Lebi 22:9 - Sră Goh 2018

⁹ Bol khai pal prap gàr ală jơnau Añ sồr, tồ bol khai ò gơkòl tìs glài mơ chơt bơh neh sền òsơp di ală phan sàng goh hơ̆. Añ la Yàng Jehôwa, la Bơtau lơh bol khai in gơs sàng goh.

Lebi 22:9 Referans Kwoze

Lik Ejiptơ 28:43

Arôn mơ ală kòn klau khai dê pal soh srồmpha hơ̆ tŭ lơi bol khai mut tòm Sàl Tòm Mat hala tus rềp di cơnòng duh khoai nàng duh broă tòm Tiah Sàng Goh, tồ bol khai ò tìs glài mơ klàs chơt. Hơ̆ la dô bơta sồr lam gam sùm sùm Arôn mơ kòn sau khai dê.

Khà Làng Bol 18:32

Tòm tŭ ơn pơnah niam rlau jơh gơ dê bol mê rơp ò kong glài bơh bơta hơ̆, gen bol mê ò lơh ƀơ̆ ƀơl ală phan ơn duh khoai sàng goh ală cau Israel dê, mơ bol mê rơp ò chơt.’”

Khà Làng Bol 18:22

Bơh ngai do jơl hìng nau, cau Israel bañ tus rềp di Sàl Tòm Mat, rngòt bol khai pal gơkòl lơh glài mơ pal chơt.

Lebi 22:16

bơh sa ală phan ơn sàng goh neh lơh bol khai in gơkòl glài mơ pal tơm wơl ală phan hơ̆. Añ la Yàng Jehôwa, la Bơtau lơh bol khai in gơs sàng goh.’”

Lebi 16:2

Yàng Jehôwa đơs mơ Môise lah: “Đơs tĕ mơ Arôn bi mê dê, bulah la tŭ lơi bañ tus rềp tòm Tiah Sàng Goh Ngan đah dơlam bài kơrnìng di đap bơnap bơta nđàc ơn hơđang Đài Bơta Ho Bal, dilah ò lơh jat gen khai rơp chơt, tài bơh Añ tơlik mat tòm mhwal hơđang bơnap bơta nđàc.

Mathiơ 23:17

Ơ cau bơrngơl gơla mơ jơngo! Phan lơi la màng rlau, màh hala hìu duh khoai lơh màh in gơlik gơs sàng goh taih?

Lebi 16:13

Khai pal ơn kơlhô hơđang ồs di đap Yàng Jehôwa mơ ñhŭ kơlhô rơp jơm gòm bơnap bơta tơwài glài hơđang Đài Bơta Ho Bal tồ khai in klàs chơt.

Lebi 18:30

Prap gàr tĕ ală bơta Añ sồr lơh jat, mơ bañ lơh jat dô bơta lơi tòm ală bơta òs lơh ƀơ̆ iơh cau òs lơh lài mơ tŭ bol mê tus, mơ bañ lơh să tòm bol mê gơlik gơs ƀơ̆ ƀơl mơ bol gơ. Añ la Jehôwa Yàng Tom Trồ bol mê dê.”

Yal Wơl 11:1

Kòñ gơboh tĕ Jehôwa Yàng Tom Trồ bol mê dê mơ prap gàr ală gơnoar broă Kơnràñ jào, ală bơta lơh nền Kơnràñ dê, ală bơta boh lam Kơnràñ dê mơ ală jơnau sồr Kơnràñ dê.