Luka 6:42 - Sră Goh 2018

⁴² Mbe mê rgơi đơs mơ oh mi mê dê lah: ‘Ơ bi, ai añ in tă thul bơh di mat bi,’ mơ să tòm mê ò gŏ ròc dra tòm mat mê ơ? Ơ cau ma blac, lài ngan tă tĕ ròc dra bơh di mat mê, gen sồng gŏ loh làng nàng tă thul bơh di mat oh mi mê dê.

Luka 6:42 Referans Kwoze

II Pier 1:9

Bơh cau lơi siơ̆u ală bơta hơ̆ gen gơlik gơs be cau mìng gŏ rềp, cau jơngo, neh hŭi lah khai neh geh rào goh bơh ală tồi glài yau khai dê.

II Timôthe 2:21

Dilah cau lơi lơh goh is să he bơh di ală broă iơh bơsak hơ̆, gen rơp be gri dờng màng geh gơlik gơs sàng goh, gơs kwơ cau tòm in mơ neh rcang sir ală broă niam in.

II Kôrintô 5:18

Jơh ală bơta hơ̆ gơlik gơs bơh Yàng Tom Trồ; Kơnràñ neh kơnòm di Bơtau Krist mơ lơh bol he in gơtòmsòr wơl mơ Kơnràñ, mơ jào bol hi in gơnoar broă lơh cau in gơtòmsòr wơl.

Rôma 2:1

Behơ̆, ơ cau ne, bulah mê la ñcau, kung ò geh tò să he; bơh mê cahrña di cau ndai bơh bơta lơi, gen kung lơh nền glài să tòm he in sơl, bơh mê cahrña di cau lơh bơta hơ̆, mơ mê kung lơh ală bơta behơ̆ sơl.

Broă 13:10

“Mê la kòn cà ràk dê, cau sò tơm jơh ală bơta song ring dê, bềng bơta ma blac mơ iơh bơsak, mê kư̆ lơh kwe gùng song Yàng dê sùm ơ?

Broă 8:21

Mê ò gơs pơnah lơi hala tòmpà bal tòm broă do, tài bơh nùs mê ò song di đap Yàng Tom Trồ.

Broă 2:38

Pier ho lah: “Gơjrañ sang glài tĕ, mơ kòp nă ai tĕ sơnđan Yàng Jesu Krist mơ gơs ƀaptem tồ geh toh glài he, lồc behơ̆ rơp dòp geh bơta ai gòi la Yàng Hwềng Goh.

Luka 22:32

Mơya Añ neh hòi dan mê in, tồ bơta dòn mê dê ò gơhuc. Behơ̆ tus di tŭ mê rê wơl hơ Añ, gen lơh tĕ oh mi mê in kơ̆ nùs.”

Luka 13:15

Mơya Yàng ho mơ khai lah: “Ơ cau ma blac! Kòp nă tòm bol mê tòm ngai Saƀat ò di hồ kơnrồ hala alàng he dê lik bơh bòng ñhơt mơ tề gơ lòt hùc dà ò ơ?

Mathiơ 26:75

Pier kah wơl jơnau Yàng Jesu neh đơs lah: “Lài mơ tŭ iar nrau, mê rơp pơndang sang Añ pe dơ̆.” Gen khai lik lòt, ñìm rac ròc pơt wòl.

Jơnau Pơnđik 18:17

Cau sơnròp yă wơn gơlơh be di pal; Mơya tŭ đah ne tus gen sồng git cau lơi di hala tìs.

Mathiơ 7:3

Ñchi bơh tài mê sền gŏ thul tòm mat oh mi he mơ ò gŏ ròc dra tòm mat tòm he taih?

Mathiơ 7:4

Mbe mê rgơi đơs mơ oh mi he lah: ‘Ai añ in tă thul bơh di mat bi,’ tòm tŭ mat tòm mê gam gơs ròc dra be gen taih?

Luka 6:41

Ñchi bơh tài mê sền gŏ thul tòm mat oh mi mê dê, mơ ò gŏ ròc dra tòm mat mê taih?

Luka 6:43

Ò gơs chi niam mơ gơlik plai iơh, kung ò gơs chi iơh mơ gơlik plai niam.