Mathiơ 26:3 - Sră Goh 2018

³ Tŭ hơ̆ ală cau gơnoar lam bồ ơn phan duh khoai mơ ală cau kwang kra làng bol dê pơjum tòm gơlang cau gơnoar dờng lam bồ ơn phan duh khoai sơnđan la Kaiphe,

Mathiơ 26:3 Referans Kwoze

Jang 18:24

Anne sồr lam Yàng Jesu gam kòl cap tus hơ Kaiphe la cau gơnoar dờng lam bồ ơn phan duh khoai.

Jơnau Niam Jat Mak 14:54

Pier neh jat Kơnràñ ngài ngài tus di hìu dờng cau gơnoar dờng lam bồ ơn phan duh khoai dê, mut nggui bal mơ ală cau ling kơp gàr di ồs nàng ñjơr.

Jang 18:28

Behơ̆ bol khai lam Yàng Jesu bơh hìu Kaiphe lòt tus hơ hìu cahrña. Tŭ hơ̆ la àng drim. Să tòm bol khai ò mut tòm hìu cahrña, rngòt kòl bơta ƀơ̆ ƀơl mơ ò geh pơjum tòm bơta pơjum sa lòt gan.

Jang 11:57

Ai ală cau gơnoar dờng lam bồ ơn phan duh khoai mơ ală cau Pharisi ai gơnoar sồr lah dilah cau lơi git Yàng Jesu ơm tiah lơi, gen pal yal bol khai in git, nàng bol khai kup Kơnràñ.

Jeremi 17:27

Mơya dilah bol mê ò bài iat Añ nàng ơn is ngai Saƀat gơlik gơs ngai sàng goh, mơ tòm ngai Saƀat tui ơnòng mơ mut tòm mpồng ƀòn dờng Jerusalem, gen Añ rơp ơn ồs di mpồng theng, ồs hơ̆ rơp chu pơrguc gơlang bơtau tòm Jerusalem, mơ rơp ò geh đơp chơt ò.’”

Jeremi 11:19

Ai añ, kung be belàt kòn lơbơn niam Kong tề tus hơ tiah tơnchơt, Mơ añ ò git bol khai bơtào kai tòmdră mơ añ, mơ lah: “Bol he tơnroh tĕ chi bal mơ plai, Bol he pơndut tĕ khai bơh lơgar cau kis, Tồ sơnđan khai rơp ò gam kah tai.”

Đơs Crih 56:6

Bol khai pơjum bal, kơp òm sền nền ală cơnđòa añ jê. Kung be bol khai kơp kòñ geh bơta kis añ jê,

Luka 3:2

Anne mơ Kaiphe lơh gơs cau gơnoar dờng lam bồ ơn phan duh khoai; gen tŭ hơ̆ jơnau Yàng Tom Trồ đơs mơ Jang kòn Sacari ơm tòm ƀlàng bràs.

Mathiơ 26:69

Tŭ hơ̆ Pier ơm nggui đah bơdìh tòm ƀlàng. Gơs dô nă cau dĭ ùr tus đơs mơ khai lah: “Mê kung ơm bal mơ Jesu cau Galile.”

Mathiơ 27:27

Tŭ hơ̆ cau ling kwang đơng lơgar dê cèng Yàng Jesu mut tòm gơlang Pilat mơ pơjum jơh mpồl ling gùt dar Kơnràñ.

Jơnau Niam Jat Mak 14:66

Pier ơm di tiah tòm ƀlàng jơng hìu dờng. Gơs dô nă cau dĭ ùr cau gơnoar dờng lam bồ ơn phan duh khoai dê tus,

Jơnau Niam Jat Mak 15:16

Cau ling lam Yàng Jesu tòm ƀlàng hìu dờng cau kwang đơng lơgar dê, mơ pơjum jơh mpồl ling tềng hơ̆.

Luka 22:55

Bol khai sing ồs digùl ƀlàng mơ nggui bal; Pier kung nggui bal mơ bol khai sơl.