Luka 1:6 - Sră Goh 2018

⁶ Bàr nă bol khai la song ring di đap Yàng Tom Trồ, lơh jat ală bơta sồr lam mơ jơnau gơnoar sồr Yàng dê ò gơs tiah geh lah pơrhơng.

Luka 1:6 Referans Kwoze

Sơnròp Gơlik Gơs 7:1

Yàng Jehôwa đơs mơ Nôe lah: “Mê mơ jơh hìu nhă mê mut tĕ tòm ơhò, bơh tòm rài do Añ gŏ mê la song ring di đap Añ.

Sơnròp Gơlik Gơs 17:1

Tòm tŭ Abram neh tơl sin jơt sin nam, gen Yàng Jehôwa tơlik mat mơ khai mơ đơs lah: “Añ la Yàng Tom Trồ Gơnap Gơnoar Làm Jơh, mê lòt tĕ di đap Añ mơ lơh gơs dô nă cau wil tơl.

Philip 2:15

tồ ală oh mi in ò gơs tiah geh lah pơrhơng mơya song ngan, lơh gơs kòn sau Yàng Tom Trồ dê ò sồt rmàñ ơm digùl jơi bơtiàn rkwet rkwe mơ jak tòmdră, digùl bol khai oh mi pal sòl pơnđàng kung be ală sơmañ àng tòm dunnia,

Broă 24:16

Behơ̆ tàng añ kư̆ jơh nùs rcang sùm, nùs tồr sàng goh di đap Yàng Tom Trồ mơ di đap cau sơl.

I Ală Bơtau 9:4

Ai mê, dilah mê rơp lòt di đap Añ, be Dabit, bèp mê neh lòt, ai nùs song ngan mơ song ring lơh jat jơh ală bơta Añ neh nting sồr mê, mơ prap gàr ală bơta boh lam mơ gơnoar sồr Añ jê,

I Tesalônika 3:13

tồ Kơnràñ lơh nùs oh mi in gơs kơ̆ nền tòm bơta sàng goh, ò gơs tiah geh lah pơrhơng di đap Yàng Tom Trồ la Bèp bol he dê, tòm tŭ Yàng Jesu la Yàng bol he dê tus wơl bal mơ jơh ală cau sàng goh Kơnràñ dê.

Sră Jop 1:1

Tòm lơgar Us, gơs dô nă cau sơnđan la Jop. Cau hơ̆ la wil tơl mơ song ring, duh rngòt di Yàng Tom Trồ mơ pleh ngài di bơta iơh bơsak.

I Jang 2:3

Dilah bol he prap gàr ală bơta sồr lam Kơnràñ dê, gen bơh hơ̆ bol he git nền lah bol he dòp git Kơnràñ.

II Pier 3:14

Behơ̆ gen, ơ ală cau kòñ gơboh, bơh ală oh mi kơp gơn ală ngai hơ̆, gen ngac ngar tĕ nàng tòm tŭ ơm di đap mat Yàng, gen oh mi geh bơta lơngap lơngai, ò gơs tềl ƀơ̆, ò gơs tiah geh lah pơrhơng.

Sră Jop 1:8

Yàng Jehôwa lùp Satan tai lah: “Mbe mê sền gŏ Jop la cau duh broă añ jê taih? Hơđang plai ù ò gơs dô nă cau lơi be khai, wil tơl mơ song ring, duh rngòt di Yàng Tom Trồ, mơ pleh ngài di bơta iơh bơsak.”

I Jang 3:7

Ơ ală kòn sau añ jê, bañ lòi cau lơi pơrlồm bol mê: Cau lơi lơh bơta song ring la song ring be Yàng la song ring.

I Jang 2:29

Dilah bol mê git Yàng Jesu Krist la song ring, gen bol mê git nền lah kòp nă cau lơi lơh jat bơta song ring, hơ̆ la kòn Yàng Tom Trồ.

Kôlôse 1:22

Mơya tŭ do Yàng Tom Trồ neh kơnòm di bơta chơt să jan poac să Kơnràñ dê, mơ lơh oh mi in gơs gơtòmsòr wơl, nàng tơlik mat oh mi di đap Kơnràñ dô bă sàng goh, ò sồt rmàñ, ò gơs tiah geh lah pơrhơng.

II Kôrintô 1:12

Bơh bơta hừh nùs bol hi dê la be do: Nùs tồr bol hi lơh cơng lah bol hi ai bơta sàng goh mơ bơta song ngan Yàng Tom Trồ dê mơ lơh lòt tòm dunnia do, sơnròp ngan la gơwèt mơ oh mi, ò kơnòm di bơta jak chài jat poac să dê, mơya kơnòm di bơta nđàc Yàng Tom Trồ dê.

I Kôrintô 11:2

Añ jòng ro oh mi tài bơh oh mi kah añ sùm tòm jơh ală bơta mơ prap gàr ală jơnau añ neh bơto sồr oh mi.

Broă 23:1

Pol sền di Mpồl Kwang Tơrña mơ đơs lah: “Ơ ală oh mi, di đap Yàng Tom Trồ añ neh kis bơh nùs tồr niam mơ song ngan jơl tus di ngai do.”

Đơs Crih 119:6

Gen añ rơp ò gơkòl ƀàssìl, Bơh añ sền song di ală bơta sồr lam Kơnràñ dê.

Sră Jop 9:2

“Di ngan, añ git lah ngan behơ̆; Mơya mbe rgơi dô nă kòn mơnus geh song ring di đap Yàng Tom Trồ taih?

II Ală Bơtau 20:3

“Ơ Yàng Jehôwa! Tŭ do añ rac dan mơ Kơnràñ, kah tĕ lah mbe lơi añ neh jơh nùs lòt di đap Yàng tòm bơta dòn song di đap Yàng, mơ neh lơh bơta niam di đap Yàng.” Ejekia ñìm rac sràt bơtang ngan.

Sơnròp Gơlik Gơs 6:9

Do la jơi bơtiàn Nôe dê. Nôe tòm rài khai la dô nă cau song ring mơ wil tơl ngan, mơ khai lòt bal mơ Yàng Tom Trồ.

Luka 16:15

Kơnràñ đơs mơ bol khai lah: “Bol mê kòp is să he la song ring di đap ală cau, mơya Yàng Tom Trồ git nùs bol mê; bơh bơta lơi la ryŭ ryơm digùl kòn mơnus la ngkòr ngkàc di đap Yàng Tom Trồ.

Yal Wơl 5:33

Lòt tĕ tòm jơh ală gùng dà mơ Jehôwa Yàng Tom Trồ bol mê dê neh sồr bol mê tồ bol mê in geh kis, geh bơtoah bơtoài mơ geh ơm jŏ jòng tòm lơgar mơ bol mê rơp dòp geh.”

I Ală Bơtau 15:5

Tài bơh Dabit neh lơh bơta niam di đap Yàng Jehôwa, ò pơrlac đah lơi bơh ală bơta Kơnràñ neh nting sồr khai, mìng tòm broă Uria, cau Hetit lơm.

Luka 1:7

Bol khai ò gơs kòn, bơh Elisabet kơnền, mơ bàr nă neh jòng sơnam.

Luka 2:25

Mơ tai, tòm Jerusalem gơs dô nă cau klau sơnđan la Simeôn, la cau song ring mơ duh rngòt, kơp gơn bơta pơndòm pơniang Israel dê, mơ Yàng Hwềng Goh ơm hơđang khai.

Broă 2:25

Bơh Dabit neh đơs bơh Kơnràñ lah: ‘Añ òs gŏ Yàng sùm di đap añ, Bơh Kơnràñ ơm đah ma añ, tồ añ in ò wañ lơnggơh dô êt lơi.

Broă 8:21

Mê ò gơs pơnah lơi hala tòmpà bal tòm broă do, tài bơh nùs mê ò song di đap Yàng Tom Trồ.

Rôma 8:4

tồ bơta song ring bơta boh lam dê lơh gơs wil tơl tòm bol he, la cau ò lòt jat poac să, mơya lòt jat Yàng Hwềng.

II Yal Yau 17:4

Khai jòi jat Yàng Tom Trồ bèp khai dê, lòt jat ală gơnoar sồr Yàng Tom Trồ dê, mơ ò jat ală gùng dà Israel dê.