Lebi 6:25 - Sră Goh 2018

²⁵ “Đơs tĕ mơ Arôn mơ ală kòn klau khai dê: Do la ală sơnoa rnoas bơh phan ơn tơwài glài: Phan ơn tơwài glài pal hàl tơnchơt di đap Yàng Jehôwa di tiah phan ơn chu pơrguc kong hàl tơnchơt; gơ la phan ơn sàng goh rlau jơh.

Lebi 6:25 Referans Kwoze

Lebi 4:24

Khai pal ơn tê khai dê hơđang bồ be dam mơ tơnchơt gơ di tiah lơh poac phan ơn chu pơrguc di đap Yàng Jehôwa. Hơ̆ la phan ơn tơwài glài.

Lebi 1:11

Khai pal tơnchơt gơ di đah đang cơnòng duh khoai di đap Yàng Jehôwa, mơ ală kòn klau Arôn dê la ală cau gơnoar ơn phan duh khoai rơp rsìh mhàm gơ di jơh ală gah cơnòng duh khoai dê,

Lebi 4:29

Khai pal ơn tê khai dê hơđang bồ phan ơn tơwài glài mơ tơnchơt gơ di tiah lơh poac phan ơn chu pơrguc.

Lebi 1:5

Khai pal tơnchơt kơnrồ dam hơ̆ di đap Yàng Jehôwa, lồc behơ̆ ală kòn klau Arôn dê la ală cau gơnoar ơn phan duh khoai ai mhàm mơ rsìh gơ di jơh ală gah cơnòng duh khoai di tiah mut lik Sàl Tòm Mat dê.

Lebi 1:3

Dilah phan ơn duh khoai la dô nơm phan ơn duh khoai chu pơrguc bơh di mpồl kơnrồ, khai pal ơn dô nơm kơnrồ dam ò gơs tềl sồt rmàñ; khai pal cèng gơ tus di mpồng mut tòm Sàl Tòm Mat nàng geh dòp di đap Yàng Jehôwa.

Lebi 6:17

Ò di buh gơ bal mơ kañ; Añ neh ai bol khai in gơs pơnah tòm ală phan ơn chu tòm ồs ơn Añ in. Kung be phan ơn tơwài glài mơ phan ơn tơwài glài gơtup tìs, gơ la sàng goh rlau jơh.

Lebi 21:22

Khai rgơi sa phan sa sàng goh rlau jơh Yàng Tom Trồ khai dê, kung rgơi sa phan sa sàng goh;

Lebi 6:24

Yàng Jehôwa đơs mơ Môise lah:

Lebi 6:29

Cau klau lơi tòm hìu nhă cau gơnoar ơn phan duh khoai rgơi sa gơ, hơ̆ la phan sàng goh rlau jơh.

Lebi 7:7

Bơta boh lam do pal lơh jat gơwèt hơ phan ơn tơwài glài kung be glài gơtup gơtơl: Ală phan ơn gơrê bal mơ cau gơnoar ơn phan duh khoai neh ngui nàng lơh gơs bơta tơwài glài.

Ejekiel 42:13

Gen cau hơ̆ đơs mơ añ; “Ală ơdŭ đah đang mơ đah đơm di đap ƀlàng hìu duh khoai dê la ală ơdŭ sàng goh, la tiah ală cau gơnoar ơn phan duh khoai tus rềp hơ Yàng Jehôwa rơp sa ală phan ơn duh khoai sàng goh rlau jơh. Tềng hơ̆ bol khai rơp ơn ală phan ơn duh khoai sàng goh rlau jơh, hơ̆ la ală phan ơn duh khoai mơ kòi mbo, ală phan ơn duh khoai tơwài glài bơta gơtup tìs mơ ală phan ơn duh khoai tơwài glài, bơh tiah hơ̆ la tiah sàng goh.