Lebi 26:19 - Sră Goh 2018

¹⁹ Añ rơp tơnroh bơta pơnhừ să kơldang bồ bol mê dê mơ lơh trồ hơđang bol mê gơlik gơs be lòs mơ ù tiah hơđơm bol mê gơlik gơs be kòng.

Lebi 26:19 Referans Kwoze

Yal Wơl 28:23

Ală tap trồ hơđang bồ bol mê rơp gơlik kung be kòng, ù tiah hơđơm bol mê rơp gơlik gơs kung be lòs.

I Ală Bơtau 17:1

Tŭ hơ̆, Eli cau Thisebe, tòm Galaat, đơs mơ Ahap lah: “Añ ntào di đap Jehôwa Yàng Tom Trồ Israel kis sùm mơ srat să lah: Rơp ò gơs dà tŭ hala mìu tòm ală nam tơnơ̆ do, dilah ò gơs jơnau đơs añ jê.”

Luka 4:25

Añ đơs song mơ bol mê, tòm rài Eli tòm trồ gơkòl til kơ̆ tòm pe nam prau kơnhai, jơh lơgar gơs jơgloh rung dờng; tŭ hơ̆ tòm Israel gơs oă cau ùr bơnrau,

Sôphôni 3:11

Tòm ngai hơ̆, bol mê rơp ò gam ƀàssìl, tài bơh ală broă lơh mơ bol mê neh pơrlơ̆ dră di Añ, tài bơh hơ̆ Añ rơp tă sang bơh digùl bol mê ală cau jòng să, hừh nùs, mơ mê rơp ò gam jòng să hơđang mơnơm sàng goh Añ jê.

Daniel 4:37

Tŭ do, añ la bơtau Nebukatnessar jòng ro, mơ yò tơngguh mơ lơh àng sơnđan Bơtau Hơđang Trồ; jơh ală broă Kơnràñ dê la song ngan: ală gùng dà Kơnràñ dê la song ring; mơ Kơnràñ rgơi tơmù liah cau lơi lòt tòm bơta pơnhừ să.

Ejekiel 30:6

Do la jơnau Yàng Jehôwa đơs: “Ală cau dong tò Ejiptơ rơp gơpừ, bơta pràn kơldang mơ gơ jòng să rơp kong tơmù; bol khai rơp gơpừ bơh đào bơh Mikdôl tus Siene. Jehôwa Yàng Tom Trồ đơs behơ̆.

Jeremi 13:9

Yàng Jehôwa đơs be do: “Añ rơp lơh roh bơta pơnhừ să Juda dê, mơ bơta pơnhừ să dờng Jerusalem dê.

Esai 25:11

Bulah bol khai dang tê bol khai dê digùl tiah hơ̆ kung be cau re dà dang tê nàng re; bơta pơnhừ să bol khai dê rơp kòl tơmù, bơta tòmlơh tòmdră bơh bơta pràn tê bol khai dê.

I Samuel 4:11

Đài Bơta Ho Bal Yàng Tom Trồ dê gơkòl kup cèng, mơ bàr nă kòn klau Heli dê la Hôpni mơ Phineas kong tơnchơt.

Ejekiel 7:24

Añ rơp cèng tus dô làng bol iơh bơsak rlau jơh tòm ală làng bol nàng tòmpìt ai ală hìu bol khai dê; Añ rơp tơnlồi bơta jòng să cau pràn kơldang dê, mơ ală tiah duh khoai bol khai dê rơp kong lơh gơlik gơs ƀơ̆ ƀơl.

Esai 26:5

Bơh Kơnràñ neh tơmù ală cau ơm tòm tiah jơnhoa; ƀòn dờng jơnhoa Kơnràñ tơmù liah. Kơnràñ tơmù gơ liah tus tòm ù mơ sang gơtòm thul ơmul.

Esai 2:12

Bơh Yàng Jehôwa Gơnap Gơnoar Dờng gơs dô ngai, tòmdră mơ jơh ală cau pơnhừ să mơ ală cau jòng să, mơ tòmdră mơ jơh ală cau yò tơngguh is să he;

I Samuel 4:3

Tòm tŭ cau ling tòmlơh rê wơl hơ sàl, gen ală cau kwang kra Israel dê lùp lah: “Ñchi bơh tài Yàng Jehôwa neh lòi bol he kong alah tòm ngai do di đap cau Philistin taih? Bol he lòt lă cèng Đài Bơta Ho Bal Yàng Jehôwa dê bơh Silô, tồ Kơnràñ lòt bal mơ bol he mơ dong klàs bol he bơh bơta pràn ală cau sò tơm bol he dê.”

I Ală Bơtau 8:35

Dilah ală tap trồ gơkòl til kơ̆, ò gơs mìu, tài bơh bol khai neh tìs glài mơ Yàng, dilah bol khai wèt hơ tiah do mơ hòi dan, đal git sơnđan Yàng, pơrlac sang tồi glài he, tài bơh Yàng neh lơh glài bol khai,

Esai 28:1

Bòl glar dơwàng bơkào jòng să ală cau bơñul ñô Epraim dê, bòl glar bơkào mhar ro jrùh la bơta hàng mơnĕ gơklŏ gơ dê, ơm hơđang bồ ală cau lơmă bơh phan sa bơkah, ală cau neh gơpừ tài bơh tơrnòm ño!

Jeremi 3:3

Behơ̆ tàng mìu nhàc neh kòl krơ̆ wơl, mơ mìu bồ sơnam kung ò tus. Mơya mê gam pò bìng liang kung be cau ùr dri tơlàr; Ò git ƀàssìl.

Ejekiel 24:21

‘Đơs tĕ mơ hìu Israel: Jehôwa Yàng Tom Trồ đơs be do: Do, Añ rơp lơh ngkòr ngkàc tiah sàng goh Añ jê, bơta jòng să bơh gơnoar pràn mê dê, mat mê gơboh gơbài, la bơta nùs mê hàm kòñ. Ală kòn klau kòn ùr bol mê dê mơ bol mê neh lòi wơl bơh ngkòi rơp gơpừ bơh đào.

Yal Wơl 11:17

Gen bơta gơjrañ Yàng Jehôwa dê rơp gơhào khuh tòmdră mơ bol mê, mơ Kơnràñ rơp til ală tap trồ tồ gơ ò dùh mìu mơ ù tiah ò gơlik plai đo, mơ bol mê rơp mhar roh rui bơh di lơgar niam mơ Yàng Jehôwa ai bol mê in.

Ejekiel 33:28

Añ rơp lơh lơgar in gơlik tiah srau gòi, bơta pràn kơldang mơ bol khai jòng să rơp roh thit, mơ ală mơnơm Israel dê rơp gơlik gơs ngềt ngơt tian gơs ò gơs dô nă cau lơi lòt gan tềng hơ̆ tai.