Luka 23:14 - Sră Goh 2018

¹⁴ mơ đơs lah: “Bol mê neh cèng jào cau do añ in, yă khai chồl bơtrut làng bol do, añ neh sền sơwì khai di đap bol mê, mơya ò gŏ khai gơs glài lơi tòm ală bơta bol mê neh yă.

Luka 23:14 Referans Kwoze

Daniel 6:4

Behơ̆ bàr nă cau kwang đơng lơgar bal mơ ală cau kwang at bồ kơnhwàl lơgar ne jòi kai yă Daniel bơh broă at bồ lơgar; mơya bol khai ò rgơi jòi bàn dô bơta tìs lơi di khai, tài bơh khai la cau di pal dòn kơnòm, ò sa kwì sa kwà, mơ ò tŭ lơi lơh tìs.

Hebrơ 7:26

Yàng Jesu la cau gơnoar dờng lam bồ ơn phan duh khoai bol he pal càng; Kơnràñ la sàng goh, ò gơs tiah geh lah pơrhơng, ò ƀơ̆ wàm, cah is bơh ală cau glài, geh yò tơngguh rlau mơ ală tap trồ.

Broă 13:28

Bulah ò jòi bàn bơta lơi nàng lơh nền glài chơt, bol khai kư̆ dan Pilat tơnchơt Kơnràñ.

Mathiơ 27:54

Cau at dô rhiang ling bal mơ ală cau ling kơp gàr Yàng Jesu, gŏ ù gơlơnggơr mơ ală bơta neh gơlik gơs, gen rngòt rngơt oă ngan mơ đơs lah: “Ngan, Cau do la Kòn Yàng Tom Trồ.”

Mathiơ 27:24

Tòm tŭ Pilat gŏ he ò rgơi lơh bơta lơi, mơ tai bơta nggồr nggàc sơlo gơbơtơl, gen khai ai dà rào tê di đap mpồl làng bol mơ đơs lah: “Añ ò gơs glài bơh mhàm cau song ring do; kong bol mê dê.”

Mathiơ 27:19

Tòm tŭ cau kwang đơng lơgar gam nggui hơđang cơnòng cahrña, bau ùr Pilat sồr cau lòt đơs mơ khai lah: “Mê bañ ƀư di cau song ring hơ̆, bơh khai mơ tòm ngai do añ neh kong bòl glar ngan tòm bơta mpau.”

Mathiơ 27:4

mơ đơs lah: “Añ neh tìs glài bơh neh bơtào mhàm ò gơs glài.” Mơya bol khai đơs lah: “Broă hơ̆ gơs ñchi gơkwă mơ bol hi taih? Kong mê dê!”

Broă 17:11

Ală cau ơm tềng hơ̆ git jơnau rlau mơ ală cau ơm tòm Tesalônika, bol khai kơno jơnau Yàng dô bă ngac ngar, kòp ngai kung sền sơwì Sră Goh, nàng lòng sền jơnau Pol bơto sồr hơ̆ la ngan hala ò.