Mathiơ 18:6 - Sră Goh 2018

⁶ Mơya cau lơi lơh gơtup tìs dô nă tòm ală kơnòm dềt neh dòn Añ do, gen chan kơt mpal lŭ dờng di ngko cau hơ̆ mơ tơnkram khai tòm kơnàng dàlềng la niam rlau.

Mathiơ 18:6 Referans Kwoze

Jơnau Niam Jat Mak 9:42

“Mơya cau lơi lơh gơtup tìs dô nă tòm ală kơnòm dềt neh dòn Añ do, gen chan kơt mpal lŭ dờng di ngko cau hơ̆ mơ sơrbì khai tòm dàlềng la niam rlau.

Mathiơ 18:10

“Kơrhia tĕ, bañ sền òsơp di dô nă tòm ală cau dềt do, bơh Añ đơs mơ bol mê, hơđang trồ ală cau gơnrơh bol khai dê gŏ sùm mat Bèp Añ ơm hơđang trồ. [

Mathiơ 18:14

Kung behơ̆ sơl, Bèp bol mê ơm hơđang trồ ò kòñ dô nă tòm ală cau dềt do roh rui.”

Đơs Crih 105:15

Mơ đơs lah: “Bañ ƀư di ală cau kong bong mơñà Añ jê, Bañ lơh iơh dê ală cau gơnoar hwơr Añ jê!”

Rôma 14:21

Niam rlau hơ̆ la ò sa poac, ò ñô tơrnòm, mơ ò lơh bơta lơi gơs kai gơtup tìs oh mi he in.

Sacari 2:8

Bơh Yàng Jehôwa Gơnap Gơnoar Dờng Làm Jơh đơs lah (tơnơ̆ mơ tŭ bơta gơklŏ Kơnràñ dê neh sồr tus hơ añ) pơnah ală lơgar neh phà tơnroh bol mê lah: bơh cau lơi ƀư di bol mê hơ̆ la ƀư di kòn mat Kơnràñ dê,

Sacari 13:7

Yàng Jehôwa Gơnap Gơnoar Dờng Làm Jơh đơs lah: “Ơ đào, kah rngal tĕ tòmdră mơ cau ê belàt Añ jê, tòmdră mơ cau neh lơh jơnau tòmkơt mơ Añ! Pù lơh tĕ cau ê belàt, mơ ală belàt rơp nrah nring, mơ Añ rơp tơrwơl tê tòmdră mơ ală kòn dềt.”

Broă 9:5

Khai ho lah: “Ơ Yàng, Kơnràñ la ñcau?” Yàng đơs lah: “Añ la Jesu mơ mê kup kơryan;

Mathiơ 17:27

Mơya tồ bol he ò lơh kai gơtup tìs bol khai in, gen lòt tĕ đàr ka tòm dàlềng, kup ka lơi mê geh lài. Mê tè bơr gơ gen rơp gŏ dô đong priă, ai tĕ mơ boh dia Añ mơ mê in.”

Mathiơ 18:5

Ai cau lơi bơh sơnđan Añ mơ wă rò dô nă kơnòm dềt be do, hơ̆ la wă rò Añ.”