Lebi 26:15 - Sră Goh 2018

¹⁵ dilah bol mê sang lòi ală jơnau lơh nền Añ jê mơ cù kìr ală bơta boh lam Añ jê mơ ò lơh jat jơh ală jơnau sồr Añ jê, behơ̆ nàng bol mê rơp lơh tìs mơ bơta ho bal Añ jê,

Lebi 26:15 Referans Kwoze

II Ală Bơtau 17:15

Bol khai sền òsơp ală bơta boh lam mơ bơta ho bal Kơnràñ neh bơtào mơ ồng pàng bol khai dê, mơ ală jơnau yal tơnggit mơ Kơnràñ neh ai bol khai in. Bol khai lòt jat ală rùp ràk ma blac, mơ bol khai gơlik gơs ma blac, bol khai đòm krơh ală làng bol ơm gùt dar, bơh ală làng bol hơ̆ mơ Yàng Jehôwa neh ai gơnoar sồr bol khai lah bañ đòm jat krơh bol khai dê.

Yal Wơl 31:16

Yàng Jehôwa đơs mơ Môise lah: “Tŭ do mê rơp bic mơ ală ồng pàng mê dê. Ai làng bol do rơp lơh dri tơlàr mơ ală yàng lơgar bơdìh tòm lơgar mơ bol mê rơp mut, bol khai rơp sang lòi Añ mơ ò prap gàr jơnau ho bal mơ Añ neh bơtào mơ bol khai.

Ejekiel 16:59

Jehôwa Yàng Tom Trồ đơs be do: “Añ rơp lơh gơwèt mơ ai jat bơta ai pal kong tài bơh ai neh sền òsơp di jơnau srat să ho pơgon Añ jê bơh bơta ai sang lòi bơta ho bal.

Jeremi 11:10

Bol khai wèt wơl hơ tồi glài iơh bơsak ồng pàng bol khai dê bơh yau òr, la ală cau neh ò bài iat jơnau Añ; bol khai neh lòt jat ală yàng ndai mơ duh broă bol gơ. Hìu Israel mơ hìu Juda neh sang lòi bơta ho bal mơ Añ neh bơt bơtào bal mơ ồng pàng bol khai dê.

Esai 24:5

Plai ù kòl lơh ƀơ̆ ƀơl, bơh di ală làng bol ơm tòm gơ; bơh bol khai tìs glài mơ bơta boh lam, tìs glài mơ bơta sồr lam, gơltac sang bơta ho bal gam sùm sùm.

Khà Làng Bol 15:31

Tài bơh khai neh sền òsơp di jơnau Yàng Jehôwa dê mơ neh lơh tìs ală jơnau sồr Kơnràñ dê, cau hơ̆ ngan la pal kong tă sang; bơta tìs glài khai dê gơ ơm hơđang khai.’”

Hebrơ 8:9

ò di be bơta ho bal Añ neh bơtào bal mơ ồng pàng bol khai, Tòm ngai Añ neh at tê tề lam bol khai lik bơh lơgar Ejiptơ; Bơh bol khai ò dòn song lơh jat bơta ho bal Añ jê, Gen tàng Añ sang lòi bol khai,” hơ̆ la jơnau Yàng đơs.

I Tesalônika 4:8

Gen tàng cau lơi sang lòi bơta do gen ò di sang lòi cau ò, mơya hơ̆ la sang lòi Yàng Tom Trồ la Bơtau ai Yàng Hwềng Goh Kơnràñ dê oh mi in.

Rôma 8:7

bơh bơta kơlôi wèt poac să dê gơtòmsò mơ Yàng Tom Trồ bơh gơ ò bài dòn duh bơta boh lam Yàng Tom Trồ dê, mơ kung ò rgơi dòn duh sơl.

Broă 13:41

‘Ơ cau pơnhừ să! Nrơt nrơl mơ roh rui tĕ! Bơh tòm rài bol mê, Añ rơp lơh dô nơm broă, Bulah gơs cau yal wơl, bol mê kung ò dòn.’”

Jeremi 31:32

Bơta ho bal do rơp ò jat bơta ho bal mơ Añ neh ho mơ ồng pàng bol khai dê tòm ngai Añ at tê tề lam bol khai lik bơh lơgar Ejiptơ, hơ̆ la bơta ho bal mơ bol khai neh sang lòi, bulah Añ la bau klau bol khai dê,” Yàng Jehôwa đơs behơ̆.

Jeremi 6:19

Ơ ù tiah, iat tĕ! Do, Añ rơp cèng bơta rung rài tus hơđang làng bol do, cồng nha bơh ală kai gơrmơ̆i bol khai dê, Tài bơh bol khai ò bài ai tồr iat ală jơnau Añ jê, Mơ bơh bơta bơto sồr Añ jê bol khai neh sang lòi gơ.

Jơnau Pơnđik 5:12

Mơ kòn đơs lah: “Ôih, ñchi bơh tài añ gơjrañ di bơta lơh glài tơmàl, Mơ nùs añ sền òsơp di bơta lah pơrhơng taih?

Jơnau Pơnđik 1:30

Kung ò bài iat jơnau bơto tơngkah añ jê. Mơ sền òsơp jơh ală jơnau lah pơrhơng añ jê.

Jơnau Pơnđik 1:7

Bơta duh rngòt di Yàng Jehôwa la sơntòm bơta jak chài; Ai ală cau bơrngơl gơla sền òsơp bơta jak chài mơ jơnau bơto sồr.

Đơs Crih 50:17

Bơh mê gơjrañ kơuềng di bơta lơh glài tơmàl, Ală jơnau đơs Añ jê mê sang lòi đah ngkòi mê dê.

II Yal Yau 36:16

Mơya bol khai ñŏ tơnhial di ală cau kong sồr Kơnràñ dê, sền òsơp di ală jơnau Kơnràñ dê, mơ bơtat bơtròh ală cau gơnoar hwơr Kơnràñ dê, tian gơs bơta gơjrañ dờng Yàng Jehôwa dê gơhào khuh dờng ngan tòmdră mơ làng bol Kơnràñ dê mơ ò gơs gùng lơi rgơi dong.

Lebi 26:43

Bơh lơgar bol khai dê pal kong bol khai sang lòi ngềt ngơt mơ rơp geh ơm rlô lơngai tòm ală nam Saƀat gơ dê tòm tŭ gơ ơm ngềt ngơt ò gơs mat bol khai dê. Bol khai pal kong lơh glài bơh ală bơta tồi glài bol khai dê, tài bơh bol khai sang lòi ală bơta boh lam Añ jê mơ cù kìr di ală bơta lơh nền Añ jê.

Lik Ejiptơ 24:7

Chòp khai ai Sră Bơta Ho Bal mơ sền làng bol in iat. Làng bol ho lah: “Bol hi rơp lơh jat jơh ală jơnau Yàng Jehôwa neh đơs, bol hi rơp dòn bơr.”

Lik Ejiptơ 19:5

Gen tàng, tŭ do dilah bol mê dòn bơr Añ wil tơl mơ prap gàr bơta ho bal Añ jê, gen digùl ală làng bol, bol mê rơp la phan jơtài Añ jê. Bulah jơh dunnia gơrê bal mơ Añ,

Sơnròp Gơlik Gơs 17:14

Dô nă cau klau lơi ò bài kong siat gơltau tòm poac să khai dê gen rơp bơtrơh tơlik bơh làng bol khai dê, cau hơ̆ la cau gơltac bơta ho bal Añ jê.”

Lebi 26:9

Añ rơp ai bơta nđàc wèt sền di bol mê mơ lơh bol mê in tơnggơs bơtơl oă, mơ Añ rơp prap gàr bơta ho bal Añ jê mơ bol mê.

Lebi 26:11

Añ rơp ơn tiah ơm Añ jê digùl bol mê, mơ Añ rơp ò cù kìr di bol mê.

I Samuel 12:15

Mơya dilah bol mê ò ai tồr iat jơnau Yàng Jehôwa dê, mơ tòmdră mơ ală jơnau sồr Kơnràñ dê, gen tê Kơnràñ rơp tòmdră mơ bol mê bal mơ bơtau bol mê dê.

Malaci 2:2

Yàng Jehôwa Gơnap Gơnoar Dờng Làm Jơh đơs lah: “Dilah bol mê ò iat, mơ ò ai nùs ki ngàm di sơnđan gơklŏ Añ jê, gen Añ rơp tơndùh dô bơta srat sơntơm hơđang bol mê, mơ Añ rơp srat sơntơm ală bơta lơngai lơngò bol mê dê. Ngan Añ neh srat sơntơm rau, tài bơh bol mê ò ơn nùs duh rngòt di Añ.