Luka 2:11 - Sră Goh 2018

¹¹ hơ̆ la ngai do tòm ƀòn dờng Dabit dê neh deh bol mê in dô Bơtau Dong klàs, la Krist, la Yàng.

Luka 2:11 Referans Kwoze

Esai 9:6

Bơh gơs dô nă kòn dềt tơnggơs bol he in, hơ̆ la dô nă kòn klau ai bol he in, gơnoar at bồ rơp ơn hơđang pơnì Kơnràñ dê. Kơnràñ rơp geh sơnđan la Bơtau Jak Chài Crih Crài, la Yàng Tom Trồ Gơnap Gơnoar Dờng, la Bèp Gam Sùm Sùm, la Bơtau Ring Lơngai.

Mathiơ 1:21

Khai rơp deh dô nă kòn klau, mê tơmoh sơnđan tĕ Kơnràñ la JESU, bơh Kơnràñ rơp dong làng bol Kơnràñ dê klàs bơh tồi glài.”

Broă 2:36

Behơ̆, jơh hìu Israel git tĕ nền lah Jesu do, la Bơtau ală oh mi neh pơng di chi pơng, gen Yàng Tom Trồ neh bơtào lơh gơs Yàng mơ Bơtau Krist.”

Mathiơ 16:16

Simôn Pier ho lah: “Kơnràñ la Bơtau Krist Kòn Yàng Tom Trồ gam kis sùm.”

Luka 1:43

Ñchi bơh tài añ geh bơta nđàc dờng do, hơ̆ la mè Yàng añ jê tus còp añ taih?

I Jang 5:1

Cau lơi dòn Yàng Jesu la Bơtau Krist gen khai la kòn Yàng Tom Trồ dê, mơ cau lơi kòñ gơboh di Bơtau tơnggơs, gen kung kòñ gơboh di ală cau Kơnràñ neh tơnggơs.

Philip 2:11

mơ kòp nơm lơmpiat rơp yal tơlik Jesu Krist la Yàng nàng lơh gơklŏ Yàng Tom Trồ la Bèp.

Jang 4:42

Bol khai đơs mơ cau ùr hơ̆ lah: “Tŭ do bol hi dòn, ò di gam bơh jơnau ai neh đơs mơ bol hi ò, mơya bơh să tòm bol hi neh kơno mơ git lah Kơnràñ ngan la Yàng Dong Klàs dunnia dê.”

Luka 2:4

Bơh Jôsep la bal mơ hìu nhă jơi bơtiàn Dabit dê, gen kung bơh Nasaret tòm Galile guh hơ Jude, tus hơ ƀòn dờng Dabit, sơnđan la Betlehem,

Mathiơ 1:16

Jakôp tơnggơs Jôsep la bau klau Mari dê, ai Mari la cau deh Jesu sơnđan la Krist.

I Kôrintô 15:47

Cau sơnròp lik bơh ù la kơmbuh ù, cau bàr tus bơh trồ.

Broă 10:36

Yàng Tom Trồ ai Jơnau Kơnràñ dê kòn sau Israel in, bơto yal Jơnau Niam lơngap lơngai, bơh Yàng Jesu Krist la Yàng jơh tơl nă cau dê

Jang 20:31

Mơya ală broă do neh cih nàng bol mê in dòn lah Yàng Jesu la Bơtau Krist, la Kòn Yàng Tom Trồ, mơ kơnòm di bơta bol mê dòn, gen geh bơta kis tòm sơnđan Kơnràñ.

I Jang 4:14

Bol he neh gŏ mơ lơh cơng lah Yàng Bèp neh sồr Yàng Kòn lòt tus nàng lơh gơs Yàng Dong Klàs dunnia dê.

Jang 1:45

Philip bàn Nathanael gen đơs lah: “Bol hi neh tìp Bơtau mơ Môise neh cih tòm bơta boh lam, mơ ală cau gơnoar hwơr kung neh cih sơl, hơ̆ la Jesu, kòn Jôsep dê, cau Nasaret.”

Broă 17:3

ai Sră Goh yal loh mơ lơh cơng lah Bơtau Krist pal kong jê sồt, lồc behơ̆ kis wơl bơh bơta chơt. Khai đơs lah: “Yàng Jesu mơ añ bơto yal ală ồng in do hơ̆ la Bơtau Krist.”

Broă 5:31

Yàng Tom Trồ neh yò tơngguh Kơnràñ hơ̆ hơ đah ma Yàng Tom Trồ, lơh gơs Bơtau mơ Yàng Dong Klàs nàng ai làng bol Israel in tŭ gơjrañ sang glài mơ geh toh glài.

Jang 6:69

Bol hi neh dòn mơ git lah, Kơnràñ la Bơtau sàng goh Yàng Tom Trồ dê.”

Jang 1:41

Sơnròp ngan khai bàn bi khai dê la Simôn gen đơs lah: “Bol hi neh tìp Bơtau Mesi,” (gơtha la Bơtau Krist).

Mathiơ 16:20

Gen Kơnràñ bơkơ̆u ală cau bơtê bañ yal cau lơi in git Kơnràñ la Bơtau Krist.

Sơnròp Gơlik Gơs 49:10

Gai gơnap gơnoar bơtau dê ò gơtă bơh di Juda, Gai jra cau at bồ ò ngài bơh di jơng khai, Tus di tŭ Bơtau Silô tus, Mơ ală làng bol dòn duh Kơnràñ.

Sơnròp Gơlik Gơs 3:15

Añ rơp lơh mê mơ cau ùr in, jơi bơtiàn mê mơ jơi bơtiàn cau ùr in tòm gơjrañ bal. Khai rơp jă dê bồ mê, mơ mê rơp kap kơndòl jơng khai.”

Kôlôse 2:6

Behơ̆ oh mi neh dòp Krist Jesu la Yàng, gen lơh lòt tĕ tòm Kơnràñ behơ̆ sơl.

Philip 3:8

Ngan behơ̆, añ sền jơh ală bơta kung be bơta roh lơm, bơh bơta dòp git Yàng Jesu Krist, Yàng añ jê, la dờng màng rlau jơh; bơh Kơnràñ mơ añ neh sang lòi jơh ală cồng nha hơ̆. Añ sền ală bơta hơ̆ kung be thul ơmul tồ añ in dòp geh Bơtau Krist,

Jang 11:27

Mathe ho lah: “Ơi, ơ Yàng, añ dòn lah Yàng la Bơtau Krist, Kòn Yàng Tom Trồ, Bơtau pal tus tòm dunnia.”

Jang 7:41

Cau ƀà đơs: “Hơ̆ la Bơtau Krist.” Cau ƀà tai đơs: “Bơtau Krist ò di tus bơh Galile ò!

Luka 2:26

Khai neh gơs Yàng Hwềng Goh yal tơlik is lah, khai rơp ò chơt lài mơ tŭ gŏ Bơtau Krist Yàng dê.

Luka 1:69

Bơtào tơngguh dô nơm ngke dong klàs bol he in tòm hìu Dabit la cau dĭ gơna Kơnràñ dê,

Đơs Crih 2:2

Ală bơtau tòm dunnia bơtào tơngguh, Ală kwang bàng tòmbơyai bal, Sòdră di Yàng Jehôwa mơ di Bơtau geh bong mơñà Kơnràñ dê mơ lah:

Jang 4:25

Cau ùr đơs lah: “Añ git lah Bơtau Mesi (sơnđan la Bơtau Krist) rơp tus; tŭ Kơnràñ neh tus, Kơnràñ rơp yal jơh ală bơta bol he in.”

Broă 13:23

Bơh jơi bơtiàn Dabit, Yàng Tom Trồ neh tơngguh làng bol Israel in dô Bơtau Dong klàs hơ̆ la Yàng Jesu, be Kơnràñ neh ho.