Luka 18:23 - Sră Goh 2018

²³ Mơya dơ̆ khai kơno jơnau hơ̆ gen moat jrùng ngan, bơh khai pas sơm ngan.

Luka 18:23 Referans Kwoze

Ejekiel 33:31

Bol khai tus mơ mê jat be bol khai òs tus; bol khai nggui di đap mê mơ iat ală jơnau mê dê, mơya bol khai ò bài lơh jat ală jơnau hơ̆. Bơr bol khai yal tơlik bơta dòn duh, mơ nùs bol khai ya hàm hà cồng nha ò song ring.

I Jang 2:15

Bañ kòñ gơboh dunnia, kung bañ kòñ gơboh ală phan tòm dunnia sơl; dilah cau lơi kòñ gơboh dunnia, gen bơta kòñ gơboh di Yàng Bèp ò ơm tòm cau hơ̆.

Luka 21:34

Behơ̆ bol mê kơrmap gàr tĕ să he, rngòt bơta ñô sa oă ir, bơta bơñul lơmbè mơ bơta kơlôi rcang rài do dê lơh giga nùs bol mê dê, mơ ngai hơ̆ tus nisơna hơđang bol mê be tras jàl mòn;

Luka 12:15

Gen Kơnràñ đơs mơ bol khai lah: “Kơrhia tĕ, mơ kơrmap gàr tĕ să he bơh jơh ală bơta hàm hà, bơh bơta kis cau dê ò di bơh gơs phan mơna tơngkah tơngkañ ò.”

Luka 8:14

Gar sơntìl rung di tòm lò la ală cau neh kơno jơnau, gen lòi bơta kơlôi rcang, pas sơm, chò hòp rài do lơh gơrềt, gen ò dờng.

Jơnau Niam Jat Mak 10:22

Dơ̆ kơno jơnau hơ̆, cau do gơlơh kơnjơ̆ muh mat, gen moat jrùng mơ lòt, bơh khai gơs oă ngan phan mơna.

Mathiơ 19:22

Mơya dơ̆ kơno jơnau hơ̆, gen cau pơnu moat jrùng mơ lòt, bơh khai gơs oă ngan phan mơna.

Kôlôse 3:5

Behơ̆ tơnchơt tĕ ală pơnah să jan oh mi dê tòm ù, hơ̆ la rềs àr bơrnàn, ngkòr ngkàc, gơboh kơnhơl lềng làng, hàm kòñ bơta iơh, mơ hàm hà la bơta duh rùp ràk.

Philip 3:8

Ngan behơ̆, añ sền jơh ală bơta kung be bơta roh lơm, bơh bơta dòp git Yàng Jesu Krist, Yàng añ jê, la dờng màng rlau jơh; bơh Kơnràñ mơ añ neh sang lòi jơh ală cồng nha hơ̆. Añ sền ală bơta hơ̆ kung be thul ơmul tồ añ in dòp geh Bơtau Krist,

Ephesô 5:5

Bơh oh mi git loh làng bơta do: Cau rềs àr bơrnàn, cau ngkòr ngkàc, cau hàm hà la cau duh rùp ràk, bol khai ò gơs sre brê lơi tòm lơgar Bơtau Krist mơ Yàng Tom Trồ dê.

Luka 19:8

Mơya Sace ntào đơs mơ Yàng lah: “Ơ Yàng, do, añ ai nggùl phan mơna añ jê mơ tòmpà cau rƀah lơòi in, mơ dilah añ neh sa kwì sa kwà phan cau lơi dê, gen añ rơp tòm wơl poan dơ̆ rlau.”

Luka 18:22

Yàng Jesu kơno bơta hơ̆ gen đơs mơ khai lah: “Mê gam siơ̆u dô bơta: Tac tĕ jơh ală phan mơna mê dê mơ tòmpà cau rƀah lơòi in, gen mê rơp geh phan màng hơđang trồ; lồc behơ̆ tus tĕ jat Añ.”

Luka 18:24

Yàng Jesu gŏ khai behơ̆ gen đơs lah: “Cau pas sơm mut tòm lơgar Yàng Tom Trồ la kalke ngan!