Mathiơ 11:18 - Sră Goh 2018

¹⁸ Bơh Jang neh tus ò sa ò ñô, gen cau đơs lah: ‘Khai gơkòl cà lơh.’

Mathiơ 11:18 Referans Kwoze

Luka 1:15

Bơh khai rơp la dờng màng di đap Yàng, ò gơs ñô tơrnòm hala alak, mơ geh bềng lìu Yàng Hwềng Goh bơh tòm kơndul mè.

Mathiơ 3:4

Jang soh ào sơnò làkđa, kơt but mơ che gơltau, sa srah nting mơ dà kròt brê.

Jang 10:20

Oă cau tòm bol khai đơs lah: “Khai kòl cà lơh mơ sơnrang; ñchi bol mê gam iat khai taih?”

Jang 8:48

Ală cau Juda ho lah: “Bol hi đơs lah Cau Bơto la cau Samari mơ kòl cà lơh, hơ̆ la ngan.”

Jang 7:20

Mpồl làng bol ho lah: “Mê kòl cà lơh rau, ñcau jòi tơnchơt mê taih?”

Mathiơ 10:25

Cau bơtê gơs be cau bơto, cau dĭ gơs be cau tòm, gen tơl rau. Dilah cau tòm hìu kung neh kòl cau sơnđan la Beeljebul, tơ ài lah cau ơm tòm hìu.”

Sră Ôse 9:7

Ală ngai lơh glài neh tus rau! Ală ngai sal tê neh tus rau! Israel ñìm nggà. Cau gơnoar hwơr gơlik bơrngơl gơla, cau gơs hwềng Yàng gơlik sơnrang sơnrồng, tài bơh tồi glài bol mê dê la kơnjơ̆ ngan, mơ bơta sòdră bol mê dê la dờng.

Jeremi 15:17

Añ ò nggui tòm mpồl cau ñŏ kơnhơl, Kung ò lơh añ in hòn chò; Añ nggui is dô nă bơh tê kơnjơ̆ Kơnràñ ơn hơđang añ; bơh Kơnràñ neh tơmbềng añ mơ bơta gơjrañ.

I Kôrintô 9:27

Mơya añ bơklơn să jan añ jê mơ sồr gơ pal kong; rngòt tơnơ̆ mơ tŭ añ neh bơto yal ală cau ndai in, gen să tòm añ rơp ò di pal mòn.

Broă 26:24

Khai ơm đơs behơ̆ nàng tò să khai, gen Phestus đơs dờng jơnau lah: “Ơ Pol, mê neh roh dơngoh rau, mê bơtê git oă ir tian gơs gơlik sơnrang!”

Jeremi 29:26

Yàng Jehôwa neh bơtào mê lơh gơs cau gơnoar ơn phan duh khoai ala Jehôyada, la cau gơnoar dờng ơn phan duh khoai, sền gàr tòm hìu Yàng Jehôwa, dilah cau lơi gơla bơrngơl sơnđan he la cau gơnoar hwơr, gen kup tĕ, dò gơsàng mơ kơt sreng wơl.

II Ală Bơtau 9:11

Tòm tŭ Jehu rê wơl hơ ală cau kwang cau tòm khai dê. Bol khai lùp lah: “Ală bơta lơngap lơngai sơl ơ? Ñchi bơh tài cau sơnrang do tus jòi bi taih?” Jehu ho mơ bol khai lah: “Bol mê git khai mơ mbe jơnau khai neh đơs.”

Mathiơ 9:34

Mơya cau Pharisi đơs lah: “Khai kơnòm di bơtau cà mơ bơtrơh cà gơ dê.”

Mathiơ 11:17

‘Bol hi neh uh kơwào bol mê in, mơya bol mê ò tòmya; bol hi neh pơt wòl, mơya bol mê ò ñìm rac.’

Jơnau Niam Jat Mak 3:22

Ai ală cau bơto bơta boh lam mù bơh Jerusalem đơs lah: “Cau do kòl Beeljebul lơh, khai kơnòm di bơtau cà mơ bơtrơh cà.”

Jang 8:52

Ală cau Juda đơs lah: “Bol hi git loh Cau Bơto kòl cà lơh; Abraham neh chơt, ală cau gơnoar hwơr kung behơ̆ sơl, mơ Cau Bơto đơs lah: ‘Dilah cau lơi prap gàr jơnau Añ, gen rơp ò tŭ lơi git làm bơta chơt!’