Mathiơ 15:8 - Sră Goh 2018

⁸ ‘Làng bol do ai sơndồi mơ dòn duh Añ; Mơya nùs bol khai ngài ngan bơh Añ;

Mathiơ 15:8 Referans Kwoze

Esai 29:13

Yàng Jehôwa neh đơs lah: “Tài bơh làng bol do mìng ai bơr tus rềp mơ Añ, ai sơndồi jòng ro Añ, mơya nùs bol khai ơm ngài bơh Añ. Bơta bol khai duh khoai Añ mìng la jat bơta sồr lam kòn mơnus dê, bơtê bơta sồr lam mơ ò git wă.

Ejekiel 33:31

Bol khai tus mơ mê jat be bol khai òs tus; bol khai nggui di đap mê mơ iat ală jơnau mê dê, mơya bol khai ò bài lơh jat ală jơnau hơ̆. Bơr bol khai yal tơlik bơta dòn duh, mơ nùs bol khai ya hàm hà cồng nha ò song ring.

Broă 8:21

Mê ò gơs pơnah lơi hala tòmpà bal tòm broă do, tài bơh nùs mê ò song di đap Yàng Tom Trồ.

I Pier 3:10

Bơh, “Cau lơi kòñ gơboh bơta kis Mơ kòñ gŏ ală ngai niam, Gen pal kơrmap gàr lơmpiat bañ đơs jơnau iơh bơsak, Mơ sơndồi bañ đơs jơnau lac lèo,

Jơnau Pơnđik 23:26

Ơ kòn, ơn tĕ nùs kòn bèp in, mơ mat kòn geh niam nùs tòm gùng lòt bèp dê.

Hebrơ 3:12

Ơ ală oh mi, kơrhia tĕ, rngòt gơs cau lơi tòm oh mi gơs nùs iơh bơsak mơ ò dòn, mơ sang lòi Yàng Tom Trồ gam kis sùm.

Jeremi 12:2

Kơnràñ neh tam bol khai; Bol khai neh sro ryas, hòn dờng mơ gơlik plai. Bơr bol khai ơm rềp mơ Kơnràñ, Mơya nùs bol khai ơm ngài mơ Kơnràñ.

Jang 1:47

Yàng Jesu gŏ Nathanael lòt tus hơ Kơnràñ gen đơs bơh khai lah: “Do la dô nă cau Israel ngan, tòm khai ò gơs bơta lac lèo lơi.”

Mathiơ 15:7

Ơ ală cau ma blac! Esai neh đơs hwơr di ngan bơh bol mê lah:

Jơnau Niam Jat Mak 7:6

Yàng Jesu ho lah: “Ơ cau ma blac, Esai neh đơs hwơr di ngan bơh bol mê, be neh cih lah, Yàng Tom Trồ đơs lah: ‘Làng bol do dòn duh Añ mơ bơr sơndồi gòi, Mơya nùs bol khai ngài ngan bơh Añ.

Jang 5:23

nàng jơh tơl nă cau sền màng ryŭ di Kòn kung be sền màng ryŭ di Bèp sơl. Cau lơi ò sền màng ryŭ di Kòn, hơ̆ la ò sền màng ryŭ di Bèp, la Bơtau neh sồr Kòn lòt tus.