Luka 14:11 - Sră Goh 2018

¹¹ Bơh cau lơi yò tơngguh is să he gen rơp gơtơmù, ai cau lơi tơnliah is să he gen rơp geh yò tơngguh.”

Luka 14:11 Referans Kwoze

Luka 18:14

Añ đơs mơ bol mê, cau dar dia rê hơ hìu he geh kòp la song ring, ò di cau Pharisi ò; bơh cau lơi yò tơngguh is să he gen rơp gơtơmù, ai cau lơi tơnliah is să he gen rơp geh yò tơngguh.”

Mathiơ 23:12

Dilah cau lơi yò tơngguh is să he gen rơp gơtơmù, ai cau tơnliah is să he gen rơp geh yò tơngguh.”

Jơnau Pơnđik 29:23

Bơta pơnhừ să cau dê rơp tơmù cau; mơya cau lơi gơs nùs pìn pơndêt să rơp geh jòng ro.

Jakơ 4:6

Mơya Kơnràñ ai bol he in bơta nđàc oă rlau tai. Behơ̆ tàng Sră Goh cih lah: “Yàng Tom Trồ tòmdră mơ cau pơnhừ să, mơya ai bơta nđàc cau tơnliah să in.”

I Pier 5:5

Kung behơ̆ sơl, ơ ală cau kơnòm să, dòn duh tĕ ală cau kwang kra. Jơh tơl nă pal soh tĕ bơta pơndêt să gơwèt bal mơ gơp, bơh Yàng Tom Trồ sòdră di cau pơnhừ să, mơya ai bơta nđàc cau pơndêt să in.

Jơnau Pơnđik 18:12

Bơta jòng să lòt lài mơ bơta roh gơprah; Mơya bơta pìn pơndêt să lòt lài mơ bơta màng ryŭ.

Jakơ 4:10

Tơnliah tĕ să he di đap Yàng, gen Kơnràñ rơp yò tơngguh oh mi.

Đơs Crih 138:6

Bulah Yàng Jehôwa ơm hơđang jòng, Mơya kung wèt sền ală cau ò diă ò diơng; Ai cau pơnhừ să gen Kơnràñ đal git bol khai bơh ngài.

Esai 2:17

Bơta pơnhừ să kòn mơnus dê rơp kong tơmù, mơ bơta jòng să ală cau dê rơp kong tơnliah; lòi mìng Yàng Jehôwa lơm rơp geh yò tơngguh tòm ngai hơ̆.

Đơs Crih 18:27

Bơh Yàng dong tă làng bol pơndêt să, Mơya tơmù mat cau pơnhừ să.

Esai 2:11

Gar mat pơnhừ să làng bol dê rơp kong tơnliah, mơ bơta jòng să kòp nă cau dê rơp kòl tơmù; mìng Yàng Jehôwa rơp geh yò tơngguh hơđang, tòm ngai hơ̆.

Jơnau Pơnđik 15:33

Bơta duh rngòt Yàng Jehôwa bơto sồr bơta jak chài; Mơ bơta pơndêt să lòt lài mơ bơta ki ngàm.

Sră Jop 22:29

Tòm tŭ kong cau ndai lơh ƀàssìl, mơ ồng đơs lah: ‘Hơ̆ la bơta pơnhừ să!’ Gen Kơnràñ rơp dong klàs cau pơndêt să.

I Samuel 15:17

Samuel đơs lah: “Bulah neh gơs dô tŭ mê kơlôi să tòm mê la dềt rhền, ò di mê neh gơlik gơs bồ ală jơi bơtiàn Israel ò ơ? Yàng Jehôwa neh bong mơñà mê in nàng gơs bơtau Israel dê.

Luka 1:51

Kơnràñ neh ai tê Kơnràñ mơ lơh gơs bơta pràn kơldang, lơh gơprah gơpring cau gơs nùs kơlôi pơnhừ să,

Esai 57:15

Bơh Bơtau hơđang jòng rlau jơh, la Bơtau ơm tòm tiah gam sùm sùm, Sơnđan Kơnràñ la Bơtau Sàng Goh, đơs be do: “Añ ơm tòm dô bă tiah jơnhoa mơ sàng goh, mơya kung ơm mơ cau gơs nùs jê sồt gơjrañ sang glài mơ pơndêt să, nàng lơh pa wơl hwềng nùs cau pơndêt să, mơ lơh pa wơl nùs cau gơjrañ sang glài.

II Samuel 22:28

Kơnràñ dong tă cau pơndêt să; mơya mat Yàng sền đal ală cau pơnhừ să nàng tơmù bol khai.

Jơnau Pơnđik 25:27

Sa dà lơwe oă ò niam; mơ kư̆ jòi jat bơta gơklŏ he in, kung ò niam.

Luka 1:52

Tă tơlik cau gơnoar pràn bơh di sơbàn, Yò tơngguh cau ò diă ò diơng,

Luka 14:12

Kơnràñ kung đơs mơ cau tòmjà Kơnràñ lah: “Tòm tŭ mê yò sa ngai hala sa mho, bañ jà ală oh mi bơyô, oh mi tòm, jơi bơtiàn mơ cau gơp ƀòn pas gơs, rngòt bol khai kung jà mê sào nàng tơm wơl mòn.

Jakơ 1:9

Oh mi lơi ơm tòm sèng cau dềt rhền, gen jòng să tĕ bơh bơta he geh yò tơngguh;

I Pier 5:6

Behơ̆ gen tơnliah tĕ să he hơđơm tê gơnap gơnoar Yàng Tom Trồ dê, nàng di di tơngai Kơnràñ rơp yò tơngguh oh mi.

Este 6:10

Gen cau bơtau ai jơnau sồr Haman lah: “Lòt tĕ mo, cèng ào jrùh mơ ơseh mơ lơh tòm toh jat be mê neh đơs hơ̆ Mordike in la cau Juda ơm nggui di mpồng gơlang bơtau dê. Bañ sang lòi bơta lơi mơ mê neh đơs hơ̆.”