Mathiơ 22:4 - Sră Goh 2018

⁴ Bơtau sồr tai ală cau dĭ ndai mơ nting lah: ‘Đơs tĕ mơ cau neh geh jà lah: Do añ neh rcang sir phan sa rau, kơnrồ mơ phan poan jơng lơmă neh lơh poac rau. Jơh ală bơta neh sir rau. Tus tĕ sa tòmbau.’

Mathiơ 22:4 Referans Kwoze

Broă 13:46

Chòp Pol mơ Banaba khin cha đơs mơ bol khai lah: “Sơnròp ngan pal bơto jơnau Yàng Tom Trồ oh mi in; mơya tài bơh oh mi neh pơndang sang, mơ sơwì is să he ò di pal dòp bơta kis gam sùm sùm, gen tàng tŭ do bol hi wèt wơl hơ làng bol bơdìh.

Mathiơ 21:36

Cau tòm sồr ală cau dĭ ndai lòt oă rlau mơ lài, gen bol lơh suơn kung lơh behơ̆ sơl.

Rôma 8:32

Kơnràñ neh ò pơlai Kòn tòm Kơnràñ dê, mơya tài bơh jơh ală bol he tàng neh jào phi Kòn hơ̆, gen Kơnràñ ò di kung rơp cèng jơh ală bơta bal mơ kòn hơ̆ mơ ai tơn bol he in ò ơ?

Broă 1:8

Mơya tòm tŭ Yàng Hwềng Goh mù hơđang bol mê, gen bol mê rơp dòp geh gơnap gơnoar, mơ rơp lơh gơs cau lơh cơng bơh Añ tòm ƀòn dờng Jerusalem, jơh lơgar Jude, lơgar Samari, jơl tus làm plai ù.”

Luka 14:17

Tus di jơ sa, khai sồr cau dĭ khai dê lòt đơs mơ ală cau neh geh jà sào lah: ‘Jà tus, jơh ală bơta neh sir rau.’

Mathiơ 22:8

Chòp cau bơtau đơs mơ ală cau dĭ khai dê lah: ‘Bơta sa tòmbau neh lơh sir rau, mơya ală cau neh geh jà hơ̆ ò gơs cau lơi di pal.

Đơs Chò 5:1

Ơ oh ùr añ, bau ùr pa añ jê, añ neh mut tòm suơn añ rau! Añ neh pic tơrgòm cài trŭ mơ chi ƀô bơlhu añ jê, Añ sa sìng lơwe mơ dà lơwe añ jê, añ ñô tơrnòm mơ dà toh añ jê. Ơ ală cau bơyô, sa tĕ; ơ ală cau bơyô đềt mềr, ñô bơñul tĕ bơta kòñ gơboh!

Đơs Crih 86:5

Ơ Yàng, Yàng gơs nùs niam mơ toh glài, Gơs nùs kòñ gơboh kơ̆ dơn tơngkah tơngkañ gơwèt mơ ală cau hòi dan mơ Yàng.

Nehemi 9:17

bol khai ò bài dòn bơr mơ kung ò kah ală broă crih crài mơ Kơnràñ neh lơh digùl bol khai. Mơya tòm bơta pơrlơ̆ dră bol khai dê, neh sac rwah dô nă cau nàng lam bol khai rê wơl hơ tiah ơm dĭ bol khai dê. Mơya Kơnràñ la Yàng Tom Trồ rcang sir nàng toh glài, gơs bơta nđàc mơ bơta nđàc sơngit, òbat gơhào gơjrañ mơ bềng bơta kòñ gơboh. Kơnràñ neh ò sang lòi bol khai.

Jơnau Pơnđik 15:17

Chan sa mìng biap mơ gơs bơta kòñ gơboh, Niam rlau mơ sa poac kơnrồ lơmă mơ gơs bơta gơjrañ mañ.

Mathiơ 22:5

Mơya bol khai sền ò ơn nùs di jơnau hòi jà mơ kư̆ lòt gùng is; cau do lòt tòm sre, cau ne lòt kă bro.