Luka 8:15 - Sră Goh 2018

¹⁵ Ai gar sơntìl ơm di ù niam la ală cau kơno jơnau Yàng, gen ai nùs song mơ lơbơn niam nàng prap gàr, ơt ơl mơ gơlik plai.

Luka 8:15 Referans Kwoze

Hebrơ 10:36

Bơh oh mi pal kong jai, nàng tus di tŭ neh lơh wil tơl nùs kòñ Yàng Tom Trồ dê rau, gen rơp dòp geh bơta neh ho pơgon.

Luka 6:45

Cau lơbơn niam bơh bơta niam tòm nùs mơ tơlik bơta niam, cau iơh bơsak bơh bơta iơh bơsak tòm nùs mơ tơlik bơta iơh bơsak, bơh jat bơta bềng lìu tòm nùs gen sồng bơr đơs tơlik.

I Jang 2:3

Dilah bol he prap gàr ală bơta sồr lam Kơnràñ dê, gen bơh hơ̆ bol he git nền lah bol he dòp git Kơnràñ.

Kôlôse 1:10

tồ oh mi in lơh lòt dô bă di pal mơ Yàng, niam nùs Kơnràñ tòm jơh ală bơta, gơlik plai tòm jơh ală broă niam, sơlo bơtơl tai tòm bơta dòp git Yàng Tom Trồ.

Kôlôse 1:6

Jơnau Niam hơ̆ neh tus hơ oh mi, kung be neh tus tòm làm jơh dunnia, gơlik plai mơ gơbơtơl kung be tòm oh mi, bơh ngai oh mi neh kơno mơ git wă bơta nđàc Yàng Tom Trồ dê jat be jơnau song,

Jang 14:15

“Dilah bol mê kòñ gơboh di Añ, gen rơp prap gàr ală bơta sồr lam Añ jê.

Luka 11:28

Mơya Kơnràñ đơs lah: “Di, bulah behơ̆, cau iat jơnau Yàng Tom Trồ mơ prap gàr gơs lơngai rlau!”

Philip 1:11

oh mi geh bềng plai bơta song ring dê tus bơh Yàng Jesu Krist, tồ lơh àng sơnđan mơ jòng ro Yàng Tom Trồ.

Rôma 7:4

Kung behơ̆ sơl, ơ oh mi añ jê, kơnòm di să jan Bơtau Krist dê mơ oh mi neh chơt gơwèt hơ bơta boh lam, nàng geh kơt bal mơ cau ndai, hơ̆ la cau neh kis wơl bơh bơta chơt, tồ bol he gơlik plai Yàng Tom Trồ in.

Rôma 6:22

Mơya tòm tŭ do oh mi neh geh hồ toh lik klàs bơh tồi glài, mơ neh gơlik gơs dĭ gơna Yàng Tom Trồ dê, gen cồng nha oh mi dê la bơta gơlik gơs sàng goh, mơ lồi dut la bơta kis gam sùm sùm.

Jang 15:10

Dilah bol mê prap gàr ală bơta sồr lam Añ jê, gen rơp ơm sùm tòm bơta kòñ gơboh Añ jê, kung be Añ neh prap gàr ală bơta sồr lam Bèp Añ jê, mơ ơm sùm tòm bơta kòñ gơboh Kơnràñ dê.

Mathiơ 24:13

Mơya cau lơi kơ̆ nùs jơl tus di lồi dut gen rơp geh dong klàs.

Yal Wơl 30:6

Jehôwa Yàng Tom Trồ bol mê dê rơp siat gơltau nùs bol mê dê mơ nùs ală kòn sau bol mê dê, tồ bol mê rơp jơh nùs mơ jơh hwềng soàn kòñ gơboh di Jehôwa Yàng Tom Trồ bol mê dê, nàng bol mê in geh kis.

Hebrơ 2:1

Gen tàng, bol he sơlo pal ơn nùs kơlôi nền cê di ală bơta he neh kơno, rngòt bol he kòl pơrdô mòn.

Ephesô 2:8

Oh mi geh dong klàs kơnòm di bơta nđàc mơ bơh bơta dòn, bơta hơ̆ ò di bơh oh mi ò, mơya la bơta ai gòi Yàng Tom Trồ dê;

I Kôrintô 7:19

Bơta siat gơltau hala ò siat gơltau ò di la dờng màng; bơta dờng màng la prap gàr ală bơta sồr lam Yàng Tom Trồ dê.

Rôma 7:18

Bơh añ git bơta niam ò ơm tòm añ, hơ̆ la tòm poac să añ, bơh añ gơs nùs kòñ lơh bơta niam, mơya ò rgơi lơh bơta niam.

Rôma 2:7

Cau lơi kơ̆ nùs lơh bơta niam, mơ jòi jat bơta gơklŏ, sền dờng màng mơ bơta ò ồm lề, gen Yàng Tom Trồ tơm wơl bol khai in bơta kis gam sùm sùm;

Jeremi 31:33

Yàng Jehôwa đơs: “Do la bơta ho bal mơ Añ rơp bơtào bal mơ hìu Israel tơnơ̆ mơ ală ngai hơ̆. Añ rơp ơn bơta boh lam Añ tòm dơngoh bol khai mơ cih tòm nùs bol khai. Añ rơp lơh gơs Yàng Tom Trồ bol khai, bol khai rơp lơh gơs làng bol Añ jê.

Jakơ 1:4

Mơ bơta kơ̆ nùs pal gơlik cồng nha wil tơl tồ oh mi in geh dờng wil tơl, ò siơ̆u dô bơta lơi.

Jeremi 32:29

Ală cau Kalde tòmlơh mơ ƀòn do rơp tus, ơn ồs mơ chu gơ, chu tơn ală hìu mơ cau neh ơn kơlhô Baal in hơđang rkàng hìu, mơ ơn phan pơdơng ñô ală yàng ndai, nàng bơrcek Añ gơjrañ.

Jeremi 15:16

Kơno ală jơnau Kơnràñ dê, gen añ sa loan rau; la bơta hòn chò nùs añ jê; Bơh añ geh sơnđan bơh sơnđan Kơnràñ! Ơ Jehôwa Yàng Tom Trồ Gơnap Gơnoar.

Jơnau Pơnđik 3:1

Ơ kòn añ jê, bañ hŭi jơnau añ bơto, Mơya nùs kòn pal prap gàr ală bơta sồr lam añ jê;

Đơs Crih 119:11

Añ neh prap jơnau Yàng tòm nùs añ, Nàng añ ò tìs glài tòmdră mơ Yàng.

Đơs Crih 51:10

Ơ Yàng Tom Trồ, dan crơng gơs tòm añ dô nơm nùs sàng goh; Mơ ơn tòm añ dô nơm hwềng nùs pa mơ song ngan.

Luka 8:14

Gar sơntìl rung di tòm lò la ală cau neh kơno jơnau, gen lòi bơta kơlôi rcang, pas sơm, chò hòp rài do lơh gơrềt, gen ò dờng.

Luka 8:16

Ò gơs cau lơi chu đèng mơ ai phan drup wơl, hala ơn hơđơm cơnòng bic, mơya ơn hơđang jơng đèng, tồ ală cau lơi mut gen gŏ bơta àng.

Rôma 8:25

Mơya dilah bol he gơn kơnòm bơta he òhềt gŏ, gen sồng bol he ai nùs ơt ơl mơ kơp gơn bơta hơ̆.