Luka 20:13 - Sră Goh 2018

¹³ Chòp cau tòm suơn ño đơs lah: ‘Ñchi añ pal lơh taih? Añ rơp sồr kòn klau kòñ gơboh añ jê; digơlan bol khai rơp ki ngàm di khai.’

Luka 20:13 Referans Kwoze

Mathiơ 3:17

Ne, gơs jơnau bơh đang trồ đơs lah: “Do la Kòn kòñ gơboh Añ jê, niam nùs Añ jơh ală bơta.”

Jeremi 36:7

Digơlan bol khai rơp hòi dan Yàng Jehôwa, mơ pleh bơh gùng iơh he; bơh bơta gơjrañ mơ bơta gơjrañ dờng Yàng Jehôwa neh yal tòmdră mơ làng bol do.”

Jeremi 36:3

Tồ cau Juda rơp git ală bơta rung rài lơh nền dùh hơđang bol khai, nàng kòp nă rê wơl sang gùng iơh he, tồ Añ in rgơi toh bơta iơh bơsak mơ tồi glài bol khai dê.”

Galati 4:4

Mơya tòm tŭ tơngai neh tus rau, Yàng Tom Trồ sồr Kòn Kơnràñ lòt tus, lik lìng bơh dô nă cau ùr, lik lìng ơm tòm gơnoar bơta boh lam dê,

Rôma 8:3

Bơh bơta lơi bơta boh lam lơh ò jai, la tài bơh poac să lơh bơta boh lam in gơlik gơs pùh lơbơn, gen Yàng Tom Trồ neh lơh rau; Kơnràñ neh bơh tồi glài tàng sồr Kòn tòm Kơnràñ dê ai poac să tòm toh be poac să tồi glài, mơ neh lơh nền glài tồi glài in tòm poac să,

Jang 1:34

Añ neh gŏ mơ lơh cơng lah, hơ̆ la Kòn Yàng Tom Trồ dê.”

Luka 9:35

Gơs jơnau bơh tòm mhwal đơs lah: “Do la Kòn kòñ gơboh Añ jê, cau geh sac rwah Añ jê iat tĕ Khai.”

Mathiơ 17:5

Tòm tŭ khai gam đơs, gơs dô puk mhwal àng lơr jơm gòm bol khai, mơ gơs jơnau bơh tòm mhwal đơs lah: “Do la Kòn kòñ gơboh Añ jê, niam nùs Añ tòm ală bơta; iat tĕ Khai.”

Sră Ôse 11:8

Ơ Epraim, mbe Añ rgơi sang lòi mê taih? Ơ Israel, mbe Añ rgơi jào mê tòm tê cau sò tơm taih? Mbe Añ rgơi gơwèt mơ mê kung be Atma, hala lơh mê in kung be Jebôim taih? Nùs Añ wañ lơnggơh! Nùs nđàc sơngit Añ jê kung be chu be pơrguc.

Sră Ôse 6:4

Yàng Jehôwa đơs: Ñchi Añ kòñ lơh mơ mê, ơ Epraim? Ñchi Añ kòñ lơh mê in, ơ Juda? Bơta kòñ gơboh bol mê dê Añ in la kung be dà tŭ àng drim, tòm toh kung be dà mơryuh roh thit tòm tŭ rìng àng.

Esai 5:4

Ñchi Añ rơp lơh tai suơn ño Añ in mơ Añ ò lơh gơ in taih? Tòm tŭ Añ kơp gơn plai ño niam, ñchi bơh tài gơlik plai ño brê behơ̆ taih?

Ejekiel 12:3

Behơ̆ gen, ơ kòn mơnus, mê rcang tĕ phan mơna ơn tòm kơldung nàng kong kup cèng mơ digùl ngai di đap bol khai, mê lik tĕ mơ lòt bơh di tiah mê ơm tus hơ dô bă tiah ndai di đap mat bol khai. Digơlan bol khai rơp git wă bulah bol khai la dô nơm làng bol jak tòmdră.

Luka 18:2

Kơnràñ đơs lah: “Tòm dô nơm ƀòn dờng ne, gơs dô nă cau kwang cahrña ò duh rngòt di Yàng Tom Trồ, kung ò sền dờng màng di cau lơi sơl.

Luka 18:4

Cau kwang hơ̆ ò bài cahrña tòm dô pah tơngai. Mơya tơnơ̆ hơ̆ khai đơs is lah: ‘Bulah añ la cau ò duh rngòt di Yàng Tom Trồ, kung ò ki ngàm di cau sơl,

Luka 20:12

Cau tòm sồr tai dô nă cau dĭ dơ̆ pe, mơya cau ơpah suơn kung lơh cau hơ̆ jê sồt mơ bơtrơh tơlik.

Luka 20:14

Mơya dơ̆ bol lơh suơn gŏ khai, gen tòmbơyai bal lah: ‘Do la cau pơrdòn; heh, tơnchơt tĕ khai nàng sre brê khai gơrê mơ bol he.’