Luka 19:46 - Sră Goh 2018

⁴⁶ mơ đơs mơ bol khai lah: “Gơs jơnau cih lah: ‘Hìu Añ pal la hìu hòi dan,’ mơya bol mê neh lơh hìu hơ̆ in gơlik gơs trồm ală cau ntung kơñau.”

Luka 19:46 Referans Kwoze

Esai 56:7

Gen Añ rơp cèng ală cau hơ̆ guh hơđang mơnơm sàng goh Añ jê, mơ lơh bol khai in bềng bơta hòn chò tòm hìu hòi dan Añ jê. Ală phan ơn chu pơrguc mơ ală phan ơn pơdơng duh khoai bol khai dê rơp geh dòp hơđang cơnòng duh khoai Añ jê; bơh hìu Añ rơp geh sơnđan la dô nơm hìu hòi dan jơh ală làng bol in.”

Jeremi 7:11

Behơ̆ hìu do, la tiah geh tơmoh bơh sơnđan Añ, gơlik gơs trồm cau ntung kơñau di đap bol mê ơ? Bol mê git, să tòm Añ neh sền gŏ ală bơta hơ̆,’ Yàng Jehôwa đơs behơ̆.

Mathiơ 23:13

“Bòl glar bol mê in, cau bơto bơta boh lam mơ cau Pharisi, la cau ma blac! Tài bơh bol mê til mpồng lơgar đang trồ di đap cau; să tòm bol mê ò bài mut mơ cau lơi kòñ mut gen bol mê kung ò ai. [

Ejekiel 43:12

Do la bơta boh lam hìu duh khoai dê: Jơh ală kơnhwàl gùt dar hơđang bồ mơnơm la tiah sàng goh ngan. Do la bơta boh lam hìu duh khoai dê.

Đơs Crih 93:5

Ơ Yàng Jehôwa, ală jơnau lơh nền Kơnràñ dê la nền cê ngan; Bơta sàng goh la di pal ngan tòm hìu Kơnràñ dê jơl sùm sùm.

Sră Ôse 12:7

Mơya, mê pal rê wơl hơ Yàng Tom Trồ mê dê, prap gàr bơta kòñ gơboh mơ bơta song ring, mơ gơn kơnòm sùm sùm di Yàng Tom Trồ mê dê.

Mathiơ 21:13

Kơnràñ đơs mơ bol khai lah: “Gơs jơnau cih lah: ‘Hìu Añ pal sơnđan la hìu hòi dan,’ mơya bol mê lơh hìu hơ̆ gơlik gơs trồm ală cau ntung kơñau.”

Jơnau Niam Jat Mak 11:17

Lồc behơ̆ Kơnràñ bơto sồr lah: “Neh gơs jơnau cih lah: ‘Hìu Añ pal sơnđan la hìu hòi dan jơh ală làng bol in,’? Mơya bol mê neh lơh hìu hơ̆ in gơs trồm ală cau ntung kơñau dê.”