Mathiơ 26:52 - Sră Goh 2018

⁵² Gen Yàng Jesu đơs lah: “Srồm tĕ đào tòm sơmprồm, bơh kòp nă cau lơi at đào gen rơp chơt bơh đào.

Mathiơ 26:52 Referans Kwoze

Yal Tơlik 13:10

Dilah neh lơh nền cau lơi pal kòl kup cèng, gen cau hơ̆ rơp kong kup cèng; dilah cau lơi pal kong chơt mơ đào, gen khai pal kong sreh chơt mơ đào sơl. Do la bơta kong ơt mơ bơta dòn ală cau sàng goh dê.

Sơnròp Gơlik Gơs 9:6

Dilah cau lơi lơh gơhòr mhàm kòn mơnus, gen rơp gơs cau ndai lơh gơhòr mhàm cau hơ̆ wơl, bơh Yàng Tom Trồ lơh gơs kòn mơnus be rùp Kơnràñ dê.

Rôma 12:19

Ơ oh mi kòñ gơboh, să tòm he bañ sal tê dê cau lơi, mơya lòi tĕ bơta hơ̆ bơta gơjrañ dờng Yàng Tom Trồ in; bơh neh cih lah: “Yàng đơs lah: Bơta sal tê gơrê mơ Añ, Añ rơp sal wơl.”

I Pier 3:9

Bañ ai bơta iơh sal wơl bơta iơh, kung bañ ai bơta lah sơrpah sal wơl bơta lah sơrpah; mơya gơpơrlơ̆ wơl, pal ai lơngai, bơh bơta hơ̆ mơ oh mi geh hòi sac nàng pơrdòn bơta lơngai lơngò.

Yal Tơlik 16:6

Bơh bol khai neh lơh gơhòr mhàm ală cau sàng goh mơ ală cau gơnoar hwơr dê, gen Kơnràñ neh ai bol khai in hùc mhàm, la di pal ngan!”

Đơs Crih 55:23

Mơya, ơ Yàng Tom Trồ, Yàng rơp tơmut bol khai tòm trồm bơta roh rui; Hơ̆ la cau kòñ lơh gơtuh mhàm mơ cau blac pơrlồm ò geh kis tus digùl ngai Yàng neh lơh nền bol khai in. Ai añ, añ rơp dòn kơnòm di Yàng.

I Tesalônika 5:15

Kơrhia tĕ, bañ gơs cau lơi ai bơta iơh bơsak sal wơl bơta iơh bơsak, mơya jòi jat tĕ sùm bơta niam gơwèt bal mơ gơp hala gơwèt mơ tơl nă cau.

Mathiơ 5:39

Mơya Añ đơs mơ bol mê: Bañ tòmdră mơ cau iơh bơsak. Dilah cau lơi pah tơrmồ ma mê, gen ai tơn đah ne tai khai in.

Lik Ejiptơ 21:12

Cau lơi pù lơh mơ tơnchơt dô nă cau gen cau hơ̆ rơp kong tơnchơt.