Luka 22:34 - Sră Goh 2018

³⁴ Kơnràñ đơs lah: “Ơ Pier, Añ đơs mơ mê, ngai do tŭ iar òhềt nrau, gen mê rơp pơndang pe dơ̆ lah ò git Añ.”

Luka 22:34 Referans Kwoze

Jang 13:38

Yàng Jesu ho lah: “Mê rơp bơh Añ mơ phi bơta kis mê dê ơ? Di ngan, di ngan, Añ đơs mơ mê, tŭ iar òhềt nrau, gen mê neh pơndang sang Añ pe dơ̆ rau.”

Jơnau Niam Jat Mak 14:30

Yàng Jesu ho lah: “Di ngan Añ đơs mơ mê, ngai do, tòm mang do tơn, lài mơ tŭ iar òhềt nrau bàr dơ̆, gen mê rơp pơndang sang Añ pe dơ̆.”

Mathiơ 26:34

Yàng Jesu đơs lah: “Di ngan Añ đơs mơ mê, tòm mang do lài mơ tŭ iar nrau, gen mê rơp pơndang sang Añ pe dơ̆.”

Mathiơ 26:74

Gen khai srat rma mơ srat să lah: “Añ ò git cau hơ̆ ò.” Tŭ hơ̆ iar nrau mo.

Jang 18:27

Behơ̆ Pier pơndang dô dơ̆ tai, gen iar nrau mo.

Luka 22:33

Chòp Pier đơs lah: “Ơ Yàng, añ neh rcang sir nàng kong jàm kong chơt bal mơ Yàng.”

Luka 22:35

Chòp Kơnràñ đơs mơ bol khai lah: “Dơ̆ Añ neh sồr bol mê lòt ò cèng kơldung priă, kơldung phan, hala gơltau jă, bol mê siơ̆u phan lơi sơl?” Bol khai ho lah: “Ò siơ̆u.”

Luka 22:61

Yàng wơlke sền Pier. Pier kah wơl jơnau đơs Yàng dê, mbe Kơnràñ neh đơs mơ khai lah: “Ngai do lài mơ tŭ iar òhềt nrau, gen mê rơp pơndang pe dơ̆ lah mê ò git Añ.”