Lebi 26:25 - Sră Goh 2018

²⁵ Mơ Añ rơp cèng đào tus hơđang bol mê nàng sal tê bơh bơta bol mê gơltac bơta ho bal. Tòm tŭ bol mê ruc wơl tòm ală ƀòn dờng bol mê dê, Añ rơp đùh bơta kòp jê pluh plàng digùl bol mê, mơ bol mê rơp kong jào phi tòm tê ală cau sò tơm bol mê dê.

Lebi 26:25 Referans Kwoze

Khà Làng Bol 14:12

Añ rơp tơnchơt bol khai bơh pluh plàng mơ tơnroh bol khai, mơya Añ rơp lơh mê in gơlik gơs dô nơm làng bol dờng rlau mơ pràn rlau mơ bol khai.”

Ejekiel 5:17

Añ rơp cèng bơta jơgloh rung mơ sồr phan poan jơng tòm brê tus tòmdră mơ mê, bol gơ rơp tơnroh kòn sau mê dê. Kòp jê pluh plàng mơ bơta lơh gơhòr mhàm rơp gan mê; Añ rơp cèng đào hơđang bol mê. Să tòm Añ la Yàng Jehôwa neh đơs behơ̆.”

Ejekiel 33:2

“Ơ kòn mơnus, tòmbơhbơr tĕ mơ làng bol mê dê mơ đơs mơ bol khai lah: ‘Dilah Añ cèng đào tus hơđang dô nơm lơgar, mơ làng bol lơgar hơ̆ sac rwah dô nă cau tòm bol khai nàng lơh gơs cau drơng mang kơp gàr,

Ejekiel 29:8

Gen tàng Jehôwa Yàng Tom Trồ đơs be do: ‘Añ rơp cèng đào tus hơđang mê, mơ tơnroh bơh tòm mê kòn mơnus mơ phan poan jơng.

Ejekiel 20:37

Añ rơp lơh bol ê in pal ơm hơđơm gai gơnoar at bồ, mơ Añ rơp cèng tơmut bol mê tòm che bơrkoat jơnau bơta ho bal dê.

Ejekiel 14:17

Hala dilah Añ sồr đào tus hơđang lơgar, mơ đơs lah: ‘Lòi tĕ pềs đào lòt gan lơgar, mơ Añ tơnchơt ală kòn mơnus mơ ală phan poan jơng bol khai dê,’

Ejekiel 6:3

mơ lah: ‘Ơ ală mơnơm Israel dê, iat tĕ jơnau Jehôwa Yàng Tom Trồ dê. Jehôwa Yàng Tom Trồ đơs mơ ală mơnơm mơ ală dòr, ală croh, ală thòng be do: Añ, să tòm Añ rơp cèng đào tus hơ bol mê, mơ Añ rơp tơnroh ală tiah jơnhoa bol mê dê.

Jeremi 24:10

Añ rơp sồr pềs tà, jơgloh rung, pluh plàng tus hơđang bol khai, jơl tus di tŭ bol khai kong tơnroh jơh hir bơh lơgar Añ neh ai bol khai in bal mơ ồng pàng bol khai dê.’”

Yal Wơl 32:25

Tòm gùng kong tơnroh bơh đào, mơ tòm dơlam hìu gơs bơta rngòt rngơt, cau pơnu mơ cau ơruh, kòn gam pô mơ cau kra sŏ kò kung behơ̆ sơl.

Yal Wơl 28:21

Yàng Jehôwa rơp đùh ală bơta kòp jê jơl tus di tŭ Kơnràñ neh tơnroh bol mê bơh di ù tiah mơ bol mê neh mut mơ dòp geh.

Luka 21:11

rơp gơs lơnggơr ù dờng, oă tiah gơs jơgloh rung mơ pluh plàng; kung gơs ală broă rngòt cù kìr mơ tềl krơi dờng bơh trồ.

Amôs 4:10

“Añ neh sồr pluh plàng tus digùl bol mê kung be Añ neh lơh tòm Ejiptơ. Añ tơnchơt ală cau klau pơnu bol mê dê mơ đào; Añ neh kup cèng ală ơseh bol mê dê. Añ neh lơh ƀô ồm bơh tòm sàl bol mê dê gơmut tòm trồm muh bol mê dê, bulah behơ̆ bol mê kung ò rê wơl mơ Añ,” Yàng Jehôwa đơs behơ̆.

Ñìm Rac 2:21

Ală cau kơnòm să mơ cau kra bic tòm ù hơđang ală gùng. Ală ùr ơruh mơ klau pơnu añ jê neh gơpừ bơh đào. Tòm ngai gơjrañ dờng Kơnràñ dê, Kơnràñ neh tơnchơt bol khai, sreh tơnchơt ò nđàc sơngit.

Jeremi 9:16

Añ rơp rsìh bol khai digùl ală làng bol mơ bol khai mơ ồng pàng bol khai dê òhềt git; Añ rơp sồr đào ting jat, jơl tus di tŭ neh tơnroh jơh bol khai.”

Đơs Crih 94:1

Ơ Yàng Jehôwa la Yàng Tom Trồ, bơta sal tê gơrê mơ Kơnràñ, Ơ Yàng Tom Trồ, bơta sal tê gơrê mơ Kơnràñ, dan tơlik mat Kơnràñ dê.

II Samuel 24:15

Behơ̆, Yàng Jehôwa đùh bơta pluh plàng hơđang Israel bơh àng drim ngai hơ̆ jơl tus di tŭ lồi dut tơngai neh lơh nền, mơ poh jơt rbô nă cau chơt bơh Dan tus hơ Beerseba.

Yal Wơl 32:41

tòm tŭ Añ tồl mat đào àng gơcrà Añ jê mơ tê Añ at gơtòm bơta cahrña; Añ rơp sal wơl di ală cau sò tơm di Añ mơ tơm wơl di ală cau gơjrañ kơuềng di Añ.

Yal Wơl 32:35

Bơta sal tê gơrê mơ Añ, Añ rơp tơm wơl, bơh tŭ jơng bol khai rơp ntiar; tài bơh ngai rung rài bol khai dê neh tus rềp, mơ khà lơh nền rài kis bol khai dê neh tus mhar.”

Khà Làng Bol 16:49

Mơya neh gơs jơt poan rbô poh rhiang nă cau chơt bơh bơta pluh plàng hơ̆, ò kòp khà ală cau neh chơt tài bơh Kôra.

Lebi 26:6

Añ rơp ai bơta ring lơngai tòm lơgar, bol mê rơp bic mang mơ ò gơs cau lơi lơh bol mê in rngòt. Añ rơp tă tơlik ală phan brê bơh di lơgar, mơ đào rơp ò lòt gan lơgar bol mê dê.

Khà Làng Bol 31:3

Behơ̆ Môise đơs mơ làng bol lah: “Rcang tĕ phan tòmlơh ală cau klau bol mê dê nàng tòmlơh mơ ală cau Midian, nàng lơh gơlik gơs bơta sal tê Yàng Jehôwa dê hơđang bol khai.

Ală Kwang Cahrña 15:11

Gen pe rbô nă cau Juda mù tus hơ cìr rgồng lŭ Etam mơ đơs mơ Samsôn lah: “Mê ò git lah cau Philistin at bồ hơđang bol he ò ơ? Ñchi mê neh lơh bol hi in taih?” Khai ho lah: “Be bơta bol khai neh lơh di añ gen añ lơh di bol khai behơ̆ sơl.”

I Ală Bơtau 8:33

Tòm tŭ làng bol Israel Yàng dê, tài bơh tìs glài mơ Yàng, kong cau sò tơm lơh gơprah; mơya bol khai rê wơl mơ Yàng, đal git sơnđan Yàng mơ hòi dan rac dan mơ Yàng tòm hìu do,

I Ală Bơtau 8:37

Dilah tòm lơgar gơlik gơs bơta jơgloh rung, pluh plàng, ro rañ, but bơsềt ồm lề, srah nting, srah, hala gơs cau sò tơm gòm gơrwàng ală tiah ơm bol khai dê, hala gơs bơta rung rài, kòp jê lơi;

Jeremi 50:28

Iat tĕ sap đơs ală cau ntoat dô, la sap ală cau neh dô klàs bơh lơgar Babilôn, nàng yal tơlik tòm Siôn bơta sal tê Yàng Jehôwa Yàng Tom Trồ bol he dê, sal tê bơh hìu duh khoai Kơnràñ dê.

Jeremi 51:11

Mòn sơmplàñ tĕ kam, tơmbềng tĕ ding kam! Yàng Jehôwa neh chồl nùs ală cau bơtau tòm Medi, bơh Kơnràñ neh lơh nền tơnroh Babilôn. Bơh do la bơta sal tê Yàng Jehôwa dê, Kơnràñ sal tê bơh hìu duh khoai Kơnràñ dê.

Lik Ejiptơ 5:3

Gen Môise mơ Arôn đơs lah: “Yàng Tom Trồ cau Hebrơ dê neh tus mơ bol hi. Tŭ do lòi tĕ bol hi lòt gùng tòm pe ngai tus tòm ƀlàng ngềt ngơt, nàng ơn ală phan duh khoai Jehôwa Yàng Tom Trồ bol hi in, rngòt Kơnràñ đùh bơta pluh plàng hala pềs tà tơnroh bol hi!”

II Ală Bơtau 17:3

Salmanaser, bơtau Asiri, lòt tus tòmdră mơ Ôse; khai kong duh Salmanaser, mơ boh dia khai in.

II Yal Yau 24:24

Bulah mpồl ling Aram neh tus gơs mìng dô êt cau ling, Yàng Jehôwa neh jào phi tòm tê bol khai dô mpồl gơs oă cau rlau. Tài bơh Juda neh sang lòi Jehôwa Yàng Tom Trồ ală ồng pàng bol khai dê, bơta cahrña neh tus hơđang Jôas.

Esai 1:20

Mơya dilah bol mê tòmdră mơ sang lòi, gen bol mê rơp gơkòl đào sa loan, bơh bơr Yàng Jehôwa dê neh đơs behơ̆.”

Esai 65:12

Añ rơp lơh nền bol mê pal kong pềs tà, mơ bol mê jơh tơl nă pal kun să di đap cau sreh tơnchơt cau; bơh Añ neh hòi mơya bol mê ò ho wơl, Añ neh đơs mơya bol mê ò iat. Bol mê neh lơh bơta iơh di đap mat Añ, mơ neh sac rwah bơta ò niam nùs Añ.”

Jeremi 19:7

Tòm tiah do Añ rơp lơh roh bơta rơndap Juda dê mơ Jerusalem dê. Añ rơp lơh bol khai in gơpừ bơh đào di đap cau sò tơm, mơ bơh tê ală cau kòñ tơnroh bơta kis bol khai dê; Añ rơp phi ƀồc bol khai ală sềm trồ mơ jơi phan poan jơng tòm ù lơh gơs phan sa.

Sră Ôse 11:6

Đào rơp sreh tơnchơt bol khai tòm ală ƀòn dờng bol khai dê, rơp tơnroh ală mpồng ƀòn dờng bol khai dê, mơ sa loan jơh bol khai. Tài bơh bơta ma blac bol khai dê

Habakuk 3:5

Pluh plàng gơ lòt di đap Kơnràñ, Kòp jê pluh plàng jat rềp bơh ngkòi Kơnràñ dê.