Mathiơ 18:15 - Sră Goh 2018

¹⁵ “Dilah oh mi mê tìs glài mơ mê, gen lòt tĕ yal khai in git glài hơ̆ tòm tŭ gơs mìng mê mơ khai lơm. Dilah khai iat mê, gen mê gơs oh mi wơl.

Mathiơ 18:15 Referans Kwoze

Lebi 19:17

Bañ prap tòm nùs bơta gơjrañ kơuềng di oh mi bol mê dê. Ai tĕ nùs song ngan mơ lah pơrhơng cau gơp ƀòn bol mê dê nàng mê rơp ò kong bal mơ khai bơh tồi glài khai dê.

Kôlôse 3:13

Dilah cau do gơs bơta yoam joh mơ cau ne, gen kong ơt tĕ bal mơ gơp mơ toh glài tĕ bal mơ gơp; be Yàng neh toh glài oh mi be lơi, gen oh mi kung pal toh glài behơ̆ sơl.

Galati 6:1

Ơ oh mi, dilah gơs cau lơi nisơna gơtơntìs glài lơi, gen oh mi la cau gơs Yàng Hwềng, ai tĕ nùs niam lơnhơn nàng dong kòl bol khai; să tòm oh mi kơrmap gàr tĕ, rngòt kung gơkòl ơniai sơl.

II Tesalônika 3:15

Bulah behơ̆ bañ sền cau hơ̆ be cau sò tơm, mơya bơto tơngkah khai be oh mi sơl.

Mathiơ 18:35

Dilah kòp nă tòm bol mê ò jơh nùs toh glài oh mi he in, gen Bèp Añ hơđang trồ kung rơp lơh bol mê in behơ̆ sơl.”

Đơs Crih 141:5

Lòi cau song ring pù lơh añ; hala cau dòn song bơto pơnniam wơl añ. Mơya bañ lòi mơñà cau iơh bơsak dê bong di bồ añ, Bơh añ hòi dan sùm tòmdră mơ ală broă iơh bơsak bol khai dê.

Rôma 12:21

Bañ lòi bơta iơh bơsak pha rlau mơ he, mơya ai tĕ bơta niam nàng pha rlau mơ bơta iơh bơsak.

I Pier 3:1

Kung behơ̆ sơl, ơ ală cau la bau ùr, dòn duh tĕ bau klau ai di, tồ dilah gơs bau klau lơi ò dòn jat jơnau Yàng, bulah bol ai ò ai jơnau Yàng nàng bơto bol khai, mơya bol khai kung rgơi kơnòm di bơta lơh lòt bol ai dê mơ gơlik gơs cau dòn,

I Kôrintô 8:12

Behơ̆, tòm tŭ bol mê tìs glài mơ ală oh mi mơ lơh nùs tồr lơbơn lơño bol khai dê gơlik sồt, gen kung tìs glài mơ Bơtau Krist.

Jơnau Pơnđik 11:30

Cồng nha cau song ring la chi bơta kis; Mơya bơta iơh bơsak tơnroh bơta kis.

II Kôrintô 7:12

Behơ̆, dilah añ neh cih oh mi in gen ò di tài bơh cau neh lơh bơta tìs hơ̆ hala kung ò di tài bơh cau kong lơh bơta tìs hơ̆, mơya nàng bơta duh hul oh mi dê gơwèt mơ bol hi geh yal tơlik oh mi in di đap Yàng Tom Trồ.

I Tesalônika 4:6

bañ gơs cau lơi lơh tìs mơ lơh iơh mơ oh mi he tòm broă hơ̆, tài bơh Yàng la Bơtau sal wơl jơh ală bơta hơ̆, kung be bol hi neh đơs lài mơ neh lơh cơng oh mi in rau.

Mathiơ 18:14

Kung behơ̆ sơl, Bèp bol mê ơm hơđang trồ ò kòñ dô nă tòm ală cau dềt do roh rui.”

Mathiơ 18:21

Tŭ hơ̆ Pier tus lùp Kơnràñ lah: “Ơ Yàng, dilah oh mi añ tìs glài mơ añ, gen nđò dơ̆ añ toh glài khai in taih? Jơl tus di poh dơ̆ sơl ơ?”

Sră Pơyoa Pol Dê Pơyoa Tit In 3:10

Tơnơ̆ mơ tŭ neh bơto kràñ cê bàr pe dơ̆ cau cah is mpồl in rau, gen pleh tĕ bơh di khai,