Lebi 26:36 - Sră Goh 2018

³⁶ Ai đah pơnah ală cau sò tơm bol mê gam kis, Añ rơp lơh nùs bol khai in rngòt rngơt tòm lơgar ală cau sò tơm di bol khai, tian gơs ntas càl khồm nha chi kung lơh bol khai in ntoat dô. Bol khai rơp ntoat kung be ntoat dô bơh di đào ting jat, mơ bol khai rơp gơpừ bulah ò gơs cau ting jat bol khai.

Lebi 26:36 Referans Kwoze

Ejekiel 21:7

Mơ tòm tŭ bol khai đơs mơ mê lah: ‘Ñchi bơh tài mê rac ròc taih?’ Gen mê rơp ho lah: ‘Hơ̆ la tài bơh neh kơno jơnau yal. Kòp nơm nùs rơp lề lac, kòp nơm tê rơp lơbơn lơño, kòp nơm hwềng soàn rơp bòl glar òsô, kòp nơm gơltang rơp gơlik be dà. Ne, gơ rơp tus, mơ rơp gơlik gơs di ngan,’ Jehôwa Yàng Tom Trồ đơs behơ̆!”

Esai 30:17

Dô rbô nă ntoat dô bơh mìng dô nă đơs pơhìn; pram nă cau đơs pơhìn gen jơh tơl nă bol mê rơp ntoat dô, jơl tus di tŭ bol mê mìng gam wơl kung be dô nơm jrong bồng bi hơđang bồ mơnơm, be dô nơm bồng bi hơđang dô nơm dòr.”

Lebi 26:17

Añ rơp wèt mat Añ jê tòmdră mơ bol mê, lòi bol mê kong alah di đap ală cau sò tơm bol mê dê, ală cau gơjrañ kơuềng di bol mê rơp at bồ hơđang bol mê, mơ bol mê rơp ntoat dô bulah ò gơs cau ting jat bol mê.

Ejekiel 21:15

Gen tàng ală nùs lề lac, mơ gơs oă cau rơp gơpừ. Añ neh ơn đào sreh tơnchơt di jơh ală mpồng mut tòm ƀòn bol khai dê. Ơ hơh! Đào neh tiar gơcrà be puhlèp, gơ neh cau at nàng sreh tơnchơt.

Ejekiel 21:12

Ơ kòn mơnus, driau nggà tĕ mơ ñìm rac, bơh hơ̆ la bơta tòmdră mơ làng bol Añ jê, tòmdră mơ jơh ală cau kwang at bồ Israel dê, bol khai kòl jào phi đào in bal mơ làng bol Añ jê. Behơ̆ tàng, tur tĕ ntơh bol mê dê!

Esai 7:4

mơ đơs mơ khai lah: ‘Kơrhia tĕ, ơm mŏ mŏ mơ bañ rngòt. Bañ lòi nùs mê bòl glar tài bơh bàr gơl lòng ồs sa, tài bơh bơta gơhào gơjrañ Rejin mơ Aram dê, mơ kòn klau Remalia dê.

Esai 7:2

Tòm tŭ hìu Dabit kơno lah: “Aram neh lơh gơs dô bă bal mơ Epraim,” gen nùs Aca mơ làng bol khai dê wañ lơnggơh kung be chi tòm brê gơ ơwañ bơh càl.

Jơnau Pơnđik 28:1

Cau iơh ntoat dô bulah ò gơs cau ting jat; mơya cau song ring pràn kơldang be dô nơm klìu triă.

II Yal Yau 14:14

Bol khai tơnroh jơh ală ƀòn dềt gùt dar Gerar, bơh bơta rngòt rngơt Yàng Jehôwa dê ơm hơđang bol khai. Bol khai phà tơnroh jơh ală ƀòn dờng mơ tơnroh oă phan mơna tềng hơ̆.

I Samuel 17:24

Tòm tŭ cau Israel gŏ cau hơ̆ gen jơh tơl nă bol khai rngòt rngơt ngan mơ ntoat dô.

Jôsue 5:1

Tòm tŭ jơh ală bơtau làng bol Amôr ơm đah mattơngai mut hiòng Jordan dê, bal mơ jơh ală bơtau cau Kanaan ơm rò gah dàlềng, kơno bơh bơta Yàng Jehôwa neh lơh rañ rsơh dà hiòng Jordan di đap làng bol Israel jơl tus di tŭ bol khai neh tiă hiòng, gen ală cau bơtau hơ̆ gơdô nùs jơh, mơ hwềng nùs tòm bol khai ò gam tai, tài bơh làng bol Israel.

Yal Wơl 1:44

Ală cau Amôrit ơm tòm ală mơnơm hơ̆ lik lòt tòmlơh mơ bol mê; bol khai ting jat bol mê kung be dô mpồl lơwe mơ lơh alah bol mê tòm gùng bơh di Seir jơl tus hơ Horma.

Sơnròp Gơlik Gơs 35:5

Chòp, bol khai lòt gùng, mơ Yàng Tom Trồ tơndùh bơta rngòt rngơt hơđang ală ƀòn gùt dar tềng hơ̆, gen tàng bol khai ò ting jat ală kòn klau Jakôp dê.

Sơnròp Gơlik Gơs 4:12

Tòm tŭ mê tùc tam phan, ù ò hòn niam mê in; mê rơp dô lòt nrah nring tòm ù.”

Lebi 26:35

Tòm jơh tŭ tơngai mơ gơ ơm sang lòi srau gòi, ù tiah rơp geh tŭ tơngai ơm rlô mơ gơ neh ò gơs ală nam Saƀat mơ bol mê ơm tòm gơ.

Jôsue 7:5

Cau Ahi tơnchơt pơgap pe jơt prau nă cau tòm bol khai, mơ ting jat bol khai bơh đah bơdìh mpồng ƀòn jơl tus hơ Sebarim, mơ tơnchơt bol khai tòm tŭ mù kơh. Gen nùs làng bol lề lac kung be dà.

Sră Jop 13:25

Yàng kòñ tơrngòt dô nơm nha càl khồm pơrdô sơl ơ? Yàng rơp ting jat ngkòng rhe ro sơl ơ?

Đơs Crih 53:5

Ne, bol khai rngòt rngơt ngan, tian gơs òhềt tŭ lơi gơs behơ̆, Bơh Yàng Tom Trồ rơp rsìh ntìng cau ò duh rngòt; Bol khai rơp kong ƀàssìl, bơh Yàng Tom Trồ neh sang lòi bol khai.

Jeremi 37:10

Bulah bol mê tơnroh jơh mpồl ling Kalde dê, la cau neh tus tòmlơh mơ bol mê, tòm mpồl bol khai mìng gam wơl ală cau kong sồt rmàñ ơm wơl tòm sàl, bol khai kung bơtào wơl mơ ngui ồs chu ƀòn do.”

Jeremi 46:16

Kơnràñ lơh oă cau in gơtup jơng, mơ gơpừ, Cau do hơđang cau ne, mơ đơs bal mơ gơp lah: ‘Tus tĕ, rê wơl hơ làng bol he, Tòm lơgar bol he neh geh deh, ngài bơh pềs tà rồn bơklơn!’

Ñìm Rac 1:3

Juda kong kup cèng pơrdô kong jê sồt bòl glar lơh broă kơnjơ̆ be cau dĭ. Tŭ do khai ơm digùl ală làng bol, mơ jòi ò geh tiah ơm rlô. Ală cau ting jat kup khai cèng digùl bơta bòl glar khai dê.

Ñìm Rac 1:6

Bơta ryŭ ryơm bơh kòn ùr Siôn dê neh gơkòl cah is bơh khai. Ală kwang at bồ khai dê kung be mpồl jùn jòi ò bàn ƀlàng ñhơt, bol khai dô ò gơs pràn di đap cau ting jat.

Ñìm Rac 4:19

Ală cau ting jat bol hi sơrbac rlau mơ klàng bung hơđang trồ jòng, Ting jat bol hi hơđang ală mơnơm, kơp mòc bol hi tòm ƀlàng ngềt ngơt.

Đơs Crih 53:6

Ôih, bơta dong tă Israel dê rơp tus bơh Siôn! Tòm tŭ Yàng Tom Trồ bơtào wơl làng bol Kơnràñ dê, Gen Jakôp rơp hòn chò mơ Israel chò hòp.

Đơs Crih 89:43

Ngan Yàng neh lơh mat đào khai dê ò sồt, Mơ ò dong khai ntào jai tòm tŭ tòmlơh.

Sră Ôse 8:3

Mơya Israel neh sang tơlik bơta niam, cau sò tơm rơp ting jat bol khai.