Lebi 26:44 - Sră Goh 2018

⁴⁴ Bulah neh gơs ală bơta hơ̆, tòm tŭ bol khai ơm tòm lơgar ală cau sò tơm di bol khai, Añ rơp ò sang lòi bol khai hala cù kìr di bol khai nàng tơnroh jơh hir bol khai mơ sang lòi jơnau Añ neh ho bal mơ bol khai. Añ la Jehôwa Yàng Tom Trồ bol khai dê.

Lebi 26:44 Referans Kwoze

Rôma 11:2

Yàng Tom Trồ ò sang lòi làng bol Kơnràñ neh git lài. Oh mi git jơnau Sră Goh cih bơh Eli, mbe khai yă làng bol Israel di đap Yàng Tom Trồ mơ đơs lah:

Nehemi 9:31

Mơya tài bơh nùs nđàc sơngit dờng ngan Kơnràñ dê gen Kơnràñ neh ò tơnroh bol khai, kung ò sang bol khai sơl; tài bơh Kơnràñ la Yàng Tom Trồ kòñ nđàc mơ nđàc sơngit.

Đơs Crih 94:14

Bơh Yàng Jehôwa rơp ò sang lòi làng bol Kơnràñ dê, Kung ò sang sre brê Kơnràñ dê sơl.

II Ală Bơtau 13:23

Mơya Yàng Jehôwa kòñ nđàc di bol khai, mơ ai nùs nđàc sơngit di bol khai, tài bơh jơnau ho bal Kơnràñ dê neh bơtào mơ Abraham, Isak, mơ Jakôp. Kơnràñ ò tơnroh bol khai, ò tă sang bol khai bơh di đap Kơnràñ jơl tus di ngai do.

Rôma 11:26

behơ̆ gen jơh làng bol Israel rơp geh dong klàs, be neh cih lah: “Bơtau Dong Tă rơp tus bơh Siôn, Tă sang bơta ò duh rngòt bơh di Jakôp;”

Ejekiel 16:60

Bulah behơ̆, Añ rơp kah wơl bơta ho bal Añ neh bơtào mơ ai tòm ngai ai gam kơnòm să, mơ Añ rơp bơtào mơ ai dô bơta ho bal gam sùm sùm.

Jeremi 33:26

gen kung behơ̆, Añ rơp sang lòi jơi bơtiàn Jakôp mơ jơi bơtiàn Dabit dĭ gơna Añ jê, tian gơs Añ rơp ò sac rwah dô nă tòm ală kòn sau khai dê lơh gơs cau at bồ jơi bơtiàn Abraham, Isak, mơ Jakôp dê. Bơh Añ rơp bơtào wơl sre brê bol khai dê, mơ rơp nđàc sơngit di bol khai.’”

Jeremi 30:11

Yàng Jehôwa đơs: ‘Bơh Añ ơm bal mơ mê nàng dong tă mê. Añ rơp tơnroh jơh ală lơgar Mơ Añ neh lơh mê in nrah nring tòm hơ̆, Mơya mê gen Añ ò tơnroh jơh. Añ rơp lơh glài tơmàl mê, Mơya ò tŭ lơi lòi mê klàs bơh bơta lơh glài.’

Jeremi 14:21

Bơh sơnđan Kơnràñ dê, bañ bơtrơh tơlik bol hi, bañ sền òsơp sơbàn gơklŏ Kơnràñ dê! Dan kah wơl mơ bañ sang lòi jơnau ho bal Kơnràñ dê mơ bol hi.

Đơs Crih 89:33

Mơya Añ rơp ò tă tơlik bơta kòñ gơboh kơ̆ dơn Añ jê bơh di khai, Kung ò sang lòi jơnau ho pơgon Añ jê gơwèt mơ khai.

Lebi 26:11

Añ rơp ơn tiah ơm Añ jê digùl bol mê, mơ Añ rơp ò cù kìr di bol mê.

Ală Kwang Cahrña 2:1

Cau gơnrơh Yàng Jehôwa dê guh bơh Gilgal tus hơ Bôkim mơ đơs lah: “Añ neh tă cèng bol mê lik bơh Ejiptơ mơ lam bol mê mut tòm lơgar Añ neh ho ai ồng pàng bol mê in. Añ neh đơs ‘Añ rơp ò tŭ lơi sang lòi bơta ho bal mơ bol mê.

Sơnròp Gơlik Gơs 17:7

Añ rơp lơh bơta ho bal digùl Añ mơ mê, mơ jơi bơtiàn mê tòm ală rài bol khai dê, do la dô bơta ho bal kòp rài gam sùm sùm, tồ Añ lơh gơs Yàng Tom Trồ mê mơ jơi bơtiàn mê dê sơl.

Nehemi 9:17

bol khai ò bài dòn bơr mơ kung ò kah ală broă crih crài mơ Kơnràñ neh lơh digùl bol khai. Mơya tòm bơta pơrlơ̆ dră bol khai dê, neh sac rwah dô nă cau nàng lam bol khai rê wơl hơ tiah ơm dĭ bol khai dê. Mơya Kơnràñ la Yàng Tom Trồ rcang sir nàng toh glài, gơs bơta nđàc mơ bơta nđàc sơngit, òbat gơhào gơjrañ mơ bềng bơta kòñ gơboh. Kơnràñ neh ò sang lòi bol khai.

Đơs Crih 103:13

Yàng Jehôwa nđàc sơngit di cau duh rngòt di Kơnràñ, Ò gơkrơi be bèp nđàc sơngit di ală kòn khai dê behơ̆ sơl.

Jeremi 24:5

“Jehôwa Yàng Tom Trồ Israel dê đơs be do: ‘Kung be ală plai chi ƀal niam do, Añ kung rơp sền ală cau kup cèng gơs dĭ Juda dê, mơ Añ neh bơtrơh bơh tềng do tus tòm lơgar cau Kalde, lòi bol khai in gơs kwơ.

Jeremi 31:20

Epraim ò di la kòn klau gơboh đềt mềr Añ jê ơ? La kòn mơ Añ niam nùs ò ơ? Bulah Añ òs lah pơrhơng khai, Añ gam kah khai sùm. Gen tàng nùs Añ rngoh rngac ngan bơh khai; Nền cê ngan Añ rơp nđàc sơngit di khai,” Yàng Jehôwa đơs behơ̆.