Mathiơ 2:2 - Sră Goh 2018

² “Ntềng đah Bơtau làng bol Juda pa deh taih? Bơh bol hi neh gŏ sơmañ Kơnràñ bơh đah mattơngai lik, gen lòt tus nàng duh khoai Kơnràñ.”

Mathiơ 2:2 Referans Kwoze

Khà Làng Bol 24:17

Añ gŏ Kơnràñ, mơya ò di tŭ do; Añ tơnggòr sền Kơnràñ, mơya ò di rềp. Dô nơm sơmañ rơp lik bơh di Jakôp; dô nơm gai gơnoar rơp tơngguh bơh di Israel. Kơnràñ rơp pòng bơcah ală bìng liang Môap dê, mơ ală sơgơn bơtau ală kòn klau Set dê.

Jeremi 23:5

Yàng Jehôwa đơs: “Ală ngai rơp tus nền cê, Tŭ hơ̆ Añ rơp bơtào Dabit in dô Ntê Song Ring. Kơnràñ rơp lơh gơs bơtau ai bơta jak chài at bồ, Lơh bơta song ngan mơ song ring hơđang ù.

Yal Tơlik 22:16

“Añ la Jesu neh sồr cau gơnrơh añ jê lòt tus hơ bol mê nàng cèng jơnau lơh cơng do ală Hìu Jum Goh in sơl. Añ la tòm ryas mơ la kòn sau Dabit dê, la sơmañ bìng gơcrà àng drim.”

Sacari 9:9

Ơ kòn ùr Siôn, hòn chò hừh hơh tĕ! Ơ kòn ùr Jerusalem, driau dờng tĕ! Ne, Bơtau ai dê tus mơ ai, Kơnràñ la Bơtau pha lin mơ ai bơta pha lin rlau, pơndêt să mơ hào hơđang dô nơm alàng, dô nơm alàng kòn, kòn alàng me dê.

Esai 60:3

Ală làng bol rơp tus hơ bơta àng mê dê, mơ ală cau bơtau rơp tus hơ bơta àng gơcrà rìng àng drim mê dê.

Jang 18:37

Gen Pilat đơs lah: “Behơ̆ gen mê la Bơtau ơ?” Yàng Jesu ho lah: “Be jơnau ồng đơs, Añ la Bơtau. Tài bơh hơ̆ mơ Añ neh lik lìng mơ kung tài bơh hơ̆ mơ Añ neh lòt tus tòm dunnia nàng lơh cơng bơh jơnau song. Kòp nă cau lơi bal mơ jơnau song gen iat jơnau đơs Añ jê.”

Hebrơ 1:6

Mơ tai, dơ̆ Kơnràñ jun Kòn tơnhoa tus tòm dunnia, gen đơs lah: “Jơh ală cau gơnrơh Yàng Tom Trồ dê pal duh khoai Kòn.”

Luka 23:38

Hơđang Kơnràñ gơs jơnau cih lah: DO LA BƠTAU LÀNG BOL JUDA.

Luka 23:3

Pilat lùp Kơnràñ lah: “Mê ngan la Bơtau làng bol Juda dê sơl?” Yàng Jesu ho lah: “Să tòm ồng đơs behơ̆.”

Đơs Crih 2:6

“Bulah behơ̆, Añ neh bơtào Bơtau Añ jê Hơđang Siôn, mơnơm sàng goh Añ jê.”

Jang 5:23

nàng jơh tơl nă cau sền màng ryŭ di Kòn kung be sền màng ryŭ di Bèp sơl. Cau lơi ò sền màng ryŭ di Kòn, hơ̆ la ò sền màng ryŭ di Bèp, la Bơtau neh sồr Kòn lòt tus.

Jang 1:49

Nathanael ho lah: “Rabi, Cau Bơto la Kòn Yàng Tom Trồ, Kơnràñ la Bơtau làng bol Israel dê!”

Luka 19:38

mơ đơs lah: “Lơngai Bơtau ai sơnđan Yàng mơ tus! Ring lơngai hơđang trồ mơ gơklŏ Yàng Tom Trồ in!”

Luka 2:11

hơ̆ la ngai do tòm ƀòn dờng Dabit dê neh deh bol mê in dô Bơtau Dong klàs, la Krist, la Yàng.

Jeremi 30:9

Mơya bol khai rơp duh broă Jehôwa Yàng Tom Trồ bol khai dê, Mơ Dabit bơtau bol khai dê, Mơ Añ rơp tơngguh bol khai in.’

Đơs Crih 45:11

Gen bơtau rơp kòñ bơta hàng mơnĕ ai dê; Bơh khai la bơtau ai dê, cùn khoai tĕ khai.

Jang 9:38

Khai ho lah: “Ơ Yàng, añ dòn; gen khai cùn khoai Kơnràñ.”

Jang 19:19

Pilat kung sồr cih dô nơm mpàn mơ yồng hơđang chi pơng lah: “JESU CAU NASARET, BƠTAU LÀNG BOL JUDA.”

Jang 12:13

gen bol khai ai nha gòl, lik lòt rò Kơnràñ mơ driau dờng lah: “Hôsana! Lơngai Bơtau in ai sơnđan Yàng mơ tus, la Bơtau Israel dê!”

Mathiơ 27:11

Yàng Jesu ntào di đap cau kwang đơng lơgar. Cau kwang lùp lah: “Mê ngan la Bơtau làng bol Juda dê sơl?” Yàng Jesu ho lah: “Ngan be ồng đơs.”

Jang 20:28

Thôma ho lah: “Khoai Yàng añ mơ Yàng Tom Trồ añ!”

Mathiơ 21:5

“Yal tĕ mơ làng bol Siôn lah: Ne, Bơtau ai dê tus hơ ai, Nùs niam lơnhơn mơ hào alàng, Alàng kòn, la kòn alàng me dê.”

Mathiơ 2:3

Kơno jơnau hơ̆, bơtau Herôt bal mơ jơh Jerusalem ò suk ơm.