Mathiơ 1:18 - Sră Goh 2018

¹⁸ Mơ tai, bơta lik lìng Yàng Jesu Krist dê neh gơlik gơs be do. Tòm tŭ Mari mè Yàng Jesu neh ho bau mơ Jôsep, mơya lài mơ tŭ bol khai òhềt ơm bal, gen khai neh bun bơh Yàng Hwềng Goh.

Mathiơ 1:18 Referans Kwoze

Sră Jop 14:4

Ñcau rgơi cèng dô nơm phan sàng goh lik bơh dô nơm phan ò sàng goh sơl ơ? Ò gơs dô nă cau lơi rgơi lơh!

Hebrơ 10:5

Behơ̆ tàng, tòm tŭ Bơtau Krist lòt tus tòm dunnia, gen đơs lah: “Yàng ò kòñ phan ơn duh khoai mơ phan ơn, Mơya Kơnràñ neh rcang sir Añ in dô nơm să jan rau.

Sơnròp Gơlik Gơs 3:15

Añ rơp lơh mê mơ cau ùr in, jơi bơtiàn mê mơ jơi bơtiàn cau ùr in tòm gơjrañ bal. Khai rơp jă dê bồ mê, mơ mê rơp kap kơndòl jơng khai.”

Hebrơ 7:26

Yàng Jesu la cau gơnoar dờng lam bồ ơn phan duh khoai bol he pal càng; Kơnràñ la sàng goh, ò gơs tiah geh lah pơrhơng, ò ƀơ̆ wàm, cah is bơh ală cau glài, geh yò tơngguh rlau mơ ală tap trồ.

Sră Jop 15:14

Jơi kòn mơnus la ñchi mơ rgơi gơlik sàng goh taih? Hala ală cau deh bơh cau ùr rgơi geh kòp la song ring ơ?

Luka 1:25

“Yàng neh ai añ in be do tòm ală ngai Kơnràñ nđàc sền di añ, nàng tă tơlik bơta ƀàssìl añ jê digùl ală cau.”

Mathiơ 1:1

Sơnđan ală ồng pàng Yàng Jesu Krist dê, kòn sau Dabit, kòn sau Abraham dê.

Yal Wơl 22:23

Tòm tŭ dô nă kòn ơruh òhềt ròm mơ cau klau lơi mơ neh ho bau mơ dô nă cau, mơ gơs dô nă cau ndai tìp khai tòm gùng ƀòn dờng mơ bic mơ khai.

Mathiơ 2:11

Bol khai mut tòm hìu, gŏ kòn dềt bal mơ Mari mè Kơnràñ, gen tơmbic să mơ duh khoai Kơnràñ. Gen bol khai pò ală phan màng mơ ơn Kơnràñ in la màh, kơlhô mơ cài trŭ.

Mathiơ 12:46

Tòm tŭ Yàng Jesu gam đơs mơ mpồl làng bol, gen mè mơ oh mi Kơnràñ dê tus ntào bơdìh, kòñ tòmbơhbơr mơ Kơnràñ.

Luka 2:5

nàng cih sơnđan khai mơ sơnđan Mari, la cau neh ho bau mơ khai, cau hơ̆ gam bun.