Luka 2:51 - Sră Goh 2018

⁵¹ Lồc behơ̆ Kơnràñ mơ bol khai mù rê hơ Nasaret, mơ Kơnràñ dòn duh bol khai. Mè Kơnàñ prap ală jơnau hơ̆ tòm nùs.

Luka 2:51 Referans Kwoze

Luka 2:19

Ai Mari gen prap ală jơnau hơ̆ mơ kơlôi sơnơng tòm nùs.

Daniel 7:28

Behơ̆, do la lồi dut jơnau hơ̆. Añ, Daniel, ală bơta kơlôi sơnơng añ jê lơh añ in dơrcul rngòt ngan. Muh mat añ gơtòmgơl, mơya añ prap kah ală bơta hơ̆ tòm nùs añ.”

Sơnròp Gơlik Gơs 37:11

Ală bi khai ƀoah gơjrañ di khai, mơya bèp ò hŭi bơta hơ̆.

Jơnau Niam Jat Mak 6:3

Cau do ò di la cau chài lơh chi, kòn klau Mari dê, oh mi mơ Jakơ, Jôsep, Jude mơ Simôn dê ò ơ? Ò di ală oh ùr khai dê ơm digùl bol he ò ơ?” Gen bol khai ò dòp Kơnràñ.

I Pier 2:21

Oh mi neh geh hòi sac tus hơ bơta hơ̆, tài bơh Bơtau Krist kung neh kong bòl glar jê sồt ala oh mi nàng lòi wơl ală oh mi in dô nơm krơh, tồ ală oh mi lòt jat tềl jơng Kơnràñ dê.

Mathiơ 3:15

Yàng Jesu ho lah: “Tŭ do kư̆ lơh tĕ, bơh bol he pal lơh wil tơl jơh ală broă song ring behơ̆.” Gen Jang dòn jơnau.

Ephesô 5:21

Duh rngòt tĕ di Bơtau Krist mơ dòn duh bal mơ gơp.

Luka 2:39

Dơ̆ Jôsep mơ Mari neh lơh tơl ală broă jat bơta boh lam Yàng dê rau, gen rê wơl hơ Galile, hơ ƀòn dờng tòm bol khai dê la Nasaret.

Đơs Crih 119:11

Añ neh prap jơnau Yàng tòm nùs añ, Nàng añ ò tìs glài tòmdră mơ Yàng.

Mathiơ 12:46

Tòm tŭ Yàng Jesu gam đơs mơ mpồl làng bol, gen mè mơ oh mi Kơnràñ dê tus ntào bơdìh, kòñ tòmbơhbơr mơ Kơnràñ.

Jơnau Niam Jat Mak 1:9

Mơ tai, tòm ală ngai hơ̆ Yàng Jesu tus bơh Nasaret lơgar Galile, mơ Jang lơh ƀaptem Kơnràñ in tòm hiòng Jordan.

Luka 4:16

Kơnràñ lòt tus hơ Nasaret, la tiah Kơnràñ ơm bơh dềt tus di dờng. Jat bơta òs mòng, tòm ngai Saƀat Kơnràñ mut tòm hìu jum cau Juda dê, ñă ntào mơ sền sră.

Luka 4:23

Kơnràñ đơs mơ bol khai lah: “Ngan bol mê ai jơnau pơnrĕ pơnring do đơs mơ Añ lah: ‘Ơ cau gơnoar sơnơm, sơmbòi tĕ is să he; ală bơta bol hi kơno ồng neh lơh tòm Kapenaum, gen kung lơh tĕ tòm ƀòn tòm ồng dê sơl.’”

Luka 18:37

Bol khai yal khai in git lah Yàng Jesu Cau Nasaret lòt gan.