Lebi 26:26 - Sră Goh 2018

²⁶ Tòm tŭ Añ ò tai rcang ai phan sa bol mê in, jơt nă cau ùr rơp rgơi gơm piang bal mìng hơđang dô nơm bơnhă ồs lơm, bol khai rơp kơr phan sa ai bol mê in; bol mê rơp sa mơya ò hòm.

Lebi 26:26 Referans Kwoze

Mice 6:14

Mê rơp sa mơya ò geh hòm; klung mê dê rơp gam jơgloh tòm să mê. Mê rơp prap lòi phan mơna mơya ò geh klàs, bơh phan lơi mê prap lòi gen Añ rơp jào gơ đào in.

Esai 3:1

Do, Yàng la Yàng Jehôwa Gơnap Gơnoar Dờng, Bơtau at bồ hơđang rlau jơh rơp tă tơlik bơh di Jerusalem mơ Juda bơta dong kòl mơ ală bơta dòn kơnòm: Kơnràñ rơp tă jơh ală phan sa mơ dà hùc bol khai dê.

Ejekiel 5:16

Tòm tŭ Añ pañ mê mơ ală kam bơta chơt jơgloh rung, ală kam tơnchơt mơ tơnroh Añ jê, Añ rơp pañ nàng tơnroh mê. Añ rơp bơtơl tai bơta jơgloh rung hơđang mê, mơ pơndut phan sa mê dê.

Đơs Crih 105:16

Tòm tŭ Kơnràñ tơndùh bơta jơgloh rung tòm lơgar, Mơ ò ai phan sa bol khai in,

Sră Age 1:6

Bol mê neh sih oă, mơya neh toès wơl dô êt; bol mê sa, mơya ò gơs tŭ lơi tơl; bol mê hùc, mơya ò gơs tŭ lơi bềng; bol mê soh ồi ào, mơya ò gơs tŭ lơi ram; bol mê dòp leng jền tơngai mìng prap ơn gơtòm dô nơm kơldung bluh.’

Ejekiel 14:13

“Ơ kòn mơnus, dilah dô nơm lơgar tìs glài mơ Añ tài bơh ò dòn song, mơ Añ pò tê tòmdră mơ gơ, pơndut phan sa gơ dê, dùh bơta jơgloh rung hơđang gơ, mơ tơnroh ală kòn mơnus bal mơ ală phan poan jơng,

Ejekiel 4:16

Gen Kơnràñ đơs tai mơ añ lah: “Ơ kòn mơnus, Añ rơp tă jơh ală phan ngui sa tòm Jerusalem. Làng bol rơp kơr ƀañ nàng sa tòm bơta rngòt rngơt, mơ was dà nàng hùc tòm bơta gơdô nùs,

Esai 9:20

bol khai rơp sa roh đah ma, mơya gam jơgloh; bol khai rơp sa loan đah kiau, mơya ò hòm lai. Kòp nă rơp sa poac kòn sau he dê.

Sră Ôse 4:10

Bol khai rơp sa mơya ò hòm, bol khai lơh dri tơlàr mơya ò tơnggơs bơtơl, tài bơh bol khai neh sang lòi Yàng Jehôwa, ting jat ală yàng ndai.

Ejekiel 4:10

Kơr tĕ bàr jơt sieklơ phan sa nàng sa kòp ngai mơ sa tĕ jat ală tŭ jơ neh lơh nền.

Jeremi 14:12

Bulah bol khai ơt sa, Añ rơp ò iat jơnau hòi dan bol khai dê; tŭ bol khai ơn phan ơn chu mơ phan ơn kòi mbo, Añ ò dòp bol khai sơl; mơya Añ rơp tơnroh bol khai mơ đào, jơgloh rung, mơ pluh plàng.”

Lebi 26:27

Dilah bulah neh gơlik gơs behơ̆, bol mê kư̆ gam ò iat Añ, mơ kư̆ pơnjat tòmdră mơ Añ,

II Ală Bơtau 6:25

Bơta gơrwàng ƀòn pơnjat sùm, gơs bơta jơgloh rung dờng ngan tòm Samari, tian gơs dô nơm bồ alàng tac phàm jơt sieklơ priă, mơ nggùl lit è sềm ntòp tac pram sieklơ priă.

Esai 5:10

Dô nơm suơn ño jơt lồ, mìng pat geh dô thùng tơrnòm ño; dô ôme gar sih; mìng toès geh dô epha kòi.”

Ejekiel 4:17

bơh phan sa mơ dà hùc rơp ò gam oă, bol khai rơp rngòt rơm să rmê mat bal mơ gơp, mơ siar roh tài bơh bơta lơh glài bol khai dê.”

Esai 9:19

Ù tiah rơp kong chu pơrguc bơh bơta gơjrañ dờng Yàng Jehôwa Gơnap Gơnoar Dờng dê, làng bol gơlik gơs be phan sing ồs; ò gơs cau lơi rơp nđàc pơlai oh mi he,