Lebi 5:15 - Sră Goh 2018

¹⁵ “Tòm tŭ gơs dô nă cau gơtup tìs tòm bơta sồr lam Yàng Jehôwa dê gơwèt hơ ală phan goh, gen tài bơh bơta lơh glài khai dê khai pal cèng tus hơ Yàng Jehôwa dô nơm belàt dam bơh di mpồl belàt khai dê, ò tềl sồt mơ kas màng di pal mơ khà priă lơh nền jat be sieklơ Tiah Sàng Goh dê. Hơ̆ la dô nơm phan ơn tơwài glài gơtup tìs.

Lebi 5:15 Referans Kwoze

Lik Ejiptơ 30:13

Kòp nă cau neh mut tòm mpồl cau neh geh kòp rau gen pal ơn nggùl sieklơ, jat sieklơ tiah sàng goh dê, kơnjơ̆ bàr jơt gera. Nggùl sieklơ do, la phan ơn Yàng Jehôwa in.

Lebi 4:2

“Đơs tĕ mơ làng bol Israel lah: Tòm tŭ gơs cau lơi gơtup tìs tòm tồi glài mơ lơh bơta neh bơkơ̆u tòm ală bơta sồr lam Yàng Jehôwa dê.

Ejra 10:19

(Jơh tơl nă bol khai pò tê srat să ho nền la rơp bơtrơh ală bau ùr bol khai dê, mơ bơh tồi glài bol khai dê gen kòp nă ơn dô nơm be dam kup bơh mpồl lơh gơs phan ơn tơwài glài.)

Lebi 7:6

Jơh cau klau tòm hìu nhă cau gơnoar ơn phan duh khoai rgơi sa gơ, mơya pal sa tòm dô bă tiah sàng goh, hơ̆ la phan sàng goh rlau jơh.

Lebi 7:1

Do la ală sơnoa rnoas bơh phan ơn tơwài glài gơtup tìs, la dô nơm phan ơn sàng goh rlau jơh.

Lebi 6:6

Mơ khai pal cèng tus hơ cau gơnoar ơn phan duh khoai, be la phan ơn tơwài glài khai dê nàng ơn Yàng Jehôwa in, dô nơm belàt dam ò sồt rmàñ bơh di mpồl belàt khai dê, mơ kas màng di pal.

Yal Wơl 12:26

Mơya ai tĕ ală phan neh ơn is sàng goh bol mê dê mơ phan lơi bol mê neh ho ơn Yàng in, mơ lòt tus hơ tiah mơ Yàng Jehôwa rơp sac rwah.

Khà Làng Bol 5:8

Mơya dilah cau hơ̆ ò gam gơs gơp bơtiàn rềp mơ khai nàng dòp phan cau tơm bơh bơta tìs hơ̆, gen phan tơm wơl hơ̆ gơrê bal mơ Yàng Jehôwa, mơ pal ai phan hơ̆ cau gơnoar ơn phan duh khoai in, bal mơ belàt dam ngui lơh gơs phan ơn tơwài glài khai in.

Lebi 5:18

Khai pal cèng tus hơ cau gơnoar ơn phan duh khoai dô nơm phan ơn tơwài bơta tồi glài gơtup tìs la dô nơm belàt dam bơh di mpồl belàt khai dê, ò tềl sồt mơ kas màng di pal. Jat bơta neh lơh nền gen cau gơnoar ơn phan duh khoai rơp lơh gơs bơta tơwài glài khai in bơh bơta tìs mơ khai neh gơtup tìs, mơ khai rơp geh toh glài.

Lebi 5:16

Khai pal tơm wơl bơta khai neh ò lơh tơl gơwèt hơ ală phan sàng goh, bơtơl tai dô pơnah pram bơta kas màng gơ dê mơ ai jơh cau gơnoar ơn phan duh khoai in, mơ cau gơnoar ơn phan duh khoai ngui belàt dam hơ̆ lơh gơs phan ơn tơwài glài nàng tơwài glài cau hơ̆ in bơh tồi glài mơ khai neh tìs, mơ khai rơp geh toh glài.

Lebi 5:14

Yàng Jehôwa đơs mơ Môise lah:

Khà Làng Bol 5:5

Yàng Jehôwa đơs mơ Môise:

Khà Làng Bol 15:24

mơ dilah bơta neh lơh hơ̆ la ò di bơh nùs kòñ lơh, la bơta mơ mpồl jơnum làng bol ò git lài, gen jơh dô mpồl jơnum làng bol dê pal ơn dô nơm kơnrồ dam gam dềt lơh gơs phan ơn chu pơrguc gơs ƀô bơlhu niam nùs Yàng Jehôwa, bal mơ phan ơn mơ kòi mbo be neh cih mơ phan ơn pơdơng, mơ dô nơm be dam lơh gơs phan ơn tơwài glài.

I Samuel 6:3

Bol khai ho lah: “Dilah bol mê kòñ pơyoa wơl Đài Yàng Tom Trồ Israel dê, gen bañ mìng pơyoa dô nơm gơ lơm, mơya pal jòi gùng nàng pơyoa Kơnràñ in dô nơm phan ơn duh khoai bơh tồi glài. Gen bol mê rơp geh bòi, mơ bol mê rơp git ñchi bơh tài Kơnràñ òhềt lòi tê bơh di bol mê.”

II Ală Bơtau 12:16

Jền priă bơh phan ơn tơwài bơta gơtup tìs, mơ jền priă bơh phan ơn tơwài glài, ò cèng tơmut tòm hìu duh khoai Yàng Jehôwa; gơ gơrê mơ ală cau gơnoar ơn phan duh khoai.

Lebi 1:3

Dilah phan ơn duh khoai la dô nơm phan ơn duh khoai chu pơrguc bơh di mpồl kơnrồ, khai pal ơn dô nơm kơnrồ dam ò gơs tềl sồt rmàñ; khai pal cèng gơ tus di mpồng mut tòm Sàl Tòm Mat nàng geh dòp di đap Yàng Jehôwa.

Lebi 1:10

Dilah phan ơn duh khoai la dô nơm phan ơn chu pơrguc bơh di mpồl belàt, la belàt hala ală be, gen khai pal ơn dô nơm belàt hala be dam ò gơs tềl sồt rmàñ.

Lebi 14:12

Gen cau gơnoar ơn phan duh khoai pal ai dô nơm tòm bàr nơm belàt kòn mơ ơn gơlơh gơs phan ơn tơwài glài, bal mơ dô pơnah pe lit mơñà; khai pal tơyài ală phan hơ̆ di đap Yàng Jehôwa lơh gơs dô nơm phan ơn tơyài.

Lebi 27:3

Lơh nền tĕ ntum khà priă dô nă cau klau digùl bàr jơt nam mơ prau jơt nam la pram jơt sieklơ priă jat sieklơ Tiah Sàng Goh dê;

Ejekiel 40:39

Tòm ƀlàng rơng gùng mpồng pơnggàr dê gơs bàr nơm cơnòng ơn phan tòm kòp đah, hơđang hơ̆ cau sreh tơnchơt ală phan ơn duh khoai chu pơrguc, ală phan ơn duh khoai tơwài glài bơta gơtup tìs mơ ală phan ơn duh khoai tơwài glài.