Lebi 26:43 - Sră Goh 2018

⁴³ Bơh lơgar bol khai dê pal kong bol khai sang lòi ngềt ngơt mơ rơp geh ơm rlô lơngai tòm ală nam Saƀat gơ dê tòm tŭ gơ ơm ngềt ngơt ò gơs mat bol khai dê. Bol khai pal kong lơh glài bơh ală bơta tồi glài bol khai dê, tài bơh bol khai sang lòi ală bơta boh lam Añ jê mơ cù kìr di ală bơta lơh nền Añ jê.

Lebi 26:43 Referans Kwoze

Rôma 8:7

bơh bơta kơlôi wèt poac să dê gơtòmsò mơ Yàng Tom Trồ bơh gơ ò bài dòn duh bơta boh lam Yàng Tom Trồ dê, mơ kung ò rgơi dòn duh sơl.

Lebi 26:15

dilah bol mê sang lòi ală jơnau lơh nền Añ jê mơ cù kìr ală bơta boh lam Añ jê mơ ò lơh jat jơh ală jơnau sồr Añ jê, behơ̆ nàng bol mê rơp lơh tìs mơ bơta ho bal Añ jê,

Jang 7:7

Dunnia ò rgơi gơjrañ kơuềng di bol mê, mơya gơjrañ kơuềng di Añ, tài bơh Añ lơh cơng dunnia in git lah ală broă bol khai dê la iơh bơsak.

Sacari 11:8

Tòm dô kơnhai Añ neh tơlik pe nă cau ê. Mpồl belàt cù kìr di Añ, mơ Añ sơlo ngai sơlo ò jai kong tai bơh di bol gơ.

Amôs 5:10

Bol mê gơjrañ kơuềng dê cau lah pơrhơng di mpồng ƀòn, mơ sền òsơp di cau đơs jơnau song.

Daniel 9:14

Tài bơh hơ̆, Yàng Jehôwa neh rcang mơ đùh bơta rung rài hơđang bol hi. Ngan, Jehôwa Yàng Tom Trồ bol hi dê la song ring tòm jơh ală broă Kơnràñ lơh; bơh bol hi ò dòn bơr Kơnràñ.

Jeremi 31:19

Bơh tơnơ̆ mơ tŭ añ lòt tìs nrah, añ neh gơjrañ sang glài; Tơnơ̆ mơ tŭ añ neh git wă, añ tur di ntơh añ jê. Añ neh kong ƀàssìl ƀàsso mơ sền òsơp, Añ kong sền òsơp bơh pah rài kơnòm să añ jê.’

Esai 26:16

Ơ Yàng Jehôwa, tòm bơta bòl glar, bol khai jòi Kơnràñ. Bol khai tuh tơlik dô bơta hòi dan, tòm tŭ Kơnràñ lơh glài tơmàl bol khai.

Đơs Crih 119:75

Ơ Yàng Jehôwa, añ git bơta cahrña Kơnràñ dê la song ring, Mơ hơ̆ la bơh bơta dòn song mơ Kơnràñ lòi añ in kong tơnliah să.

Đơs Crih 119:71

Hơ̆ la niam añ in bơh añ neh pìn pơndêt să, tồ añ in rgơi bơtê jơnau sồr Yàng dê.

Đơs Crih 119:67

Lài mơ tŭ añ pơndêt să, añ neh lòt tìs nrah; mơya tŭ do añ prap gàr jơnau Kơnràñ dê.

Đơs Crih 50:17

Bơh mê gơjrañ kơuềng di bơta lơh glài tơmàl, Ală jơnau đơs Añ jê mê sang lòi đah ngkòi mê dê.

Đơs Crih 50:15

Hòi dan tĕ mơ Añ tòm ngai bòl glar; Añ rơp dong tă mê, mơ mê rơp lơh gơklŏ Añ in.”

Sră Jop 5:17

Lơngai cau lơi in geh Yàng Tom Trồ lah pơrhơng. Gen tàng bañ sền òsơp bơta lơh glài tơmàl Bơtau Gơnoar Dờng Làm Jơh dê,

II Yal Yau 33:12

Tòm bơta bòl glar kalke khai dê, khai jòi jat bơta nđàc sơngit Jehôwa Yàng Tom Trồ khai dê mơ jơh nùs tơnliah să khai di đap Yàng Tom Trồ ală ồng pàng khai dê.

Lebi 26:41

la ală bơta neh lơh Añ in sòdră di bol khai tian gơs Añ neh sang lòi bol khai tòm lơgar ală cau sò tơm di bol khai, gen tòm tŭ bol khai tơnliah nùs ò siat gơltau bol khai dê mơ kong dòp bơta lơh glài,

Lebi 26:30

Añ rơp tơnroh ală tiah jơnhoa duh khoai bol mê dê, koh sang ală cơnòng chu kơlhô bol mê dê mơ tơƀù ală ƀồc bol mê dê hơđang ală rùp ràk ò gơs bơta kis bol mê dê, mơ Añ rơp cù kìr di bol mê.

Lebi 26:11

Añ rơp ơn tiah ơm Añ jê digùl bol mê, mơ Añ rơp ò cù kìr di bol mê.

Yal Wơl 32:36

Ngan Yàng Jehôwa rơp cahrña làng bol Kơnràñ dê, mơ gơs nùs nđàc sơngit di ală cau duh broă Kơnràñ dê, tòm tŭ Kơnràñ gŏ bơta pràn kơldang bol khai dê ò gam tai, bulah cau dĭ hala cau khat gơboh kung ò gam wơl.

II Yal Yau 36:21

Nàng gơlik di ngan be jơnau Yàng Jehôwa neh kơnòm dê bơr Jeremi, jơl tus di ù geh bơtào wơl ală nam Saƀat gơ dê. Jơh ală nam neh lòi srau, ù geh prap gàr ngai Saƀat jơl tus wil tơl poh jơt sơnam.