Luka 9:11 - Sră Goh 2018

¹¹ Mơya mpồl làng bol git behơ̆ gen lòt jat. Kơnràñ wă rò bol khai, tòmbơhbơr, mơ bơto bol khai in bơh lơgar Yàng Tom Trồ, mơ sơmbòi ală cau pal càng geh sơmbòi.

Luka 9:11 Referans Kwoze

Hebrơ 4:16

Behơ̆ bol he kơ̆ tĕ nùs tus rềp di sơbàn Bơtau ai bơta nđàc dê, nàng dòp geh bơta nđàc sơngit mơ jòi geh bơta kòñ nđàc nàng dong kòl bol he tòm tŭ pal càng.

II Timôthe 4:2

Bơto yal tĕ jơnau Yàng, bơto sùm bulah bơtoah hala ò bơtoah, bơto pơndòm, lah pơrhơng, chồl bơtrut, jơh nùs kong ơt tòm bơta bơto sồr.

Rôma 15:3

Bơh Bơtau Krist kung ò lơh niam nùs să tòm Kơnràñ sơl, be neh cih lah: “Ală jơnau bơtat bơtròh cau đơs bơtat bơtròh di Yàng, gơ neh tuh hơđang Añ.”

Rôma 10:14

Mơya bol khai òhềt dòn Kơnràñ gen mbe rgơi hòi dan taih? Òhềt kơno đơs bơh Kơnràñ, gen mbe rgơi dòn taih? Dilah ò gơs cau bơto yal gen mbe rgơi kơno taih?

Broă 28:31

bơto yal bơh lơgar Yàng Tom Trồ mơ bơto sồr bơh Yàng Jesu Krist dô bă khin cha ngan, ò gơs cau lơi bơkơŭ kơryan khai dô êt lơi.

Jang 6:37

Jơh ală cau Bèp ai Añ in, gen rơp lòt tus hơ Añ; cau lơi lòt tus hơ Añ, gen Añ ò gơs tŭ lơi sang khai hơ bơdìh ò.

Jang 4:34

Yàng Jesu đơs lah: “Phan sa Añ jê hơ̆ la lơh jat nùs kòñ Bơtau neh sồr Añ lòt tus, mơ lơh sir broă Kơnràñ dê.

Luka 9:2

mơ sồr bol khai lik lòt bơto yal bơh lơgar Yàng Tom Trồ, mơ sơmbòi ală cau kòp jê.

Luka 8:10

Kơnràñ đơs lah: “Neh ai bol mê in git ală bơta ndơp ndơr lơgar Yàng Tom Trồ dê, mơya gơwèt mơ ală cau ndai gen ngui jơnau pơnyơu, nàng bol khai in sền mơ ò gŏ, kơno mơ ò git wă.

Luka 8:1

Tơnơ̆ mơ hơ̆ dô êt jŏ, Yàng Jesu lòt làm bơh ƀòn dờng do tus hơ ƀòn dờng ne, ƀòn do tus hơ ƀòn dă, bơto tơnggit mơ bơto yal Jơnau Niam lơgar Yàng Tom Trồ dê. Gơs jơt bàr nă cau bơtê lòt bal mơ Kơnràñ,

Luka 5:31

Yàng Jesu đơs mơ bol khai lah: “Cau pràn kơldang ò càng cau gơnoar sơnơm ò, mơya la cau kòp jê.

Luka 1:53

Ai cau jơgloh in bềng phan bơkah, Mơ cau pas rê gòi.

Mathiơ 21:43

Tài behơ̆ Añ đơs mơ bol mê, lơgar Yàng Tom Trồ rơp tă bơh di bol mê mơ jào dô nơm làng bol rơp lơh gơlik plai lơgar hơ̆ in.

Mathiơ 21:31

Tòm bàr nă kòn hơ̆, kòn lơi lơh jat nùs kòñ bèp dê taih?” Bol khai ho lah: “Kòn sơnròp.” Yàng Jesu đơs mơ bol khai lah: “Di ngan Añ đơs mơ bol mê, ală cau dar dia mơ ală cau dri tơlàr rơp geh mut tòm lơgar Yàng Tom Trồ lài mơ bol mê.

Mathiơ 14:14

Kơnràñ lik bơh ơhò, gŏ mpồl làng bol oă gen nđàc sơngit di bol khai mơ sơmbòi ală cau kòp jê in.

Esai 61:1

Hwềng Jehôwa Yàng Tom Trồ dê ơm hơđang Añ, tài bơh Yàng Jehôwa neh bong mơñà Añ in; Kơnràñ sồr Añ lòt tus nàng yal jơnau niam ală cau kong rồn bơklơn in, nàng pùt wơl ală nùs bơcah lề, nàng yal tơnggit bơta khat gơboh ală cau kong kup cèng in, mơ bơta hồ toh ală cau ơm jàm in,

Rôma 10:17

Behơ̆ bơta dòn tus bơh bơta kơno, mơ bơta kơno tus bơh jơnau Bơtau Krist geh bơto yal.

Mathiơ 12:15

Yàng Jesu git bơta hơ̆ gen pleh lòt bơh tềng hơ̆. Gơs oă cau lòt jat Kơnràñ, Kơnràñ sơmbòi jơh tơl nă,

Luka 9:10

Ală cau gơnoar bơto dờng rê wơl yal mơ Yàng Jesu ală broă bol khai neh lơh. Gen Kơnràñ lam bol khai lòt is bal mơ Kơnràñ tus hơ ƀòn dờng ne sơnđan la Betsaida.

Luka 9:12

Dơ̆ trồ mòr mang, jơt bàr nă cau bơtê tus đơs mơ Kơnràñ lah: “Dan ai mpồl làng bol in rê, nàng bol khai mut tòm ală ƀòn mơ ƀòn dềt gùt dar tồ ơm mơ jòi phan sa; bơh bol he ơm tềng do la tiah ngềt ngơt.”