Luka 15:10 - Sră Goh 2018

¹⁰ Kung behơ̆ sơl, Añ đơs mơ bol mê, ală cau gơnrơh Yàng Tom Trồ dê rơp hòn chò bơh dô nă cau glài gơjrañ sang glài.”

Luka 15:10 Referans Kwoze

Luka 15:7

Kung behơ̆ sơl, Añ đơs mơ bol mê, hơđang trồ rơp hòn chò bơh dô nă cau glài gơjrañ sang glài rlau mơ sin jơt sin nă cau song ring ò càng gơjrañ sang glài.

II Kôrintô 7:10

Bơh bơta moat jrùng jat nùs kòñ Yàng Tom Trồ dê gơlik gơs bơta gơjrañ sang glài lam tus hơ bơta dong klàs, la bơta ò càng pơlai; mơya bơta moat jrùng jat dunnia dê gơlik gơs bơta chơt.

Ejekiel 33:11

Đơs tĕ mơ bol khai lah: ‘Jehôwa Yàng Tom Trồ đơs lah: Ngan be Añ kis sùm, Añ ò niam nùs tòm bơta chơt cau iơh bơsak dê, mơya Añ niam nùs gŏ bol khai pơrlac sang ală gùng dà bol khai dê mơ kis. Pơrlac sang tĕ! Pơrlac sang ală gùng dà iơh bơsak bol mê dê! Ñchi bơh tài bol mê kòñ chơt, ơ hìu Israel?’

Ejekiel 18:23

Jehôwa Yàng Tom Trồ đơs lah: ‘Añ rơp niam nùs bơh bơta chơt cau iơh bơsak dê, sơl ơ? Gơsơlơ̆u wơl, ò di la Añ niam nùs tòm tŭ bol khai pơrlac wơl bơh di ală gùng dà bol khai dê mơ geh kis ò ơ?

Luka 13:5

Añ đơs mơ bol mê, ò di; mơya dilah bol mê ò gơjrañ sang glài, gen jơh tơl nă bol mê kung rơp roh rui behơ̆ sơl.”

Mathiơ 18:14

Kung behơ̆ sơl, Bèp bol mê ơm hơđang trồ ò kòñ dô nă tòm ală cau dềt do roh rui.”

Ejekiel 18:32

Jehôwa Yàng Tom Trồ đơs lah: ‘Añ ò niam nùs bơh bơta chơt dô nă cau lơi, behơ̆ gơjrañ sang glài tĕ mơ geh kis!’”

Hebrơ 1:14

Jơh ală cau gơnrơh hơ̆ ò di la ală hwềng òs duh broă, kong sồr lòt nàng dong broă ală cau rơp pơrdòn bơta dong klàs ò ơ?

Broă 11:18

Dơ̆ bol khai kơno jơnau hơ̆, gen ơm mŏ mŏ, lồc behơ̆ jòng ro Yàng Tom Trồ lah: “Behơ̆, Yàng Tom Trồ kung neh ai bơta gơjrañ sang glài làng bol bơdìh in tồ bol khai geh bơta kis.”

Luka 7:47

Behơ̆ gen, Añ đơs mơ mê, tồi glài khai gơs oă kung geh toh jơh, bơh khai kòñ gơboh oă; mơya cau geh toh dô êt, gen kòñ gơboh dô êt.”

Mathiơ 18:10

“Kơrhia tĕ, bañ sền òsơp di dô nă tòm ală cau dềt do, bơh Añ đơs mơ bol mê, hơđang trồ ală cau gơnrơh bol khai dê gŏ sùm mat Bèp Añ ơm hơđang trồ. [

Philemôn 1:15

Digơlan bơh bơta do tàng khai neh ơm ngài ing mơ bi nàng bi in dòp rò khai ơm sùm sùm,

Broă 5:19

Mơya tòm mang hơ̆ gơs dô nă cau gơnrơh Yàng dê pò mpồng hìu jàm tơlik ală cau gơnoar bơto dờng mơ nting lah:

Mathiơ 10:32

Cau lơi yal tơlik Añ di đap cau, gen Añ kung rơp yal tơlik khai di đap Bèp Añ ơm hơđang trồ.

Luka 12:8

Añ kung đơs mơ bol mê, dilah cau lơi yal tơlik Añ di đap cau, gen Kòn mơnus kung rơp yal tơlik khai di đap cau gơnrơh Yàng Tom Trồ dê sơl;

Luka 12:9

ai cau lơi pơndang sang Añ di đap cau, gen kung rơp kòl pơndang sang di đap cau gơnrơh Yàng Tom Trồ dê.

Luka 15:9

Dơ̆ khai neh jòi bàn rau, gen khai hòi ală oh mi bơyô mơ cau gơp ƀòn tus mơ đơs lah: ‘Hòn chò tĕ bal mơ añ, bơh añ neh jòi bàn pet priă neh roh.’

Luka 15:11

Yàng Jesu đơs tai lah: “Gơs dô nă cau ne gơs bàr nă kòn klau.