Mathiơ 24:39 - Sră Goh 2018

³⁹ mơ ò git bơta lơi jơl tus di tŭ dà kŏ tus pơrdô jơh tơl nă; tòm tŭ Kòn Mơnus tus wơl kung rơp behơ̆ sơl.

Mathiơ 24:39 Referans Kwoze

Jang 3:20

Bơh cau lơi lơh iơh bơsak gen gơjrañ kơuềng di bơta àng, mơ ò lòt tus hơ bơta àng, rngòt ală broă khai dê gơkòl yal tơlik.

Mathiơ 24:37

Tòm rài Nôe be lơi, gen Kòn Mơnus tus wơl kung rơp behơ̆ sơl.

Broă 13:41

‘Ơ cau pơnhừ să! Nrơt nrơl mơ roh rui tĕ! Bơh tòm rài bol mê, Añ rơp lơh dô nơm broă, Bulah gơs cau yal wơl, bol mê kung ò dòn.’”

II Pier 3:5

Bol khai lơh nền be ò git lah bơh yau òr nau ală tap trồ gơlik gơs bơh jơnau đơs Yàng Tom Trồ dê, mơ dô nơm plai ù bơh dà mơ lik mơ kơnòm di dà mơ gơs.

Jơnau Pơnđik 29:7

Cau song ring git gơnoar pal dòp geh cau rƀah lơòi dê; ai cau iơh ò gơs dơngoh jak nàng ơn nùs tồr git wă.

Jơnau Pơnđik 24:12

Dilah kòn đơs: “Sền do, bol hi ò git bơta do;” gen Bơtau kơr sơnoa nùs cau, ngan ò di sền sơwì bơta hơ̆ ơ? Mơ Bơtau ê sền gàr hwềng soàn kòn rơp ò git sơl ơ? Behơ̆ Kơnràñ rơp ò tơm wơl kòp nă jat broă lơh bol khai ò ơ?

Luka 19:44

Bol khai rơp tơnlề mê mơ ală kòn sau ơm tòm mê, ò lòi wơl tòm mê pơnai lŭ lơi hơđang pơnai lŭ ndai, bơh mê ò git tơngai mê neh geh còp.”

Esai 42:25

Behơ̆ tàng Kơnràñ neh tuh hơđang bol khai bơta gơjrañ duh hơng Kơnràñ dê, la bơta gơhào gơjrañ bơta kơlìn dê. Gơ gơrwàng bol khai tòm ồs, mơya khai kung ò git wă; gơ chu pơrguc khai, mơya khai kung ò ơn nùs bơh bơta hơ̆.

Jơnau Pơnđik 23:35

Kòn rơp đơs lah: Bol khai pù añ, mơya añ ò jê; cau pòng añ, mơya añ ò git: Tŭ añ kah rngal, añ rơp rê wơl jòi gơ mơ ñô tai.

Ală Kwang Cahrña 20:34

Gen jơt rbô nă cau ling jak tòmlơh Israel dê brồ tus mơ tòmlơh đah hơđap Gibea. Bơta kơlìn tòmlơh dờng ngan, mơya ală cau Benjamin ò git đal la bơta tơnroh rơp gơdùh hơđang bol khai.

Rôma 1:28

Tài bơh bol khai ò bài đal git Yàng Tom Trồ, gen tàng Yàng Tom Trồ neh lòi bol khai jat bơta kơlôi roh lơm, mơ lơh ală bơta ò di pal lơh.

Sơnròp Gơlik Gơs 7:23

Kơnràñ tơnroh jơh ală phan kis ơm hơđang ù, bơh kòn mơnus tus dê phan poan jơng tòm hìu, phan wìn nsròng, mơ sềm hơđang trồ bol gơ chơt roh bơh dê ù, gam mìng Nôe mơ ală jơi ơm bal mơ khai tòm ơhò.

Mathiơ 16:27

Bơh Kòn Mơnus rơp ai bơta gơklŏ Bèp Khai dê mơ tus bal mơ ală cau gơnrơh. Gen Khai rơp ai phan ƀàn kòp nă cau in jat be broă bol khai neh lơh.

Mathiơ 24:3

Tòm tŭ Kơnràñ nggui hơđang mơnơm Ôlibe, ală cau bơtê tus lùp is Kơnràñ lah: “Dan yal bol hi in git tŭ lơi rơp gơs ală bơta hơ̆, mơ rơp gơs tềl sơnio lơi bơh bơta tus wơl Kơnràñ dê mơ ngai lồi dut rài do dê taih?”

Mathiơ 24:30

Tŭ hơ̆ tềl sơnio Kòn Mơnus dê rơp gơtơlik hơđang trồ, jơh ală jơi bơtiàn tòm ù rơp tur ntơh ñìm rac, mơ gŏ Kòn Mơnus ai gơnap gơnoar mơ bơta gơklŏ dờng ơm hơđang mhwal trồ mơ tus.

Mathiơ 24:40

Tŭ hơ̆ gơs bàr nă cau klau ơm tòm ƀlàng sre; dô nă geh cèng lòt, ai dô nă gơkòl lòi wơl;