42 Behơ̆ drơng kơp tĕ, bơh bol mê ò git ngai lơi Yàng he tus.
Behơ̆ bol mê pal drơng kơp tĕ mơ hòi dan sùm, tồ bol mê in gơs tơl pràn nàng lik klàs bơh di ală bơta pal tus hơ̆ mơ ntào di đap Kòn Mơnus.”
Behơ̆, bol he bañ bic be cau ndai, mơya pal drơng kơp mơ ngac mat.
Behơ̆, drơng kơp tĕ bơh bol mê ò git ngai mơ kung ò git jơ Añ rê wơl.”
“Do, añ tus be cau kơñau. Lơngai cau lơi in drơng kơp mơ rcang ồi ào he dê, rngòt khai ơm kuh lòi rồ mơ lòt, mơ ò kòl cau gŏ bơta ƀàssìl ƀàsso khai dê!”
Oh mi drơng kơp tĕ, ơm kơ̆ tĕ tòm bơta dòn, lơh tĕ be cau dờng, mơ pràn kơldang tĕ.
“Bơh ngai mơ jơ hơ̆ gen ò gơs cau lơi git, bulah cau gơnrơh hơđang trồ hala Kòn kung ò git sơl, mơya mìng Bèp lơm git.
Lơh tĕ behơ̆, bơh oh mi git tŭ tơngai do la tŭ oh mi pal guh, bañ bic tai; bơh tŭ do bơta dong klàs neh rềp mơ bol he rlau mơ tŭ bol he pa dòn òr.
Behơ̆ gen bol mê kung pal rcang kơp tĕ, bơh Kòn mơnus tus tòm jơ bol mê ò kơlôi.”
Kơrmap gàr mơ drơng kơp tĕ. Cau sò tơm oh mi dê la cà ràk be klìu triă ơluh lòt gơrwàng gùt dar, jòi jat cau ƀà nàng sa loan.
Bơta lồi dut jơh ală phan neh rềp rau, behơ̆ ngac mat tĕ, mơ drơng kơp tòm bơta hòi dan.
Mơya git tĕ bơta do, dilah cau tòm hìu neh git jơ drơng lơi cau kơñau tus, gen drơng kơp ò lòi khai tò ƀlong hìu he.
Mơ tòm tŭ bol khai lòt rwat, gen bơrtơu tus; ală cau neh rcang sir lòt bal mơ bơrtơu mut tòm tiah sa tòmbau, mơ til mpồng.
Behơ̆ bol mê kơrmap gàr tĕ să he, rngòt bơta ñô sa oă ir, bơta bơñul lơmbè mơ bơta kơlôi rcang rài do dê lơh giga nùs bol mê dê, mơ ngai hơ̆ tus nisơna hơđang bol mê be tras jàl mòn;