Luka 19:47 - Sră Goh 2018

⁴⁷ Kòp ngai Kơnràñ bơto sồr tòm hìu duh khoai. Ală cau gơnoar lam bồ ơn phan duh khoai, ală cau bơto bơta boh lam, mơ ală cau kwang kra tòm làng bol jòi bơta nàng tơnchơt Kơnràñ,

Luka 19:47 Referans Kwoze

Jơnau Niam Jat Mak 11:18

Ală cau gơnoar lam bồ ơn phan duh khoai mơ ală cau bơto bơta boh lam kơno ală jơnau hơ̆, gen jòi bơta nàng tơnroh Yàng Jesu; bol khai rngòt di Kơnràñ la tài bơh jơh mpồl làng bol ai lơh crih crài bơh bơta bơto sồr Kơnràñ dê.

Mathiơ 26:55

Tòm jơ hơ̆ Yàng Jesu đơs mơ mpồl làng bol lah: “Bol mê at đào mơ gai tus kup Añ be kup cau phà ơ? Kòp ngai Añ neh nggui bơto sồr tòm hìu duh khoai mơ bol mê ò kup Añ.

Jang 18:20

Yàng Jesu ho lah: “Añ neh đơs loh làng mơ dunnia, Añ òs bơto sồr sùm tòm hìu jum mơ tòm hìu duh khoai, la tiah jơh ală cau Juda pơjum, Añ ò đơs bơta lơi ndơp ndơr ò.

Jang 10:39

Bol khai jòi tai bơta nàng kup Kơnràñ, mơya Kơnràñ pleh klàs bơh di tê bol khai.

Jang 7:44

Gơs ală cau ƀà tòm mpồl làng bol kòñ kup Kơnràñ, mơya ò gơs cau lơi ai tê sơmbat di Kơnràñ.

Jang 7:19

Ò di Môise neh ai bơta boh lam bol mê in ò ơ? Mơya tòm bol mê ò gơs dô nă cau lơi prap gàr bơta boh lam hơ̆. Ñchi bơh tài bol mê jòi nàng tơnchơt Añ taih?”

Jơnau Niam Jat Mak 14:1

Bàr ngai lài mơ bơta pơjum sa Lòt gan mơ bơta pơjum sa piang lă ò gơs kañ, ală cau gơnoar lam bồ ơn phan duh khoai bal mơ ală cau bơto bơta boh lam jòi kai gơrmơ̆i nàng kup mơ tơnchơt Yàng Jesu.

Jơnau Niam Jat Mak 12:12

Ală cau hơ̆ jòi bơta nàng kup Yàng Jesu bơh git Kơnràñ đơs pơnyơu hơ̆ la sơnio bơh bol khai; mơya bol khai rngòt di mpồl làng bol, gen lòi Kơnràñ mơ lik lòt.

Mathiơ 21:23

Dơ̆ Yàng Jesu mut tòm hìu duh khoai, tòm tŭ Kơnràñ bơto sồr gen gơs ală cau gơnoar lam bồ ơn phan duh khoai mơ ală cau kwang kra tòm làng bol tus lùp lah: “Bơh gơnoar lơi mơ ồng lơh ală bơta do, mơ ñcau neh ai ồng in gơnoar hơ̆ taih?”

Jơnau Niam Jat Mak 14:49

Kòp ngai Añ neh ơm digùl bol mê mơ bơto sồr tòm hìu duh khoai mơ bol mê ò kup Añ, mơya ală bơta do pal gơs nàng jơnau Sră Goh gơlik di ngan.”

Luka 19:48

mơya ò rgơi jòi bơta lơi, bơh jơh làng bol kòñ ngan jat iat Kơnràñ.

Luka 20:19

Ală cau bơto bơta boh lam mơ ală cau gơnoar lam bồ ơn phan duh khoai git Kơnràñ đơs pơnyơu hơ̆ la sơnio bơh bol khai, gen tòm jơ hơ̆ bol khai jòi bơta nàng kup Kơnràñ, mơya bol khai rngòt di làng bol.