Luka 1:69 - Sră Goh 2018

⁶⁹ Bơtào tơngguh dô nơm ngke dong klàs bol he in tòm hìu Dabit la cau dĭ gơna Kơnràñ dê,

Luka 1:69 Referans Kwoze

Đơs Crih 18:2

Yàng Jehôwa la pơnai lŭ añ jê, tiah kìng crŭ añ jê, Bơtau dong tă añ, Yàng Tom Trồ añ, tòm Kơnràñ añ rơp kìng crŭ să añ, la bơta pràn kơldang añ. Kơnràñ kung la khèl añ jê, la gơnoar pràn bơta dong klàs añ jê, mơ la tiah kìng crŭ kơ̆ cê añ jê.

Ejekiel 29:21

Tòm ngai hơ̆, Añ rơp lơh hòn dô nơm ngke bơh hìu Israel, mơ Añ rơp pò lơmpiat mê digùl bol khai. Gen bol khai rơp git Añ la Yàng Jehôwa.”

II Samuel 22:3

Yàng Tom Trồ añ jê, pơnai lŭ añ jê, tòm Kơnràñ añ kìng crŭ să añ, Kơnràñ la khèl đo añ jê mơ la ngke bơta dong klàs añ jê. Kơnràñ la theng kơ̆ nền añ jê, la tiah añ kìng crŭ, la bơtau dong klàs añ; Kơnràñ dong añ klàs bơh di ală cau jàñ bơsak.

I Samuel 2:10

Ală cau tòmdră di Yàng Jehôwa rơp kong lề lac; bơh đang trồ Kơnràñ rơp tơndùh ntơr kơnàs hơđang bol khai. Yàng Jehôwa rơp cahrña ală tiah lồi dut plai ù dê; Kơnràñ rơp ai bơta pràn kơldang cau bơtau Kơnràñ in, mơ yò tơngguh gơnoar cau geh bong mơñà Kơnràñ dê.”

Đơs Crih 89:17

Bơh Yàng la bơta gơklŏ bơta pràn kơldang bol khai dê; Kơnòm di bơta nđàc Yàng dê, mơ gơnoar pràn bol hi dê geh yò tơngguh.

I Samuel 2:1

Gen Anne hòi dan mơ đơs lah: “Nùs añ hừh hơh tòm Yàng Jehôwa; bơta pràn kơldang añ jê geh yò tơngguh tòm Yàng Tom Trồ añ jê. Bơr añ dơñŏ tơnhial di ală cau sò tơm añ jê, bơh añ hòn chò tòm bơta pha lin añ jê.

Jơnau Niam Jat Mak 11:10

Lơngai lơgar rơp tus, la lơgar Bơtau Dabit, ồng pàng bol he dê! Hôsana jòng ro Yàng Tom Trồ!”

Yal Tơlik 22:16

“Añ la Jesu neh sồr cau gơnrơh añ jê lòt tus hơ bol mê nàng cèng jơnau lơh cơng do ală Hìu Jum Goh in sơl. Añ la tòm ryas mơ la kòn sau Dabit dê, la sơmañ bìng gơcrà àng drim.”

Amôs 9:11

“Tòm ngai hơ̆, Añ rơp bơtào wơl sàl Dabit neh gơtơrlơm, Añ rơp rcang wơl ală tiah neh tơrlah gơ dê, bơt wơl bơta tơnroh lề lac gơ dê, mơ bơtào wơl kung be gơ neh gơs lài òr;

Mathiơ 1:1

Sơnđan ală ồng pàng Yàng Jesu Krist dê, kòn sau Dabit, kòn sau Abraham dê.

Đơs Crih 89:3

Kơnràñ neh đơs lah: “Añ neh bơtào bơta ho bal mơ cau geh sac rwah Añ jê, Añ neh srat să tòmho mơ Dabit la cau duh broă Añ jê mơ lah:

I Ală Bơtau 11:13

Mơya Añ rơp ò tă jơh lơgar; Añ rơp ai dô jơi bơtiàn kòn klau mê in, tài bơh Dabit cau dĭ gơna Añ mơ tài bơh Jerusalem mơ Añ neh sac rwah.”

II Samuel 7:26

Tồ sơnđan Yàng geh jòng ro gam sùm sùm, tòm jơnau cau đơs lah: ‘Yàng Jehôwa Bơtau Hơđang Rlau Jơh la Yàng Tom Trồ hơđang Israel!’ Mơ hìu cau duh broă Yàng dê la Dabit rơp geh bơtào kơ̆ di đap Yàng!

Jeremi 30:9

Mơya bol khai rơp duh broă Jehôwa Yàng Tom Trồ bol khai dê, Mơ Dabit bơtau bol khai dê, Mơ Añ rơp tơngguh bol khai in.’