Mathiơ 4:19 - Sră Goh 2018

¹⁹ Kơnràñ đơs mơ bol khai lah: “Jat tĕ Añ; Añ rơp lơh bol mê in gơlik gơs cau dang bơtơng cau.”

Mathiơ 4:19 Referans Kwoze

Jang 12:26

Dilah cau lơi duh broă Añ, gen pal jat Añ, mơ Añ ơm tiah lơi gen cau duh broă Añ kung rơp ơm tềng hơ̆ sơl. Dilah cau lơi duh broă Añ, gen Bèp Añ rơp sền khai màng ryŭ.”

Mathiơ 16:24

Chòp Yàng Jesu đơs mơ ală cau bơtê lah: “Dilah cau lơi kòñ jat Añ, gen pơndang sang tĕ să he, tui chi pơng he mơ jat Añ.

Luka 9:59

Kơnràñ đơs mơ cau ndai lah: “Lòt tĕ jat Añ.” Cau hơ̆ ho lah: “Ơ Yàng, dan ai Añ in rê tơp bèp añ lài.”

Jang 21:22

Yàng Jesu đơs lah: “Dilah Añ kòñ khai kư̆ ơm jơl tus di tŭ Añ tus, gen ñchi bơta gơkwă di mê taih? Ai mê, jat tĕ Añ.”

Jang 1:43

Ngai tơnơ̆, Yàng Jesu kòñ lòt hơ Galile. Kơnràñ bàn Philip mơ đơs lah: “Jat tĕ Añ.”

Luka 5:27

Tơnơ̆ mơ hơ̆, Yàng Jesu lik lòt, gŏ dô nă cau dar dia sơnđan la Lebi nggui tòm tiah boh dia, gen sồr khai lah: “Jat tĕ Añ.”

Jơnau Niam Jat Mak 2:14

Tòm tŭ lòt gan, Kơnràñ gŏ Lebi kòn Alphe nggui tòm tiah boh dia, gen đơs mơ khai lah: “Jat tĕ Añ.” Khai ñă ntào mơ jat Kơnràñ.

Mathiơ 19:21

Yàng Jesu đơs mơ khai lah: “Dilah mê kòñ gơs wil tơl, gen lòt tĕ tac jơh ală phan mơna mê dê mơ tòmpà cau rƀah lơòi in, gen mê rơp geh phan màng hơđang trồ; lồc behơ̆ tus tĕ jat Añ.”

Mathiơ 9:9

Yàng Jesu lòt bơh tềng hơ̆, gŏ dô nă cau sơnđan la Mathiơ nggui tòm tiah boh dia, gen sồr khai lah: “Jat tĕ Añ.” Khai ñă ntào mơ jat Kơnràñ.

Mathiơ 8:22

Mơya Yàng Jesu đơs lah: “Jat tĕ Añ, lòi cau chơt tơp cau chơt bol khai dê.”

II Kôrintô 12:16

Mơya gơs cau đơs lah bulah añ neh ò lơh pơnjê di oh mi, mơya añ la cau lac lèo, neh ngui kai gơrmơ̆i mơ kup oh mi.

Mathiơ 4:18

Tòm tŭ lòt rò gah dàlềng Galile, Yàng Jesu gŏ bàr nă oh mi. Dô nă la Simôn kung sơnđan la Pier, mơ oh khai la Andre, ơm dang bơtơng tòm dàlềng, bơh bol khai la cau kup ka.

Mathiơ 4:20

Bol khai lòi bơtơng mo mơ jat Kơnràñ.