Mathiơ 25:36 - Sră Goh 2018

³⁶ Añ ơm kuh, bol mê tơnsoh Añ in, Añ kòp jê, bol mê lòt còp Añ; Añ kòl jàm, bol mê tus còp Añ.’

Mathiơ 25:36 Referans Kwoze

Jakơ 1:27

Bơta dòn jơnau song sàng goh ò ƀơ̆ ƀơl di đap Yàng Tom Trồ la Bèp, hơ̆ la còp ală cau kòn đòi mơ ală cau ùr bơnrau tòm bơta dồn sa rƀah bol khai dê, mơ kơrmap gàr să he klàs bơh bơta roh rui dunnia dê.

Hebrơ 13:3

Kah tĕ ală cau ơm jàm, be bol he kung ơm jàm bal mơ bol khai; kah tĕ ală cau kòl rồn bơklơn, bơh bol he kung gơs să jan be bol khai sơl.

Hebrơ 10:34

Bơh oh mi neh gơs nùs nđàc sơngit ală cau kong jàm, gơs nùs hòn chò bulah roh phan mơna, bơh oh mi git he gơs phan mơna niam rlau gam sùm sùm.

Broă 20:35

Tòm jơh ală bơta añ neh bơto oh mi in git, mbe lơi oh mi pal kong bòl glar lơh broă nàng dong kòl cau lơbơn lơño, mơ kah wơl jơnau să tòm Yàng Jesu neh đơs lah: ‘Pà ai gen geh lơngai rlau mơ dòp leng.’”

Luka 3:11

Khai ho lah: “Cau lơi gơs bàr blah ào, tòmpà tĕ cau ò gơs in; mơ cau lơi gơs phan sa, kung lơh tĕ behơ̆ sơl.”

Mathiơ 25:43

Añ la cau nac crih, bol mê ò wă rò Añ; Añ ơm kuh, bol mê ò tơnsoh Añ in; Añ kòp jê mơ kòl jàm, bol mi ò lòt còp Añ.’

Ejekiel 34:4

Bol mê ò lơh ală belàt lơbơn in gơs pràn wơl, ò sơmbòi ală belàt kòp jê, ò pùt ală belàt kong sồt, bol mê ò cèng brê wơl ală belàt tìs nrah; ò jòi ală belàt neh roh. Mơya, bol mê neh at bồ bol gơ dô bă iơh bơsak mơ rhung rhang.

Ejekiel 18:7

Khai ò rồn bơklơn cau lơi ndai, mơya tơm wơl phan ai bồ cau kòl dồs mơ khai. Khai ò kơñau phan lơi cau dê, mơya pà phan sa khai dê cau jơgloh in mơ ai phan soh cau ơm kuh in.

Esai 58:7

Hơ̆ ò di la tòmpà phan sa bol mê dê cau jơgloh in, mơ cèng cau rƀah ò gơs hìu ơm mut tòm hìu bol mê dê, tòm tŭ bol mê gŏ cau ơm kuh lòi rồ gen tơnsoh khai in, mơ ò pồn mat bơh di ală cau gơp bơtiàn bol mê dê ò ơ?

Ejekiel 18:16

Khai ò rồn bơklơn cau lơi hala dan phan ai bồ cau càn jền khai dê. Khai ò tìs glài ntung kơñau mơya khai pà phan sa khai dê cau jơgloh in, mơ ai ồi ào cau ơm kuh lòi rồ in.

Mathiơ 25:37

Tŭ hơ̆ cau song ring ho lah: ‘Ơ Yàng, tŭ lơi bol hi neh gŏ Yàng jơgloh mơ ai Yàng in sa, hala tơhìr mơ ai Yàng in hùc taih?