Luka 4:41 - Sră Goh 2018

⁴¹ Kung gơs ală cà lik bơh di oă cau, mơ hòi driau lah: “Kơnràñ la Kòn Yàng Tom Trồ.” Mơya Kơnràñ lah pơrhơng bol gơ, ò ai đơs, bơh bol gơ git Kơnràñ la Bơtau Krist.

Luka 4:41 Referans Kwoze

Jơnau Niam Jat Mak 1:34

Kơnràñ sơmbòi oă cau bơh tơl ală bơta kòp jê, mơ bơtrơh oă cà, ò ai gơnoar ală cà in đơs, bơh bol gơ git Kơnràñ.

Jakơ 2:19

Mê dòn lah Yàng Tom Trồ mìng dô nă lơm, mê dòn behơ̆ la di; bơh cà ràk kung dòn behơ̆ mơ rơm să.

Jang 20:31

Mơya ală broă do neh cih nàng bol mê in dòn lah Yàng Jesu la Bơtau Krist, la Kòn Yàng Tom Trồ, mơ kơnòm di bơta bol mê dòn, gen geh bơta kis tòm sơnđan Kơnràñ.

Jơnau Niam Jat Mak 3:11

Kòp dơ̆ ală cà gŏ Kơnràñ gen tơmbic să dê jơng Kơnràñ mơ hòi driau lah: “Kơnràñ la Kòn Yàng Tom Trồ!”

Mathiơ 4:3

Gen cà ràk la cau ơniai tus đơs mơ Kơnràñ lah: “Dilah Kơnràñ la Kòn Yàng Tom Trồ dê, gen sồr tĕ ală lŭ do gơlik gơs piang lă.”

Mathiơ 26:63

Mơya Yàng Jesu ơm mŏ mŏ. Cau gơnoar dờng lam bồ ơn phan duh khoai đơs mơ Kơnràñ lah: “Añ sồr mê sơnio Yàng Tom Trồ gam kis sùm, srat să mơ yal tĕ bol hi in, mê ngan la Bơtau Krist, Kòn Yàng Tom Trồ dê ơ?”

Mathiơ 8:29

Chòp bol khai hòi driau lah: “Ơ Kòn Yàng Tom Trồ, gơs ñchi jơnau digùl bol hi mơ Kơnràñ taih? Kơnràñ tus nàng lơh bòl glar bol hi lài mơ tŭ tus di tơngai lơh nền ơ?”

Jơnau Niam Jat Mak 1:25

Mơya Yàng Jesu lah pơrhơng gơ lah: “Ơm mŏ mŏ tĕ! Mơ lik bơh di cau do!”

Mathiơ 8:4

Yàng Jesu đơs tai mơ khai lah: “Bañ yal mơ cau lơi, mơya lòt tĕ sơnio să mê mơ cau gơnoar ơn phan duh khoai, mơ ơn phan be Môise neh sồr nàng lơh cơng bol khai in.”

Mathiơ 8:16

Tòm mho hơ̆, cau cèng Kơnràñ in oă cau cà lơh. Kơnràñ ngui jơnau đơs mơ bơtrơh ală cà hơ̆, mơ sơmbòi jơh ală cau kòp jê,

Jơnau Niam Jat Mak 1:32

Trồ mho tòm tŭ mattơngai ñơp, cau cèng jơh ală cau kòp jê mơ cau gơkòl cà lơh lòt tus hơ Yàng Jesu.

Luka 4:39

Kơnràñ kun wèt hơ mò, pơrhơng bơta kòp prơm gen kòp prơm roh thit. Mò ñă ntào mo mơ duh broă bol khai.