Lebi 23:21 - Sră Goh 2018

²¹ Kung tòm dô ngai hơ̆, bol mê pal yal tơnggit dô bơta pơjum sàng goh mơ bañ lơh dô nơm broă lơi òs lơh. Bơta hơ̆ rơp la dô bơta sồr lam gam sùm sùm ală rài rơp tus bol mê in bulah bol mê ơm tiah lơi kung behơ̆ sơl.

Lebi 23:21 Referans Kwoze

Lebi 23:2

“Yal tĕ cau Israel in mơ đơs tĕ mơ bol khai lah: ‘Do la ală ngai wèr neh bơtào gơs Yàng Jehôwa dê, mơ mê pal yal tơnggit be ală bơta pơjum sàng goh.

Khà Làng Bol 18:23

Mơya ală cau Lebi la cau lơh ală broă tòm Sàl Tòm Mat kong àñ glài bơh ală bơta lơh tìs bol khai dê tòmdră mơ gơ. Hơ̆ la dô bơta ho bal gam sùm sùm ală cau in tòm ală rài rơp tus. Bol khai ò dòp geh sre brê lơi digùl ală cau Israel.

Lebi 23:14

Bol mê bañ sa piang lă lơi, hala mồ hala gar kòi bơnung, jơl tus tòm toh di ngai bol mê cèng phan ơn do Yàng Tom Trồ bol mê in. Bơta do pal la dô bơta sồr lam gam sùm sùm ală rài tơnơ̆ in, bulah bol mê ơm tiah lơi kung behơ̆.’”

Lebi 23:4

Do la ală ngai wèr neh geh pồ bơtào Yàng Jehôwa dê, la ală bơta pơjum sàng goh mơ mê pal yal tơnggit di dê tơngai lơh nền bol gơ dê:

Sơnròp Gơlik Gơs 17:7

Añ rơp lơh bơta ho bal digùl Añ mơ mê, mơ jơi bơtiàn mê tòm ală rài bol khai dê, do la dô bơta ho bal kòp rài gam sùm sùm, tồ Añ lơh gơs Yàng Tom Trồ mê mơ jơi bơtiàn mê dê sơl.

Esai 11:10

Tòm ngai hơ̆, ryas Jese dê rơp ntào kung be bồng bi ală làng bol in, ală lơgar rơp ràn tus mơ Kơnràñ, mơ tiah ơm Kơnràñ dê rơp geh gơklŏ.

Yal Wơl 16:11

Mơ hòn chò tĕ di đap Jehôwa Yàng Tom Trồ bol mê dê di tiah Kơnràñ rơp sac rwah lơh gơs tiah ơm sùm sơnđan Kơnràñ dê; bol mê, ală kòn klau mơ ală kòn ùr bol mê dê, ală cau klau mơ ală cau ùr duh broă bol mê dê, ală cau Lebi ơm tòm ală ƀòn dờng bol mê dê, ală cau làng bol bơdìh, ală cau kòn đòi mơ ală cau ùr bơnrau ơm kis digùl bol mê.

Lebi 23:7

Tòm ngai dùl gen gơs tĕ dô bơta pơjum sàng goh mơ bañ lơh broă jat be òs.

Lebi 3:17

Do la dô jơnau sồr gam sùm sùm ală rài rơp tus in, bulah ơm tiah lơi: Bol mê ò di sa dơngi hala mhàm.

Lebi 23:20

La dô nơm phan ơn sàng goh Yàng Jehôwa in mơ rơp gơrê bal mơ cau gơnoar ơn phan duh khoai.

Lebi 23:25

Bañ lơh dô nơm broă lơi òs lơh, mơya ơn tĕ dô nơm phan ơn chu tòm ồs Yàng Jehôwa in.’”

Lik Ejiptơ 27:21

Tòm dơlam Sàl Tòm Mat, đah bơdìh bài kơrnìng di đap đài Bơta Cơng Tàng, Arôn mơ ală kòn klau khai dê pal rcang ală ồs đèng àng sùm di đap Yàng Jehôwa bơh trồ mang jơl àng drim. Hơ̆ la dô bơta sồr lam gam sùm sùm cau Israel in tòm ală rài.

Lebi 23:31

Bol mê bañ lơh dô nơm broă lơi. Bơta hơ̆ rơp la dô bơta sồr lam gam sùm sùm ală rài rơp tus in, bulah bol mê ơm tiah lơi kung behơ̆ sơl.