Mathiơ 15:28 - Sră Goh 2018

²⁸ Gen Yàng Jesu đơs lah: “Ơ cau ùr gen, bơta dòn ai la dờng ngan! Gơlik gơs tĕ be nùs ai kòñ!” Kòn ùr khai geh bòi bơh di jơ hơ̆.

Mathiơ 15:28 Referans Kwoze

Mathiơ 8:13

Gen Yàng Jesu đơs mơ cau at dô rhiang ling lah: “Rê tĕ, jat be bơta mê neh dòn gen rơp gơs ngan behơ̆.” Cau dĭ gơna geh bòi di di jơ hơ̆.

Jơnau Niam Jat Mak 5:34

Yàng Jesu đơs mơ khai lah: “Ơ kòn ùr, bơta dòn ai neh sơmbòi ai. Rê tĕ lơngap lơngai, mơ geh bòi tĕ kòp ai dê.”

Mathiơ 9:22

Yàng Jesu wơlke, gŏ khai gen đơs lah: “Ơ kòn ùr, kơ̆ tĕ nùs, bơta dòn ai dê neh sơmbòi ai.” Gen cau ùr hơ̆ geh bòi mo bơh di jơ hơ̆.

Đơs Crih 145:19

Kơnràñ lơh hừh nùs jơh ală cau duh rngòt di Kơnràñ, Kung iat jơnau hòi dan bol khai dê mơ dong klàs bol khai.

Mathiơ 8:10

Yàng Jesu kơno jơnau hơ̆ gen ai lơh krơi, đơs mơ ală cau lòt jat lah: “Di ngan Añ đơs mơ bol mê, Añ òhềt gŏ bơta dòn dờng be do tòm làng bol Israel.

Luka 17:5

Ală cau gơnoar bơto dờng đơs mơ Yàng Jesu lah: “Dan ai bơtơl bơta dòn bol hi in.”

Luka 7:50

Mơya Kơnràñ đơs mơ cau ùr lah: “Bơta dòn ai neh dong klàs ai; rê tĕ lơngap lơngai.”

Sră Jop 13:15

Do, Yàng rơp tơnchơt añ, añ ò gơs bơta gơn kơnòm. Mơya añ rơp dong tò gùng dà añ jê di đap mat Kơnràñ.

Luka 7:9

Yàng Jesu kơno ală jơnau hơ̆, gen ai lơh krơi bơh khai, mơ wơlke đơs mơ mpồl làng bol lòt jat Kơnràñ lah: “Añ đơs mơ bol mê, bulah tòm làng bol Israel Añ kung òhềt gŏ bơta dòn dờng be do.”

Sră Jop 23:10

Mơya Kơnràñ git gùng lòt añ jê; Tòm tŭ Kơnràñ neh lòng añ, añ rơp gơlik gơs be màh.

II Tesalônika 1:3

Ơ oh mi, bol hi pal bơh oh mi mơ ưnngài Yàng Tom Trồ sùm sùm, mơ bơta hơ̆ la pal ngan, bơh bơta dòn oh mi dê gơbơtơl oă ngan, mơ nùs kòñ gơboh bal mơ gơp kòp nă cau dê tòm jơh ală oh mi sơlo ngai sơlo bơtơl tai,

Mathiơ 14:31

Yàng Jesu ai tê sơmbat mo di khai mơ đơs lah: “Ơ cau gơs dô êt bơta dòn, ñchi bơh tài mê pin taih?”

I Samuel 2:30

Gen tàng Jehôwa Yàng Tom Trồ Israel dê đơs be do: ‘Añ neh ho lah hìu mê mơ hìu ồng pàng mê rơp duh broă di đap Añ sùm sùm.’ Mơya tŭ do Yàng Jehôwa đơs lah: ‘Bơta hơ̆ ngài ngan bơh di Añ! Bơh cau lơi ki ngàm di Añ gen Añ rơp ki ngàm di bol khai, ai ală cau lơi sền òsơp di Añ gen bol khai rơp kong sền òsơp.

Ñìm Rac 3:32

Bulah Kơnràñ neh lơh jê sồt moat jrùng, Kơnràñ rơp nđàc sơngit jat bơta tơngkah tơngkañ nùs kòñ gơboh kơ̆ dơn Kơnràñ dê;

Mathiơ 15:27

Mơya khai đơs lah: “Ơ Yàng, ngan behơ̆, mơya kòn so kung geh sa ală phan pìng bơh cơnòng cau tòm gơ dê sơl.”