Lebi 4:21 - Sră Goh 2018

²¹ Lồc behơ̆, khai rơp cèng kơnrồ dam hơ đah bơdìh tiah sàl ơm mơ chu gơtòm ồs kung be khai neh chu kơnrồ ne. Hơ̆ la phan ơn tơwài glài mpồl làng bol dê.

Lebi 4:21 Referans Kwoze

Lebi 16:15

Lồc behơ̆, khai pal hàl tơnchơt be dam lòi ơn lơh gơs phan ơn tơwài glài làng bol in mơ cèng mhàm gơ dê tus đah dơlam bài kơrnìng mơ lơh kung be khai neh lơh mơ mhàm kơnrồ dam: Khai pal rsìh gơ hơđang bơnap bơta nđàc mơ di đap bơnap hơ̆ tai.

II Kôrintô 5:21

Yàng Tom Trồ neh lơh Bơtau ò git tồi glài gơlik gơs tồi glài bơh bol he, tồ ơm tòm Kơnràñ bol he geh gơlik gơs bơta song ring Yàng Tom Trồ dê.

Mathiơ 20:28

Kung be Kòn Mơnus neh tus ò di nàng cau duh broă Khai in, mơya nàng duh broă cau in, mơ phi bơta kis Khai lơh gơs phan tơwài oă cau.”

Ejra 8:35

Tŭ hơ̆ ală cau neh rê wơl bơh di tiah kong kup cèng ơn phan ơn chu pơrguc Yàng Tom Trồ Israel in: Jơt bàr nơm kơnrồ dam bơh jơh làng bol Israel in, sin jơt prau nơm belàt dam, poh jơt nơm belàt kòn, mơ jơt bàr nơm be dam lơh gơs phan ơn tơwài glài. Jơh ală phan ơn hơ̆ la phan ơn chu pơrguc Yàng Jehôwa in.

Lebi 16:21

Khai pal ơn bàr đah tê hơđang bồ be gam kis hơ̆ mơ yal tơlik hơđang gơ jơh ală bơta iơh bơsak mơ tòmdră cau Israel dê, hơ̆ la jơh ală bơta tồi glài bol khai dê, mơ ơn ală bơta tồi glài hơ̆ hơđang bồ be. Khai rơp sồr dô nă cau klau neh geh pồ bơtào lam behơ̆ tus hơ ƀlàng bràs.

Hebrơ 13:11

Bơh cau gơnoar dờng lam bồ ơn phan duh khoai cèng mhàm ală phan poan jơng tòm Tiah Sàng Goh Ngan nàng tơwài glài, mơ să jan bol gơ gen chu pơrguc hơ bơdìh sàl mpồl jơnum dê.

Lebi 4:13

Dilah jơh dô mpồl jơnum làng bol Israel gơtup tìs tòm tồi glài mơ lơh bơta neh bơkơ̆u tòm ală bơta sồr lam Yàng Jehôwa dê, bulah mpồl jơnum làng bol ò đal git bơta tồi glài bol khai neh tìs, gen bol khai kung neh tìs tòm tồi glài rau.

Lebi 4:20

mơ lơh di kơnrồ dam do tòm toh kung be khai neh lơh di kơnrồ lơh gơs phan ơn tơwài glài. Lơh behơ̆, gen cau gơnoar ơn phan duh khoai rơp lơh gơs bơta tơwài glài bol khai in, mơ bol khai rơp geh toh glài.

Khà Làng Bol 15:24

mơ dilah bơta neh lơh hơ̆ la ò di bơh nùs kòñ lơh, la bơta mơ mpồl jơnum làng bol ò git lài, gen jơh dô mpồl jơnum làng bol dê pal ơn dô nơm kơnrồ dam gam dềt lơh gơs phan ơn chu pơrguc gơs ƀô bơlhu niam nùs Yàng Jehôwa, bal mơ phan ơn mơ kòi mbo be neh cih mơ phan ơn pơdơng, mơ dô nơm be dam lơh gơs phan ơn tơwài glài.

Lik Ejiptơ 29:14

Mơya chu tĕ poac kơnrồ, gơltau mơ è gơ dê di đah bơdìh sàl ơm làng bol dê. Hơ̆ la dô nơm phan ơn tơwài glài.

Lebi 6:11

Lồc behơ̆ khai pal hồ ală ồi ào hơ̆ mơ soh ală ồi ào ndai, mơ cèng bùh hơ đah bơdìh sàl ơm di dô bă tiah neh ơn is sàng goh.

Lebi 6:23

Kòp nơm phan ơn mơ kòi mbo cau gơnoar ơn phan duh khoai dê pal chu pơrguc jơh; ò di sa gơ.”

Lebi 8:17

Mơya kơnrồ dam bal mơ gơltau, poac mơ è gơ dê gen khai chu jơh đah bơdìh sàl ơm jat be Yàng Jehôwa neh sồr Môise.

Lebi 16:27

Kơnrồ dam mơ be lơh gơs phan ơn tơwài glài, mhàm bol gơ neh cèng tòm Tiah Sàng Goh Ngan nàng lơh bơta tơwài glài, mhàm hơ̆ pal cèng hơ bơdìh sàl ơm; gơltau bol gơ poac mơ è gơ pal chu jơh.

Ejekiel 45:22

Tòm ngai hơ̆ cau bơtau pal rcang gơs dô nơm kơnrồ dam nàng lơh gơs phan ơn tơwài glài să tòm khai in mơ jơh làng bol tòm lơgar in.