Luka 11:32 - Sră Goh 2018

³² Tòm ngai cahrña, cau Ninibe rơp ñă ntào mơ cau rài do mơ lơh nền glài bol khai, bơh cau Ninibe neh gơjrañ sang glài tòm tŭ Jôna bơto yal, mơ do gơs dô nă cau dờng rlau mơ Jôna!”

Luka 11:32 Referans Kwoze

Hebrơ 7:26

Yàng Jesu la cau gơnoar dờng lam bồ ơn phan duh khoai bol he pal càng; Kơnràñ la sàng goh, ò gơs tiah geh lah pơrhơng, ò ƀơ̆ wàm, cah is bơh ală cau glài, geh yò tơngguh rlau mơ ală tap trồ.

Luka 11:31

Tòm ngai cahrña, bơtau ùr đah đơm rơp ñă ntào mơ cau rài do mơ lơh nền glài bol khai, bơh mò lòt tus bơh kơndòl plai ù nàng iat bơta jak chài Salômôn dê, mơ do gơs dô nă cau dờng rlau mơ Salômôn!

Jôna 4:9

Mơya Yàng Tom Trồ đơs mơ Jôna lah: “Mê gơhào gơjrañ tài bơh che rpung brê do di sơl?” Khai ho lah: “Ngan, Añ gơjrañ jơl chơt kung di sơl.”

Jôna 3:5

Làng bol Ninibe dòn Yàng Tom Trồ; bol khai yal tơnggit dô bơta ơt sa, mơ soh ƀào sơnò kiat, mơ jơh kòp nă cau, cau dờng mơ cau dềt.

Jôna 3:4

Jôna sơntòm mut tòm ƀòn dờng, dô ngai lòt gùng. Khai hòi driau lah: “Tòm poan jơt ngai tai gen Ninibe rơp kong tơrlơm lề.”

Mathiơ 12:39

Kơnràñ ho lah: “Jơi bơtiàn iơh bơsak rềs àr bơrnàn do dan dô nơm tềl krơi, mơya rơp ò ai bol khai in tềl krơi lơi rlau mơ tềl krơi cau gơnoar hwơr Jôna dê.

Mathiơ 12:41

Tòm ngai cahrña, cau Ninibe rơp ñă ntào mơ jơi bơtiàn do mơ lơh nền glài bol khai, bơh cau Ninibe neh gơjrañ sang glài tòm tŭ Jôna bơto yal, mơ do gơs dô nă Cau dờng rlau mơ Jôna!