oă rlau mơ sŏ di bồ añ jê; Bol khai la ală cau kòñ tơnroh añ, ală cau sò tơm di añ yă blac añ. Tŭ do añ pal tơm phan añ ò kơñau sơl ơ?

Đơs Crih 49:10

Ngan, khai rơp gŏ bulah cau jak chài kung chơt, Cau bơrngơl mơ cau gơla kung pal chơt roh behơ̆ sơl, Mơ lòi phan mơna he dê cau ndai in.

Đơs Crih 35:19

Dan bañ ai ală cau tòmsò ò bồ di añ, mơ hòn chò tài bơh añ, Kung bañ ai ală cau gơjrañ kơuềng ò bồ di añ gơs mat sền òsơp di añ.

Đơs Crih 25:3

Ngan dan bañ lòi cau lơi kơp gơn di Kơnràñ gơkòl ƀàssìl; Ai ală cau dờng nùs pơrlơ̆ dră gen lòi bol khai gơkòl ƀàssìl.

Đơs Crih 14:1

Cau bơrngơl gơla đơs tòm nùs lah: “Ò gơs Yàng Tom Trồ.” Bol khai ƀơ̆ iơh lơm, bol khai lơh ală bơta ngkòr ngkàc, Ò gơs cau lơi lơh bơta niam.

Nehemi 5:8

gen đơs mơ bol khai lah, “Jat be bơta bol hi rgơi, bol hi neh tơwài oh mi he la cau Juda neh kòl tac ală làng bol bơdìh in, la ală cau pal gơkòl tac bơh bol he wơl ơ?” Gen bol khai ơm mŏ mŏ mơ ò rgơi jòi jơnau lơi nàng đơs, gen añ đơs lah:

II Yal Yau 16:10

Asa gơhào gơjrañ di cau gơnoar hwơr tài bơh jơnau hơ̆; mơ kup Hanani jàm khai tòm hìu prap phan, bơh bơtau gơhào gơjrañ di khai. Kung tòm tŭ hơ̆, Asa rồn bơklơn iơh rmơh ngan dô êt nă cau tòm làng bol.

I Ală Bơtau 21:4

Ahap rê hìu moat mơ gơjrañ, bơh jơnau Nabôt, cau Jejreel neh đơs mơ khai; bơh khai neh đơs lah: “Añ rơp ò ai bơtau in sre brê ồng pàng añ jê.” Ahap bic hơđang cơnòng, wèt mat đah dơrñang, mơ ò bài sa.

II Samuel 16:7

Simei driau dờng ndang srat rma Dabit ndang mơ đơs lah: “Ơ cau tơnchơt cau, ơ cau iơh bơsak, lik tĕ, lik tĕ!

II Samuel 6:20

Gen Dabit rê wơl nàng ai lơngai hìu nhă khai in. Mơya Mikal kòn ùr Sol dê, lik rò khai mơ đơs lah: “Mbe lơi bơtau Israel dê lơh să tòm khai in geh màng ryŭ tòm ngai do, ơm să kuh di đap mat ală dĭ ùr cau duh broă khai dê, lơh kung be dô nă cau làng òs, ơm să kuh ò git ƀàssìl!”

Sơnròp Gơlik Gơs 37:8

Gen ală bi khai ho lah: “Mê rơp at bồ bol hi ơ? Mê rơp geh gơnoar hơđang bol hi ơ?” Bol hơ̆ sơlo gơjrañ kơuềng di khai oă tai, tài bơh ală bơta mpau mơ jơnau đơs khai dê.

Yal Wơl 16:18

Pồ bơtào tĕ ală cau kwang cahrña mơ ală cau kwang at bồ kòp jơi bơtiàn bol mê in tòm kòp nơm ƀòn dờng mơ Jehôwa Yàng Tom Trồ bol mê dê ai bol mê in, mơ bol khai rơp cahrña làng bol dô bă song ring.

II Yal Yau 19:5

Khai pồ bơtào ală cau kwang cahrña tòm kòp ală ƀòn dờng kơ̆ cê, bơh ƀòn dờng do tus hơ ƀòn dờng ne tòm Juda,

Luka 22:66

Rìng àng, ală cau kwang kra tòm làng bol, ală cau gơnoar lam bồ ơn phan duh khoai mơ ală cau bơto bơta boh lam pơjum bal, cèng Yàng Jesu mut tòm Mpồl Kwang Tơrña bol khai dê,

Broă 4:15

Tơnơ̆ mơ tŭ sồr Pier mơ Jang lik bơh ơdŭ Mpồl Kwang Tơrña, gen bol khai sơntòm bơyai bal lah:

Broă 5:21

Ală cau gơnoar bơto dờng kơno ală jơnau hơ̆, gơ rơp rìng àng bol khai mut tòm hìu duh khoai mơ bơto sồr. Ai cau gơnoar dờng lam bồ ơn phan duh khoai mơ ală cau jat khai tus, pơjum Mpồl Kwang Tơrña mơ jơh ală cau kwang kra làng bol Israel dê, sồr cau mut tòm hìu jàm nàng lam ală cau gơnoar bơto dờng lòt tus hơ bol khai.

Broă 6:12

Bol hơ̆ chồl bơtrut làng bol, ală cau kwang kra mơ ală cau bơto bơta boh lam, lồc behơ̆ brồ kup khai mơ lam lòt tus hơ Mpồl Kwang Tơrña.

Broă 6:15

Jơh ală cau nggui tòm Mpồl Kwang Tơrña sền trol di Etien, gŏ muh mat khai be muh mat dô nă cau gơnrơh dê.

Broă 22:30

Ngai tơnơ̆, cau kwang ling kòñ git nền ñchi bơh tài Pol kòl cau Juda yă, gen sồr hồ che cap khai in, mơ sồr hòi ală cau gơnoar lam bồ ơn phan duh khoai, mơ jơh ală cau tòm Mpồl Kwang Tơrña pơjum bal, lồc behơ̆ lam Pol lik ntào di đap bol khai.

Broă 23:1

Pol sền di Mpồl Kwang Tơrña mơ đơs lah: “Ơ ală oh mi, di đap Yàng Tom Trồ añ neh kis bơh nùs tồr niam mơ song ngan jơl tus di ngai do.”

Broă 24:20

Hala să tòm ală cau ơm tềng do, yal tơlik tĕ bơta lơi tìs mơ bol khai neh gŏ añ lơh tòm tŭ añ ơm ntào di đap Mpồl Kwang Tơrña,