Mathiơ 12:19 - Sră Goh 2018

¹⁹ Khai rơp ò pơndang, ò driau nggà, Mơ ò gơs cau lơi kơno jơnau Khai tòm gùng.

Mathiơ 12:19 Referans Kwoze

Mathiơ 11:29

Bol mê tui tĕ yô Añ jê mơ bơtê jat Añ, bơh Añ gơs nùs niam lơnhơn mơ pơndêt să, gen hwềng soàn bol mê rơp geh rlô bòl.

II Kôrintô 10:1

Añ la Pol, tòm tŭ ơm di đap oh mi gen lơbơn lơño, mơya tŭ neh ngkòi mat gen cha rma ngan gơwèt mơ oh mi. Añ ai bơta niam lơnhơn mơ bơta lơbơn niam Bơtau Krist dê mơ tơngkah oh mi,

Luka 17:20

Cau Pharisi lùp Yàng Jesu lơgar Yàng Tom Trồ tŭ lơi tus, gen Kơnràñ ho lah: “Lơgar Yàng Tom Trồ tus ò rgơi gŏ mơ mat.

Sacari 9:9

Ơ kòn ùr Siôn, hòn chò hừh hơh tĕ! Ơ kòn ùr Jerusalem, driau dờng tĕ! Ne, Bơtau ai dê tus mơ ai, Kơnràñ la Bơtau pha lin mơ ai bơta pha lin rlau, pơndêt să mơ hào hơđang dô nơm alàng, dô nơm alàng kòn, kòn alàng me dê.

Esai 42:2

Khai rơp ò driau dờng hala pò bơr, ò đơs sap dờng tòm ală gùng me.

Mathiơ 12:20

Khai rơp ò dơrkă gai proh neh pă pơnie rau, mơ ò tơnchơt ồs mòr chơt dê brài đèng, Jơl tus di tŭ Khai lơh bơta song ngan in geh pha rlau.